اغانى فيلم "البرئ" - عبد الرحمن الابنودى 1986

الدم اللى فى أيديا

الدم اللى فى أيديا

اللى بينده عليا

ويقولى قتلت مين

يقولى يا إنسان

تفرق السجان

أزاى من السجين

قلبى اللى كان برئ

زى الطير الطليق

أزاى ضلت عيونه

لما شاف الطريق

آه يا عيون بريئة

مين بدل الحقيقة

ومين قلب المعانى

قدام عينى فى دقيقة

غناء: عمار الشريعى

مشتاقين - محى الدين شريف

مشتاقين يا ناس للبيت

لنبع الحبايب

لبلاد النخيل والغيط

هيعود اللى غايب

مشتاقين يا ناس لبلاد الدهب

كبر الشوق جوه القلب

كان لسه فى حضنى الحب

خدنا ومشينا

والأيام خدتنا

رحلة وعودة

ناويين اننا راجعين

يا بلادى ومشتاقين

نادرين لما نرجع تانى

لبلاد الجمال ربانى

جوه البيت هنزرع نخلة

تطرح خير وتعمل ضلة

والعصافير تلقط غلة

فى الحوش الكبير والرملة

جار الساقية فى العصرية

نحكى حكاوى

والأفراح هتملى الناحية

ويا غناوى

مشتاقين يا ناس

غناء احمد منيب - البوم "مشتاقين" 1982

كان إحساسى صحيح - على الحجار

كان احساسي صحيح

رغم ده فضلت اواجه شعوري

قبلت أجل قراري

قبلت افضل جريح

وكل ده.. لاني كنت فى هواكي

ساجن مصيري معاكي

زى الدخان والريح

لعنت فينا الظنون

ووقتها قدمت ليكي اعتذاري

اعلنت ليكي انكساري

شكيت اكون مجنون

وبعدها شوفتك بعيني وشوفته

احساسي اثبت براءته

وادى الوفا بيخون

دلوقتي لازم اكون وحدى هنا

ما تفرقيش عن سواكي

كل اللى فهم ماليكي

نفس الرتوش واللون

اما انا.. لابد ابدأ رحيلي

ماعدش بعدك باقيلي

معدش شيء مضمون

غناء: على الحجار - تلحين: خليل مصطفى - البوم "اعذرينى" 1982

فى عنيك عنوانى - فاروق جويدة

يقول الناس يا عمري بأنك سوف تنساني

و تنسى أنني يوما وهبتك نبض وجداني

و تعشقُ موجةً أخرى و تهجر دفء شُطآني

و يسقط كالمنى إسمي و سوف يتوه عنواني

ترى ستقول يا عمري بأنك كنتَ تهواني؟

حبيبي كيف تنساني؟

أتيتُكَ و المنى عندي بقايا بين أحضاني

أُحبك واحةً هدَأَت عليها كل أحزاني

أُحبك نسمةً تروي لصمت الناس ألحاني

أُحبك أنت يا أملاً كضوء الصبح يلقاني

ترى ستقول يا عمرى بأنك كنتَ تهواني؟

حبيبي كيف تنساني؟

فلو خُيّرتُ في وطني لقُلتُ هواكَ أوطاني

و لو أنساك يا عمري حنايا القلب تنساني

أماتَ الحب عشاقاً و حبك أنتَ أحياني

إذا ما ضعتُ في دربي ففي عينيكَ عنواني

ترى ستقول يا عمري بأنك كنتَ تهواني؟

حبيبي كيف تنساني؟

غناء: سمية قيصر - عام 1993

قولوا لعين الشمس - مجدى نجيب

قولوا لعين الشمس ماتحماشى

لحسن حبيب القلب صابح ماشى

يا ليل يا ليل يا ليل يا ليل يا ليل

ماشى حبيبى ماشى

ماشى ده بكرة ماشى

قولوا لعين الشمس ماتحماشى

لحسن حبيب القلب صابح ماشى

يا حمام يا حمام طير قبله قوام يا حمام

خليله يا حمام الشمس حرير يا حمام

وياناس لو غاب يا ناس

خلوه يبعتلى سلام

دى الآه بقولها وهوا ما يدراشى

وفى بعده طعم الدنيا مايحلاشى

لا هانام ايام ولا حتى هاشوف احلام

ايام وازاى لو غاب هاتفوت الايام

ويا ناس لو غاب يا ناس

خلوه يبعتلى سلام

دى الآه بقولها وهوا ما يدراشى

وفى بعده طعم الدنيا مايحلاشى

