الله يامة على فستانى
كبرنى بحسنه وخلانى
حلوة وشابة قشطة مربى
بالعيد وجماله هنانى
الله يامة على فستانى
صنع بلادنا وفى يوم عيدنا
من ايد بابا جانى هدية
ربى يصونه ويكون عونه
ويعيش يومه ليكى وليا
بتمخطر بيه وبتعاجب
فى يوم العيد
وادانى من الافراح نايب
يا جمال العيد
لونه الوردى يشبه خدى
وجنان ومجسم فوق قدى
زوق غصنى زود حسنى
ومزغلل عين اللى معدى
بتمخطر بيه وبتعاجب
فى يوم العيد
وادانى من الافراح نايب
يا جمال العيد
العيد فرحة وايام شرحة
وبتملى قلوبنا بالبهجة
ويفوت ذكرى حلوة لبكرة
فى العين تلقاها وفى الموجة
وبعودة يعود يا حبايب
وعيد ورا عيد
يدينا من الافراح نايب
وخيرنا يزيد
بالعيد وجماله هنانى
الله يامة على فستانى
فستان العيد
غناء: شريفة فاضل
اشعار: محمد اسماعيل
الحان: عبد العظيم محمد
التصنيف: اغانى العيد