البحث

ياما زقزق القمرى - سيد حجاب

يا ما زقزق القمــرى على ورق الليمون
علشان بلدنا يا وله وجمال بلدنا يا وله..كله يهون
شيلنى شيل ياجدع
على كل كتف أشيل جبل
عمر الكتاف ماهاتنخلع
مادام بيحلو العمل
ولو رمينا سنبلة
بكره تكون حمول كتيرة متلتله
علشان بلدنا ياوله
وجمال بلدنا وله كله يهون
يا ما زقزق القمــرى على ورق الليمون
إحنا أتقبلنا فى غير ميعاد
ياميت حلاوه عاللقا
جايين ومن كل البلاد
من ملوى والغردقة
ماتقولش أنا من المنزلة ولاسنديون
ولا من الباجور ولا من تلا
علشان بلدنا يا وله وجمال بلدنا يا وله..كله يهون

غناء: ماهر العطار - اسطوانات صوت القاهرة عام 1967

مصريتنا - عبد الوهاب محمد

مصريتنا مصريتنا وطنيتنا حماها الله الله الله
نبنى حياتنا نبنى بيوتنا نحمى رايتنا رعاها الله الله الله
مصريتنا علينا غالية زى عينينا هى اللى بتدينا شأن و عز و جاه
يا رب تقوينا وفقنا فى خطاوينا بارك فيها و فينا ..
خللى بلادنا جنه .. جنة ارض الله
مصريتنا مصريتنا وطنيتنا حماها الله
نبنى حياتنا نبنى بيوتنا نحمى رايتنا رعاها الله
مصريتنا منارة وعزيمة جبارة مصريتنا منارة منارة و عزيمة جبارة
ملت الدنيا حضارة على مر الأزمان
و اللى بنوه أجدادنا حافز لنا يا ولادنا نبنى عليه بجهودنا
علشان مجد بلادنامجد بلادنا يعلى يعلى يعلى يعلى كمان و كمان
مصريتنا مصريتنا وطنيتنا حماها الله
نبنى حياتنا نبنى بيوتنا نحمى رايتنا رعاها الله
مصريتنا أمانة زى الروح جوانا مصريتنا أمانة زى الروح جوانا
دى اللى مخليانا شعب من الابطال
نعرف قيمة ذاتنا و نصون مصريتنا و تهون تضحياتنا
لأجل ما تبقى حياتنا أحلى أحلى أحلى فى كل مجال
مصريتنا مصريتنا وطنيتنا حماها الله
نبنى حياتنا نبنى بيوتنا نحمى رايتنا رعاها الله

غناء: محمد ثروت - البوم "مصريتنا" 1980

شيد قصورك - احمد فؤاد نجم

شيد قصورك ع المزارع
من كدنا وعمل إدينا
والخمارات جنب المصانع
والسجن مطرح الجنينه
واطلق كلابك
في الشوارع
واقفل زنازينك
علينا
وقل نومنا في المضاجع
ادي احنا
نمنا ما اشتهينا
واتقل علينا بالمواجع
احنا اتوجعنا
واكتفينا
وعرفنا
مين سبب جراحنا
وعرفنا روحنا
والتقينا
عمال وفلاحين
وطلبه
دقت ساعتنا
وابتداينا
نسلك طريق
ما لهش طريق
ما لهش راجع
والنصر قرب من عنينا
النصر أقرب
من إدينا

غناء: الشيخ امام

احنا شبابك يا بلادى - سيد حجاب

أحنا شبابك يا بلادى
عاشقين ترابك يا بلادى
أحنا شبابك عاشقين ترابك
نبنى ونعلا فى رحابك
مشوارنا الطويل يا بلدى
مشوار الفدا
لو كان ألف ميل يا بلدى
مخلاص أبتدى
تنادى الندا وعلينا الباقى
يا بلادى
بعد ليالى الصبر يا بلدى
بعد الإنتظار
جاية ليالى القدر يا بلدى
بالخير والعمار
نادى للنهار وعلينا اللى باقى
يا بلادى
جيل بعد جيل يا بلدى
بنشق الطريق
ومفيش مستحيل يا بلدى
على القلب الجرئ
أطلبى اى شئ وعلينا اللى باقى
يا بلادى
احنا ولاد النيل يا بلدى
وحضنك ضمنا
والنيل النبيل يا بلدى
بيسرى فى دمنا
أتمنى المنا وعلينا اللى باقى
يا بلادى
عيشى طول الدهر يا بلدى
مرفوعة الجبين
عمرنا اهون المهر يا بلدى
ده احنا العاشقين
اضحكى للسنين واحنا علينا الباقى
يا بلادى

غناء: عفاف راضى

يا أهل المغنى - فادى

بيرم التونسى

"هذه التدوينة إهداء لروح شاعر العامية العظيم .. بيرم التونسى بمناسبة ذكرى رحيله الـ 51"

·   لا أعرف الكثير عن هذا المطرب بالرغم من أنى املك له ألبومين أعتبرهم من الألبومات الجيدة التى استمعت لها.. ويتضمن الألبومان الكثير من أغانى بيرم التونسى التى سننشرها لاحقاً.
·       اول من غنى تلك الأغنية هو الملحن زكريا احمد.