يا ناسيني وانا عمري ما انسى حبك .. تهجرني سنة ... يا قساوة قلبك
سنة وانا ولا على بالك .. ولا مريت في خيالك
ليه كده ليه .. ذنبي أنا إيه ... قوللي عليه .. يا ناسيني
دانا العمــر وانتَ الحياة .. وانا الفجــر وانتَ ضياه
وانا إيه أكون من غيرك .. وانت حارمني نورك
فجر حزين .. عمر سجين .. واشكي لمين .. يا ناسيني
دا انا الورد وانتَ ربيعه .. وانا الود وازاي تبيعه
ليه دبلت شبابي .. ليه طولت عذابي
مين قساك .. مين نساك .. فين ألقاك .. يا ناسيني
دانا الحب وانتَ لهيبه .. وانا القلب وانتَ حبيبه
كده يكويني لهيبك ... كده تغدر بحبيبك
ياما بكيت ... ياما شكيت .. يا ناسيني
غناء: شهرزاد
اقدم تأريخ للأغنية هو من حفل الباخرة سودان عام 1954
ويرجح ان تاريخ التسجيل فى الاذاعة عام 1956
وصدرت الاغنية فى اسطوانات صوت القاهرة عام 1971
نشرت جريدة الاهرام فى عددها الصادر يوم 11 ابريل عام 1964 خبر عن مثول الفنانة شهرزاد امام قاضى محكمة العطارين فى الاسكندرية فى التهمة الموجهة اليها وهى اداء اغنية "يا ناسينى" فى حفل سابق للخبر بشهرين فى الاسكندرية دون تصريح من الرقابة على المصنفات الفنية.