البحث

عاشقة وغلبانة - بيقولولى توبى - محمد حمزة

عاشقة وغلبانة - بيقولولى توبى - محمد حمزة
غناء: صباح - ألحان: بليغ حمدى

بيقولولي توبي توبي توبي توبي
ازاي بس ازاي تتوبي ياعيني ازاي
عاشقه وغلبانه والنبي عاشقه ومسكينه والنبي
مقدرش افوته والنبي دا انا كل حته في ثوبي دايبه دايبه في هوا محبوبي
عنيه اه ياعنيه اعمل ايه ياعنيه
عايزين يحرموني من الدنيا الحلوه ديه
عايزين يبعدوني ومش صابرين عليه
عاشقه وغلبانه والنبي عاشقه ومسكينه والنبي
مقدرش افوته والنبي دا انا كل حته في ثوبي دايبه دايبه في هوا محبوبي
عيني ياقلبي علينا انا وانت مساكين ياعيني
مبقاش فاضل لينا غير دمعك يا عين
عاشقه وغلبانه والنبي عاشقه وتعبانه والنبي
مقدرش افوته والنبي دا انا كل حته في ثوبي دايبه دايبه في هوا محبوبي
ان كان مكتوب علينا نفارق القمر هنفارق القمر
وان كان حكم القدر الحيره والسهر  نسهر من غير قمر


حمل الأغنية صوتياً بجودة صوت عالية من موقع تراثنا للفن الأصيل بالضغط هنا

يا عينى على الصدف - عبد الرحيم منصور

الصدفة بتجمعنا وساعات بتودعنا
على قد ما تفرحنا على قد ما توجعنا
نتقابل فى الميعاد وينسانا الميعاد
ونتوه عن بعض لكن يا حبيبى للأسف
يفرقنا الزمان وتبعدنا الأماكن
وتجمعنا الصدف يا عينى
يا عينى على الصدف يا عينى
حبيبى تقولى بكرة حبيبى تقولى بعده
حبيبى على فكرة الشوق دايماً على وعده
نتقابل فى الحقيقة نتقابل فى الخيال
ونتوه عن بعض لكن يا حبيبى للأسف
يفرقنا الزمان الزمان وتبعدنا الأماكن
وتجمعنا الصدف يا عينى
يا عينى على الصدف يا عينى
حبيبى يا لون هنايا لون فرحى ولون هوايا
بتسيب حياتنا ليه للصدفة وللحكاية
نتقابل فى المفارق نفرح بعدين نفارق
ونتوه عن بعض لكن يا حبيبى للأسف
يفرقنا الزمان وتبعدنا الأماكن
وتجمعنا الصدف يا عينى
يا عينى على الصدف يا عينى
 
غناء: انغام - البوم "فى الركن البعيد الهادى" 1987

بسبوسة - حسين السيد

بسبوسة
بت يا نوسة يا نوسة شايله البسبوسة
والله احلويتي وكبرتي وبقيتي عروسة
فين لما زمان كنا بنفرش على باب حتتنا
ونبيع الطيب للطيب من اهل حارتنا
والكل حبايب ياما كانوا بيسندوا وقفتنا
لو بص غريب على حاجة تانية غير البسبوسة
من يوم ما مشينا من الحارة طلعنا في العالي
الخرطة بعشرة جنية واكتر وكمان مش غالي
والغالي يا خوفي لحلاوته تخلص في ليالي
فتافيت السكر ما بقتش تحلى البسبوسة
يلا يا زباين هنشطب فين الاكيلة
الشهد خلاص قرب يجبر ما بيدنا حيلة
خلونا نروح ليلة بدري بس ولو ليلة
على حته مفيش فيها زباين جعانين بسبوسة

