البحث

اسمرانى اللون - عبد الرحمن الأبنودى

اه يا اسمراني اللون حبيبي الاسمراني
يا عيوني ناسياكي عيون حبيبي الاسمراني
تحت الرمش عذاب وحنين وعذاب وعيون ما تنام
دقت معاك طعم الايام والوقت بعيد يا سلام
جوني وسالوني جوبتهم عني
دموع عيني
علشانك امشيها بلاد من غير لا ميه ولا زاد
اه ياللي عيونك شمعه وضحكه وبحر في نسمة طيف
انت رسيت وانا وسط الشوق حيرانه من غير مجاديف
جوني وسالوني جاوبتهم عني
دموع عينى
يا طير يامسافر لبعيد روح قول لحبيبي الاسمراني
ليه سافر ونسي المواعيد يا حبيبي الاسمراني
ليه وانت تحب الشوق اكتر مني وقلبك عطشان
ليه وانت قايلي ان غبتي يغيب م الدنيا احلى مكان
جوني سالوني جاوبتهم عني دموع عيني

1- غناء: شادية - عام 1966
2- غناء: محمد منير - البوم "احمر شفايف" 2003

سنتين وانا احيال فيك - مأمون الشناوى

سنتين وانا احيال فيك - مأمون الشناوى
غناء: ليلى مراد - ألحان: رؤوف ذهنى

سنتين وانا احايل فيك
ودموع العين تناديك ..
يا سبب تعذيبي
والاسم حبيبي
سنتين ..

اتحمل سنه واثنين
والوحده عذاب وهوان
فين حبك وشوقك فين
فين عطفك عليه زمان ..
يا سبب تعذيبي
والاسم حبيبي
سنتين ..

يا ناسي عهود قلبين
وغرامك كأنه ما كان
دا جمالك بعيد ع العين
وخيالك في كل مكان ..
يا سبب تعذيبي
والاسم حبيبي
سنتين ..

لو تنسى خصامك يوم
يوم واحد من الأيام
وتصالح علي النوم
وتفوتني مع الاحلام ..
يا سبب تعذيبي
والاسم حبيبي
سنتين

حمل الأغنية صوتياً بجودة صوت عالية من موقع تراثنا للفن الأصيل بالضغط هنا