آه من الزمان والهوى .. لما يعادونى
ووقعت بين ده وده .. و الحب و عيونى
حكم عليا الزمان .. احبابى ينسونى
وبعد كاس الحنان .. المر يسقونى
احترت مين اللى خان .. وخلى قلبى انكوى
وان قلت حكم الزمان .. يقولوا طبع الهوى
ما اعرفش مين السبب .. و ياما شفت العجب
بدمع عيني انكتب حظى على جبينى
واخاف تبان الدموع تشمت عدوينى
راضى بنصيبى اللى كان والصبر احسن دوا
يمكن حبيبى الزمان يجيبه تانى الهوى
وادينى بين ده وده حاط عمرى كده
اه من الزمان
غناء: عبد الغنى السيد
اشعار: ابراهيم كامل رفعت
الحان: محمد عبد الوهاب
الاصدار: من تسجيلات الاذاعة المصرية
السنة: 1949
التصنيف: عاطفى