غناء:
  1. شادية
  2. انغام - البوم "فى الركن البعيد الهادى" 1987

نحن بشر - فتحى قورة

نحن بشر - فتحى قورة
غناء: ثريا حلمى - ألحان: عبد الرحمن المصرى

نحن بشر ايوة بشر
واحنا لا سمح الله قولنالك ان سيادتك لست بشر
دى اللى قالتلك كده اعمالك وبنسمعها نقول فشر
ليس بشر ليس بشر
شوفتنى ماشية فى ايدى جوانتى وكعب الجذمة 12 سنتى
قولتلى ده انتى فى قلبى عجنتى يا الف نهار زى البرلنتى
اما كوارع لوز وقراصية كده فى الشارع وعلى الناصية
قولت بدال ما ارنلك علقة رحت منادية رجال الشرطة
حلقوا دماغك حتة حلقة صبحت ناعمة زى التورتة
والجورنال بعدها نشر وتقول ليه يعملوا كده
نحن بشر غصب عنى وانا اعمل ايه
نحن بشر ايوة بشر
واحنا لا سمح الله قولنالك ان سيادتك لست بشر
دى اللى قالتلك كده اعمالك وبنسمعها نقول فشر
ليس بشر ليس بشر
بنت جميلة وزى البطة ووقفت صدفة معاك فى محطة
اغمى عليها مسكت ايدها اتحدفت حدف على الكرافتة
رحت ساندها ضربت لخمة شدت ايديها محفظة فاخرة
بس وفاقت بعد شوية متشكرة جداً ميرسى وانت عرفت
وكانت هى ركبت تاكسى ومشيت بيها وانت زبونها الثانى عشر
وتقول بعد ما خربت مالطة 
نحن بشر اعمل ايه اهى مرة وغلطة
نحن بشر ايوة بشر
واحنا لا سمح الله قولنالك ان سيادتك لست بشر
دى اللى قالتلك كده اعمالك وبنسمعها نقول فشر
ليس بشر ليس بشر

حمل الأغنية صوتياً بجودة صوت عالية من موقع تراثنا للفن الأصيل بالضغط هنا

ظلموك يا غرام - فتحى قورة

ظلموك يا غرام - فتحى قورة
غناء: ثريا حلمى - ألحان: سليمان فتح الله

ظلموك يا غرام ظلموك وبكل تهم تهموك
لو لك محكمة كانوا راحوا رفعوا الدعوى وحكموك
ظلموك يا غرام ظلموك
قال ايه شعللت النار وجنيت على القلب الخالى
والليل خليته نهار فى غياب الحلو الغالى
عمرك ما نصفت حبيب ومضيع كل نصيب
وجرحت قلوب يا غرام خليتها تدوب يا غرام
وناقصها تروح لطبيب
مع ذلك بيحبوك ولا يوم قادرين ينسوك
لو لك محكمة كانوا راحوا رفعوا الدعوى وحكموك
ظلموك يا غرام ظلموك
النسمة بين الخلان حفيت رجليها معاهم
والورد على الأغصان اشتكى من طول شكواهم
والبدر ياعينى عليه اسألهم داينوه ليه
خلوه مكسوف يا غرام من قولة شوف يا غرام
الحب عمل فينا ايه وبغير وصفك وصفوك
يا برئ والناس ادانوك
لو لك محكمة كانوا راحوا رفعوا الدعوى وحكموك
ظلموك يا غرام ظلموك
بيقولوا انك جحيم وقسا وغدر وعزال
طب ليه متكون نعيم وسعادة وراحة بال
هو اللى يحب فى يوم لازم ميدوقش النوم
مسكين مظلوم يا غرام وعليه بنلوم يا غرام 
واحنا اللى علينا اللوم 
ايام وسنين عرفوه وإلى الان فهموه
لو لك محكمة كانوا راحوا رفعوا الدعوى وحكموك
ظلموك يا غرام ظلموك

حمل الأغنية صوتياً بجودة صوت عالية من موقع تراثنا للفن الأصيل بالضغط هنا

بحلم فى عالم غريب - عبد الرحيم منصور

بحلم فى عالم غريب - عبد الرحيم منصور
غناء وألحان: فرقة يحيى خليل


بحلم وفى الحلم راحة
بحلم فى عالم غريب
بحلم ومش لاقى راحة
لا من القريب ولا من الغريب

