احلى صباح على كل ايد شغالة
ونهار سعيد يا مصر
نهار سعيد على الرجالة
اللى ايديهم فى البناء
دايماً بتبنى لأمنا
ست الحبايب مصرنا
واحنا معاهم كلنا
نبنى لبكرة وبعده فى القيالة
احلى صباح يا قاهرة
احلى تحية يا احن ام
على الجميع وعليا
حبك حياتنا والحياة لولادنا
وعلشان ترابك ترخص التضحية
وقلوبنا دايماً بالعمل ميالة
طلع النهار والشمس هالة سعيدة
جاية تنور كل سكة بعيدة
وتقول يا بلدى انتى بعزم ولادك
فى نهار جديد وفى احلى صورة جديدة
جوة القلوب وفى العيون متشالة
احلى صباح على كل ايد شغالة
ونهار سعيد يا مصر
نهار سعيد على الرجالة
احلى صباح
غناء: محمد الحلو
اشعار: محمد ياسين قاسم
الحان: وفا حسين
التصنيف: وطنى / اغانى صباحية