سنتين وانا احايل فيك
ودموع العين تناديك ..
يا سبب تعذيبي
والاسم حبيبي
سنتين ..
اتحمل سنه واثنين
والوحده عذاب وهوان
فين حبك وشوقك فين
فين عطفك عليه زمان ..
يا سبب تعذيبي
والاسم حبيبي
سنتين ..
يا ناسي عهود قلبين
وغرامك كأنه ما كان
دا جمالك بعيد ع العين
وخيالك في كل مكان ..
يا سبب تعذيبي
والاسم حبيبي
سنتين ..
لو تنسى خصامك يوم
يوم واحد من الأيام
وتصالح علي النوم
وتفوتني مع الاحلام ..
يا سبب تعذيبي
والاسم حبيبي
سنتين
سنتين وانا احيال فيك
غناء: ليلى مراد
اشعار: مأمون الشناوى
الحان: رؤوف ذهنى
الاصدار فى: اسطوانات فيليبس
السنة: 1956