على كل لون الحياة
على كل لون يا بشر
بشر بتخلق حياة
وبشر بتقتل بشر

حمل الأغنية صوتياً بجودة صوت عالية من موقع عبد الرحيم منصور بالضغط هنا

الشيكولاتة - صلاح فايز

خلاص كبرنا على الشيكولاتة خلاص كبرنا
وزهقنا من لعب المساكة فتناه لغيرنا
وقلوبنا صبحت مشغولة بالحب للمرة الأولى
مسكنا فى جناحه وطار بينا ع الجنة طرنا
خلاص كبرنا
الساعة 9 بالثانية كنا تملى فى سرايرنا
دلوقتى احنا حاجة تانية الحب جانا وغيرنا
بنام ونصحى على كيفنا حسب ما تؤمر عواطفنا
لقينا ان السهد تاعبنا لكن سهرنا
وعرفنا ان الشوق دوبنا لكن صبرنا
خلاص كبرنا على الشيكولاتة خلاص كبرنا
كنا بمرايل وضفاير راضيين بحالنا
من مدرستنا على بيتنا دايماً فى حالنا
لحد ما الحب قابلنا فى يوم ونادى وشغلنا
فرحنا وارتاحت له قلوبنا فى طريقه سهرنا
وعرفنا يومها اننا عشقنا خلاص كبرنا
خلاص كبرنا على الشيكولاتة خلاص كبرنا
كانت دادتنا بتحكيلنا حكايات على قد عقولنا
وكنا لما بنسألها ع الحب تتهرب منا
دلوقتى احنا اتنصحنا وعرفنا معناه وارتاحنا
قولنا لداداتنا كلام امبارح احكيله لغيرنا
احنا انشغلنا وفكرنا سارح وخلاص كبرنا

غناء: الثلاثى المرح - اسطوانات صوت الفن 1963

احلى كلام - محمد كمال بدر

احلى كلام - محمد كمال بدر
غناء: شادية - ألحان: خالد الأمير


اما عليك ياحبيبي كلام....أحلى كلام فالحب اتقال
عيني ياعيني الله ياسلام...ايه اجمل من كده يتقال
اتكلم ياحبيبي اتكلم....بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام
كلمني ..كلمني كتير...بياخدني كلامك وبطير
وبحس ان الدنيا جميله...وطريقنا مفروش بحرير
أنا جايه ياحبيبي منين؟...وواخدني كلامك على فين؟
مش عارفه غير انك جنبي...ومفيش فالدنيا غير اتنين
ياعنيه ده كلامك ليه...بيخلي الأحلام ورديه
وبسابق عمري ياحبيبي ...وأستنى الأيام الجايه
اتكلم ياحبيبي اتكلم...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام
قول كل اللي فبالك قول...ده جمالك شئ مش معقول
وحياتك عندي ياحبيبي عايزه أسمع صوتك على طول
همساتك ياحبيبي رقيقه بتدوب كل الشوق فيها
والكلمه اللي انت بتقولها ...ماتقالشي ولااتقال بعديها
اتكلم ياحبيبي اتكلم ...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام
ياليالي طولي طولي ياليالي...هاتي عمري من الأول هاتي
ايه أجمل من حبي معايا...همساته دايبه فهمساتي
مش عارفين للحب نهايه...هو احنا عرفناله بدايه؟
اتكلم ياحبيبي اتكلم...بتخلي العشاق تتعلم
وأنا بسمع منك أنغام...أما عليك ياحبيبي كلام
أحلى كلام

حمل الأغنية صوتياً بجودة صوت عالية من موقع الفنانة عفاف راضى بالضغط هنا

إن راح منك يا عين - فتحى قورة

إن راح منك يا عين - فتحى قورة
غناء: شادية - ألحان: منير مراد


ان راح منك يا عين ... هيروح من قلبى فين

ده القلب يحب مره ... ميحبش مرتين

ميحبش مرتين

الحب اللى فى قلوبنا ... الناس فاكرينه ايه

ده شاغلنا مهما تبنا ... ولا حلفنا عليه

ومهما بعدنا عنه ... نسيانه اقوى منه

وتخافى ليه يا عين ... هيروح من قلبى فين

ده القلب يحب مره ... ميحبش مرتين

ميحبش مرتين

وحياة اللى جرالى ... وياه من غير ميعاد

لأسهره الليالى ... وأحرمه البعاد

واطفى بناره نارى ... واخلص منه تارى

ولا يهمك يا عين ... هيروح من قلبى فين

ده القلب يحب مره ... ميحبش مرتين

ميحبش مرتين

اياه يقسى عليّه ... اياه ينسى اللي كان

لسه الليالي جايه ... واكثر من زمانه

يا حيرته آه ياويله ... بنهار الشوق وليله

خليه يروح يا عين ... هيروح من قلبي فين

ده القلب يحب مره ... ميحبش مرتين

ميحبش مرتين

حمل الأغنية صوتياً بجودة صوت عالية من موقع تراثنا للفن الأصيل بالضغط هنا

ام الشهداء - عبد الرحيم منصور

يا ام الشهداء يا اصيلة يا اصيلة
يا ام الشهداء يا جميلة يا نبيلة
يا ام الشهداء يا حبيبة يا جميلة
كل الجراح لجلك تهون والله
ليل الغريب مش راح يطول يامة
ياللى ما عمرك نسيتى شهيد
ياللى ما هان مرة عليكى وليد
ده يوم ما نفديكى نهارنا عيد
واحنا ولادك ويعوضك الله
ليل الغريب مش راح يطول يامة
عدى عدى عدى وعدينا
عمر الجرح ما يضنينا
ياما عدوا قبلينا
وصبرنا هو يداوينا
كل الجراح لجلك تهون والله
ليل الغريب مش راح يطول يامة

