صلاة النبى ترضى النبى
حصوة فى عينك يالى ما تصلى على النبى
يا عروسة عريسك خفة
لو حطوا جمالها فى كفة وحطوا جمال الدنيا فى كفة
راح تكسب عروستنا الحلوة نقاوتنا
عروستنا يا عروسة يا غريبة وبسبوسة
يا عريسنا يا نقاوة يا احلى من البقلاوة
لابسة الفستان الموضة وخارجة به من الاوضة
قلعت الطرحة الكحلى لبست الطرحة الطلى
يا مصور يالا صورها صورة كده على اخر موضة
لابسة فستان الزفة وعليها حلو وخفة
زواق غاية الرقة حطولها الخرزة الزرقاء
يا مصور يالا صورها صورة كده على اخر موضة
لابسة وعليها القيمة تشبه بتوع السيما
لابسة الحلق دلاية وغويشة جميلة للغاية
يا مصور يالا صورها صورة كده على اخر موضة
الليلة ليلتنا والسهرة سهرتنا بتحضن الخلان
يا مسا التماسى على القلوب الصافية والجدعان
الزفة / لابسة الفستان الموضة
اشعار: عبد الرحيم منصور
غناء: فاطمة عيد
الحان: بليغ حمدى
الاصدار فى: البرنامج التلفزيونى "جديد فى جديد"
السنة: 1978
التصنيف: افراح