صلوا عليه صلوا
هان الشقا كله
ذكرى النبى الهادى
زادى وزوادى
والقلب يا حادى
ملهوف على خله
ضم الحزام ضمة
دى عافيتك نعمة
واللى مالوش همة
يتقل عليه حله
عرق الجبين طاهر
اتعب مدام قادر
ذل السؤال واعر
يابوى على ذله
فى الدنيا ما يساعدك
يا خى غير كدك
تتعب تنول قصدك
وتنام ما توصل له
غنيلى يا حنين
يبقى الحجر لين
والله العذاب هين
صلوا عليه
غناء: عباس البليدى
اشعار: حسين طنطاوى
الحان: سيد مصطفى
التصنيف: دينى