غناء: عفاف راضى - عام 1977

غالى والله غالى - مجدى نجيب

غالى والله غالى - مجدى نجيب
غناء: عليا التونسية - ألحان: عزالدين حسنى


غالى والله غالى مهما يغيب عنى غالى
غالى وهايفضل غالى والله
ده فى بعده مش خايفة ده حبيبى وانا عارفة
راح امشى بنوره فى ليلى واروحله واغنى يا ليل
ده غالى يا ناس وهايفضل غالى

غالى لأنه شمسى وهو فرحى وهمسى
ياما نفسى اروحله طايرة ده انا نجمة وحيدة حايرة
وده اهلى واخواتى وغنايا وآهاتى
راح امشى بنوره فى ليلى واروحله واغنى يا ليل
ده غالى يا ناس وهايفضل غالى

بشتاقله زى شوق الليل للقمر
واشتاقله زى شوق الارض للمطر
وانا احلى حكاية عنده يحكوها صباية
عن قصة هوايا
هو غالى عليا وانا عنده غالية
راح امشى بنوره فى ليلى واروحله واغنى يا ليل
ده غالى يا ناس وهايفضل غالى

بعيش على التنهيدة ودايماً يحن هواه
لو راح بلاد بعيدة قلبى يروح وراه
غالى زى عينيا واكتر من عينيا
راح امشى بنوره فى ليلى واروحله واغنى يا ليل
ده غالى يا ناس وهايفضل غالى

حمل الأغنية صوتياً بجودة صوت عالية من موقع الشاعر مجدى نجيب بالضغط هنا

كلنا عرب كلنا اصرار - مجدى نجيب

كلنا عرب كلنا اصرار - مجدى نجيب
غناء: شادية - ألحان: محمد الموجى


اصرار اصرار

كلنا عرب كلنا اصرار

كلنا فى دمنا اصرار

علشان الضلمة متعيشى

علشان الضحكة متموتشى

علشان الفرحة متغيبشى

علشان نحمى النهار

من اعداء النهار

اصرار اصرار

كلنا عرب كلنا اصرار

كلنا فى دمنا اصرار


حمل الأغنية صوتياً بجودة صوت عالية من موقع تراثنا للفن الأصيل بالضغط هنا

بوست القمر - عبد الوهاب محمد

بوست القمر - عبد الوهاب محمد
غناء: شادية - ألحان: محمد الموجى


شفت القمرعلى طلعتك بالي انشرح
وقلت امتى في رجعتك بيجي الفرح
انا قلبي طار م الشوق اليك
راح للنجوم يسال عليك
ولما ما لقتش لعنيك في الليل اثر
بوست الهوى وبعت بوستي للقمر
 على طلعتك شفت القمر احساسي قال
ان انت اجمل م القمرومن الجمال
وهواك وعدني اسهر هناعلشان ربطنا ببعضنا
في جو يقرب لنا بعد البلاد
انا قلبي طار م الشوق اليك راح للنجوم يسأل عليك
بعت بوستي للقمر يمكن يكون
سهران وشارد في السهر صاحي العيون
وبتهدي بوستك للقمر وانا باهدي بوستي للقمر
يتقابلوا الاتنين في السهرمن غير ميعاد
انا قلبي طار من الشوق اليك

حمل الأغنية صوتياً بجودة صوت عالية من موقع تراثنا للفن الأصيل بالضغط هنا

لو سألوك - عبد الرحيم منصور

لو سألوك - عبد الرحيم منصور
غناء: وردة - ألحان: بليغ حمدى


ولا يصعب علينا ألا الفراق يا عنينا يا حبيبى
أيام علينا تعدى وتمر زى السحاب
أيام ناخد معاها وندى محبة وفرح وعذاب
أيام بتحكم علينا الشوك يجرح أيدينا
الله يجازى الأيام الله يهون علينا 
ويجازى الأيام