آه يا ناس آه يا ناس

مطرح خطاويه ما تروح

أسقوه بحنان أسقوه ردوله الروح

وقولوله لو غاب يا ناس

خلوه يبعتلى سلام

دى الآه بقولها وهوا ما يدراشى

وفى بعده طعم الدنيا مايحلاشى

غناء: شادية - عام 1966

أسماء - عفاف راضى

عندما حدثت ثورة يوليو 1952 م. فى مصر قامت معها ثورة في الفنون خاصة مع دخول الاعلام في تطورت كبيرة بدخول الإذاعة والتليفزيون المجتمع المصري وكان الادباء والشعراء مع الاعلام من الأساسيات التي اعتمد الثورة عليهم في تحقيق أهدافها وأغراضها سواء الظاهرة أم الخفية .

انا رحت القلعة - نغم مصرى

● إهداء الى كل معتقلى السجون الحربية من الثوار 2011 ●

 

كتب احمد فؤاد نجم تلك الكلمات من خلف قضبان معتقل القرية عام 1972 وغناها رفيق دربه الشيخ إمام، وغنتها العديد من الفرق الموسيقية الشابة مؤخراً، أبرزهم فريق "نغم مصرى" الذى أقتطف من الأغنية ما يلائم الوضع فى مصر قبل ثورة 25 يناير 2011.

وحتى بعد الثورة، يظل "ياسين" البطل الإسطورى حوله "العسكر والزنازين"!!

الملم الجراح - عمر نجم

يا قلبي يا برئ مشينا ع الطريق

عاشق مالهشي تانى

و أملنا كان كبير و جناحنا راح يطير

أتانى ما أتانى

محلاكى يا مرايا يا دهشتى و منايا

و العشق يكون نقايا ياخدوا منها المعانى

مش دى نظرة عنيك و لا دى لمسة إيديك

و ده مش نبض قلبك يا حبى الأولانى

و مادام يا فؤادى لسه جواك شرايين و حاسة

عدي الآلام و انسى لبكرة الأخضرانى

ألملم الجراح و أسهر تانى الليالي

و اودع اللى راح و أضمك يا امالى

و انادى ع الصباح لو ساكن نجم عالى

افرشله حلمي راية تدله ع الطريق

و قلبي و الخلايا يكونو له صديق

و فوق نفس الطريق تانى نغنى الأغانى

غناء: صادق قليني - البوم "ربك هو العالم" 1987

مصر هى أمى - عبد الوهاب محمد

مصر هى امى نيلها هو دمى

شمسها فى سمارى شكلها فى ملامحى

حتى لونى قمحى لون خيرك يا مصر

مصر ... مصر

ماتلاقيش مثالها ست كل عصر

ضله جنب نيلها تسوى الف قصر

ولا ورده بلدى فيها عطر مصر ولا جو مصر ولا سحر مصر

مصر ... مصر

مصر...مصر

فاتك نص عمرك ياللى ماشفت مصر

السماحه روحها والشهامه مصر

والكرامه هى والخلود فى مصر والتاريخ فى مصر

والهرم فى مصر والكرم فى مصر

مصر... مصر

مصر هى امى نيلها هو دمى

شمسها فى سمارى شكلها فى ملامحى

حتى لونى قمحى لون خيرك يا مصر يا ارض المحبه يا غاليه يا مصر

روحنا ونور عيونا لحياتك يا مصر

لولا كان ميلادى فى حسنك يا مصر

لا اتمنيت يا بلدى تبقى امى مصر

مصر هى مصر

غناء: عفاف راضى - عام 1983

موال النهار - عبد الرحمن الابنودى

عدّى النهار

و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها

الصباح

أبو شمس بترش الحنين؟

أبداً..

بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان

و على النغم

تحلم بلدنا

بالسنابل والكيزان

تحلم ببكره

و اللي حيجيبه معاه

تنده عليه في الضلمة

و بتسمع نداه

تصحى له من قبل الأدان

تروح تقابله في الغيطان

في المتاجر و المصانع.. والمعامل

و المدارس.. والساحات

طالعة له صحبة

جنود

طالعة له رجال..