ولو سألوك يا حبيبى عنى وعن هوايا 
لو سألوك متقولش يا حبيبى
انك زعلان معايا لو سألوك
ويعز عليا العشرة عليا
وكلام الناس وتجريحهم فيا
ودارى على الجراح
زى ما بتدارى يا حبيبى 
 على الحب والأفراح
وكفاية يا غالى صابرة بجرح ليالى
ليه تشمت عزالى فيا وفى اللى جرالى

لو صادفوك صحابي وسألوك عليا
ما تقول هجرت وتشمتهم فيا
بيجوا يزورنى عنك يسألونى
عنك يسألوني عنك عنك يسألونى
اسكت والدموع من حيرتي يقولولى
يالى انت حبيبي ولا ولا قبلك حبيبى
ولا بعدك حبيبى

حمل الأغنية صوتياً بجودة صوت عالية من موقع تراثنا للفن الأصيل بالضغط هنا

يانا يانا - مرسى جميل عزيز

يانا يانا - مرسى جميل عزيز
غناء: صباح - ألحان: بليغ حمدى

يانا يانا
يانا يانا
بحبيبي أموت أنا أ
موت أنا بحبيبي
واموت أنا بلهيبي بعذابي وحبيبي مادرايبي
علشانه اموت انا

يانا يانا يا تعبني يانا يانا يا سيبني
بالعذاب يظهر عليا و السهر يتسلى بيا
لو صحيح مش داري بيا
ليه بتتلفت عليا
ليه بتهرب من عنيا
واموت انا بـحبيبي

لو تشرق أو تغرب
مهما تبعد راح تقرب راح تجرب ناري بيا
يا جميل تصعب عليا

لو تخلي التلج يغلي
راح تصرخ منها قبلي والي حينجّيك عينيا
يا جميل تصعب عليا

انت خايف من رموشي يجرحوك
مايجرحوشي دول حبايبك يا حبيبي

و لا خايف حبي ياخذك بحر تغرق فيه لوحدك
لا دنا معاك يا حبيبي

ولا أقولك طب بحبك
غصب عنك راح بحبك
ذنبك أيه ؟ ذنبك بحبك
هو بعد الحب ذنبك

علشانه اموت انا
حمل الأغنية صوتياً بجودة صوت عالية من موقع تراثنا للفن الأصيل بالضغط هنا

زى الهوى - محمد حمزة

زي الهوى يا حبيبي زي الهوى .. واه من الهوى يا حبيبي اه من الهوى
وخدتني من إيدي .. يا حبيبي ومشينا
تحت القمر غنينا .. وسهرنا وحكينا
وف عز الكلام .. سكت الكلام .. واتاريني
ماسك الهوى بإيديٌ ماسك الهوى
واه من الهوى يا حبيبي اه من الهوى ..
وخدتني ومشينا والفرح يضمنا .. ونسينا يا حبيبي مين انت ومين انا
حسيت ام هوانا حيعيش مليون سنة
وبقيت وانت معايا الدنيا ملك إيديٌ .. امر على هواية تقول أمرك يا عنيٌ
وف عز الكلام .. سكت الكلام .. واتاريني
ماسك الهوى بإيديٌ ماسك الهوى
واه من الهوى يا حبيبي اه من الهوى ..
خايف .. ومشيت وانا خايف .. إيدي بإيدك وانا خايف
خايف على فرحة قلبي .. خايف على شوقي وحبي
وياما قلت لك انا .. واحنا في عز الهنا
قلت لك يا حبيبي
لانا قد الفرحة دٌية .. وحلاوة الفرحة دٌية
خايف لفي يوم وليلة .. مالاقكش بين ايدٌية
تروح وتغيب .. تغيب عليٌ يا حبيبي .. يا حبيبي
قولتلي يا حبيبي ساعتها .. دي دنيتي انت اللي مليتها
وف عز الكلام .. سكت الكلام .. واتاريني
ماسك الهوى بإيديٌ ماسك الهوى
واه من الهوى يا حبيبي اه من الهوى..
وخدتني يا حبيبي .. ورحت طاير طاير
وفتني يا حبيبي .. وقلبي حاير حاير
وقلت لي راجع .. بكرة انا راجع
وفضلت مستني بأمالي .. ومالي البيت بالورد
بالشوق .. بالحب .. بالأغاني يا حبيبي .. يا حبيبي .. بالأغاني
بشمع قايد .. بأحلى كلمة فوق لساني
كان دا حالي ياحبيبي يا حبيبي .. لما جيت
رددنا الغنوة الحلوة .. الحلوة سوى
ودبنا مع نور الشمع .. دبنا سوى
وذقنا حلاوة الحب .. ذقناها سوى ..
وفلحظة لقيتك يا حبيبي ..
زي دوامة هوى ..
رميت الورد .. طفيت الشمع .. يا حبيبي
والغنوة الحلوة .. ملاها الدمع .. يا حبيبي
وف عز الأمان .. ضاع مني الأمان .. واتاريني
ماسك الهوى بإيديٌ ماسك الهوى
واه من الهوى يا حبيبي اه من الهوى ..
زي الهوى يا حبيبي زي الهوى ..
واه من الهوى يا حبيبي اه منالهوى

غناء: عبد الحليم حافظ - عام 1970

دقت ساعة العمل - حسين السيد


دقت ساعة العمل - حسين السيد
غناء وألحان: محمد عبد الوهاب


دقت ساعة العمل الثوري لكفاح الأحرار

تعلن زحف الوطن العربي بطريقه الجبار

والثوار هم الشعب والأحرار هم الشعب
والثوار هم الشعب والأحرار هم الشعب

عارفين المشوار

هي إرادة شعب إتحرر يوم تلاتة وعشرين

طلع الفجر عليه كان عارف هو طريقه منين

راح للماضي بعت له جبابرة خلي عبيد الأرض أسياد

ميت سنة وأكتر قلته في عشرة لا رجعية ولا إستعباد

لا رجعية ولا إستعباد

من أول مشوار

دقت ساعة العمل الثوري لكفاح الأحرار
تعلن زحف الوطن العربي بطريقه الجبار
والثوار هم الشعب والأحرار هم الشعب

والثوار هم الشعب والأحرارهم الشعب

عارفين المشوار

ومشي الركب يواصل سيره وحارب الإستعمار

في ألوان الذل وطارد شبحه في كل جدار

طلعوا علينا بعدوان فاشل قمنا نرد النار بالنار

ظهر الحق ورجع الباطل لا حرية مع إستعمار

لا حرية مع إستعمار

وما كملش المشوار

دقت ساعة العمل الثوري لكفاح الأحرار

تعلن زحف الوطن العربي بطريقه الجبار

والثوار هم الشعب والأحرار هم الشعب

والثوار هم الشعب والأحرارهم الشعب

عارفين المشوار

وفضل ماشي العربي الأسمر يعلن فجر جديد

إشتراكية وفردت نورها ويوم عن يوم بيزيد

عهد رسول الله الهادي نادي بيها من أجيال

خدنا العهد وقمنا نادي لا إنتهازية ولا إستغلال

لا إنتهازية ولا إستغلال

ومشينا المشوار

دقت ساعة العمل الثوري لكفاح الأحرار

تعلن زحف الوطن العربي بطريقه الجبار

والثوار هم الشعب والأحرار هم الشعب

والثوار هم الشعب والأحرارهم الشعب

عارفين المشوار

سبق الشعب كفاحه وزحفه وراح يبني له مكان

بميثاق يحمي مصيره و مجده وحياته كإنسان

من ماضينا من حاضرنا للمستقبل حققناه

للمجتمع الحر اللي إحنا إحنا الشعب اللي طلبناه

إحنا الشعب اللي طلبناه

وحنمشي المشوار

دقت ساعة العمل الثوري لكفاح الأحرار
تعلن زحف الوطن العربي بطريقه الجبار

والثوار هم الشعب والأحرار هم الشعب

والثوار هم الشعب والأحرارهم الشعب

عارفين المشوار

لما نادي الشعب ببطله وبطل الثورة جمال

لما مشينا نغني ناصر وسبقنا الأجيال

كنا بنحمي مبادئ ستة عارفينها مشاويرها طوال

واليوم وإحنا في وسط السكة بنجدد عهدك ياجمال

بنجدد عهدك ياجمال

لبقية المشوار

دقت ساعة العمل الثوري لكفاح الأحرار

تعلن زحف الوطن العربي بطريقه الجبار

والثوار هم الشعب والأحرار هم الشعب

والثوار هم الشعب والأحرارهم الشعب

عارفين المشوار

حمل الأغنية صوتياً بجودة صوت عالية من موقع تراثنا للفن الأصيل بالضغط هنا