أطفال.. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار

غناء: عبد الحليم حافظ - عام 1967

امجاد يا عرب امجاد - عبد الفتاح مصطفى

أمجاد يا عرب أمجاد

فى بلادنا كرام أسياد أمجاد يا عرب أمجاد

إيش تروى الجبال الشم

من سيرة رجال أبطال

تكتبها السيوف بالدم

مسطورة على الرمال

أجدادنا فخر الأجداد

أولادنا يا زين الأولاد

أمجاد يا عرب أمجاد

يارابط عجال النوك

ياسايم رعيل الخيل

خليها تهز قلوب سباقة رياح الليل

عبارة على الوهاد يحكمها رجال شداد

أمجاد يا عرب أمجاد

يانافخ على النيران ومدوى الطبول رعود

تأتينا نشد رسال ناشعين للكفاح أسود

مخلوقة ليوم جهاد صبارة على الجلاد

أمجاد يا عرب أمجاد *

1- غناء كارم محمود - عام 1953

2- غناء: عبد الحليم حافظ عام 1974 فى ذكرى تأسيس إذاعة "صوت العرب" 

يا طالع الشجرة - على الحجار

كنت أتفكر فى تاريخ طويل من التنكيل بالكلمة من قبل الأنظمة السياسية فى مصر، وما تبدار لذهنى ذلك السؤال وإن بدا ساذجاً:

"ما الذى تفعله الكلمة أو القصيدة حتى يتم منعها؟"

دولا مين - سعاد حسنى

احمد فؤاد نجم

خلال معارك أكتوبر 1973 ذهبت " سعاد حسنى " إلى الإذاعى " وجدى الحكيم " وقالت له : أنا عايزة أغنى للأبطال وأسمعته الكلمات التى كتبها الشاعر " أحمد فؤاد نجم " والتى لحنها الموسيقار " كمال الطويل " فقال لها الإذاعى وجدى الحكيم : وأين الشاعر ؟ وهنا دخل إلى المكتب الشاعر" أحمد فؤاد نجم " وقال للإذاعى " وجدى الحكيم " : أنا أرسلت سعاد حسنى لأننى لو حضرت سوف ترفض الكلمات لأنك لا تحبنى ، فقال له وجدى الحكيم : لا .. أنا بحب الكل ، وهنا قال الشاعر : إذن أنا فهمت غلط ، وسجلت سعاد حسنى " دولا مين " واذيعت لأبطال مصر والأمة العريية وكانت من الاغنيات الجميلة التى تغنت بالنصر العظيم وأبطال مصر.

يا بيوت السويس - عبد الرحمن الابنودى

يابيوت السويس يابيوت مدينتي

استشهد تحتك وتعيشي انتي

يابيوت السويس

يابيوت السويس

هيلا هيلا هيلا يالله يابلديا

شمر درعاتك الدنيا اهيه

وإن باعوا العمر في سوق المنية

رفاقة هانروح السوق نجيبه

ونعود ونغني ع السمسية

ليكي يامدينتي

ياللي صمدتي

يابيوت السويس

استشهد والله ويجيى التانى

فداكي وفدا اهلي وبنياني

اموت وياصاحبي قوم خد مكاني

دا بلدنا حالفة ماتعيش غير حرة

قفلت بيتي وسكيت دكاني

ياشطي وبحري وشبكي وسفينتي

يابيوت السويس

يابيوت السويس

والله بكرة ياعم ابورية

لهاتضحك واحنا ماشيين سوية

ع المينا ولا عند الزيتية

وهاتاخد ابنك وبنتك ومراتك

ونعدي على نفس لمعدية

ونقول يادنيا والله وصدقتي

يابيوت السويس

يابيوت السويس

وان عشنا وانا كنت شديد متعافي

أنا لأحمل توبك على لحم كتافي

وأقضي يومي عرقان وحافي

وإن قدمي اتعفر بالرمل الأصفر

لأغطس قدمي ف البحر الصافي

وتعودي احسن من يوم ماكنتي

يابيوت السويس

غناء: محمد حمام - اصدار: 1970

الليلة يا سمرا - فؤاد حداد

البنت قالت فستاني

منشور على الشط التاني

خدني المراكبى و عدّني

و رجعت فى القَمَرَه

الليله يا سمره يا سماره

الليله يا سمره

الليل يصَبَّح و يمَسي

و تفكرينى و تنََسِّي

وافطم على ريقك نَفْسي

واتوب من الخمره

الليله يا سمره يا سماره

الليله يا سمره

العنجريب اللي قنيته

تَمَن سنين استنيته

على الجريد اللي بنيته

ح تزهّر التمره

الليله يا سمره يا سماره

الليله يا سمره

يا اللي صفيحتك بغوايش

عايش و لا لغيرك عايش

قلبي و لا البحر الطايش

عيني و لا الجمره

الليله يا سمره يا سماره

الليله يا سمره

أشرد من الظبي الشارد

و ارجع لارضك اتشاهد

و اقول يا وعد اللي يجاهد

على خيلك الضامره

الليله يا سمره يا سماره

الليله يا سمره

قال فينا غنوه و حدودته

قال ما فيناش قولة توته

ماهيش عجينه و ملتوته

كل القلوب حمرا

الليله يا سمره يا سماره

الليله يا سمره

خلّي الندى من احلامك

يسقي النبات من ايامك

حطّي اللي خلفك قدّامك

تلقى البلد عامره

الليله يا سمره يا سماره

الليله يا سمره

1- غناء: محمد حمام

2- غناء: محمد منير - البوم "شبابيك" 1981

3- غناء: فرقة شاركس - البوم "شاركس" 1984

4- غناء: احمد منيب - البوم "يا عشرة" 1986

اوبريت الوطن الاكبر - احمد شفيق كامل

يوم ورا يوم أمجاده بتكبر

وانتصارته مالية حياته

وطني بيكبر وبيتحرر

وطني وطني

[عبد الحليم حافظ]

وطني يا مالى بحبك قلبى

وطني يا وطن الشعب العربى

يالى ناديت بالوحدة الكبرى

بعد ما شفت جمال الثورة

انتا كبير كبير كبير و اكتر بكتير

من الوجود كله من الخلود كله

يا وطنى

[صباح]

حلو يا مجد يا مالى قلوبنا

حلو يا نصر يا كاسى رايتنا

حلوة يا وحدة يا جامعة شعوبنا

حلوة يا أحلى نغم في حياتنا

يا نغم سارى بين المحيطين

بين مراكش والبحرين

في اليمن ودمشق وجدة

نفس الغنوة لأجمل وحدة

وحدة كل الشعب العربى

[فايدة كامل]

قوميتنا اللى بنحميها

اللى حياتنا شموع حواليها

جنة بتضحك للى يسالم

وجحيم ثاير على أعادينا

شوفوا بيروت بعد العدوان

الإستعمار فين والطغيان

كبر الشعب وقوته سادت

وبورسعيد حكايتها اتعادت

عاش وانتصر الشعب العربى

[شادية]

وطني يا أغلى وطن في الدنيا

وطني يا قلعة للحرية

أنتا البانى مع البانيين

وأنتا الهادم للعبودية

الصوت صوتك حر وعربى

مش صدا شرقى ولا صدى غربى

ياللى ترابك كحل لعينى

يالى هواك عطرة بيحينى

انتا حبيبى يا وطني العربى

[وردة]

وطني يا ثورة على استعمارهم

إملا جزايرك نار دمرهم

لو نستشهد كلنا فيك

صخر جبالنا راح يحارربهم

الاستعمار على ايدنا نهايته

راح من الدنيا زمانه ووقته

لا الجزاير ولا في عمان

تهدا الثورة على الطغيان

الا بنبض الشعب العربى

[نجاة الصغيرة]

وطني يا جنة الناس حسدنها

على أمجادها وعلى مفاتنها

يالى قنالك رجعت ملكك

وأنتا الخير الدنيا صاينها

على السد وخد من خيره

صنع وازرع وابنى في نوره

ياللى علاك في قلوبنا عبادة

يا وطن كل حياته سيادة

وطن العزة يا وطنى العربى

[عبد الحليم حافظ]

وطني يا زاحف لإنتصاراتك

ياللى حياة المجد حياتك

في فلسطين وجنوبنا الساهر

هنكملك حرياتك

أحنا وطن يحمى ولا يهدد

أحنا وطن بيصون ما يبدد

وطن المجد يا وطني العربى

غناء: عبد الحليم حافظ وصباح وفايدة كامل ووردة وشادية ونجاة الصغيرة - عام 1959