ساعة وبس - هدى زايد /اشعار/ عبد الرحمن الابنودى

ساعة وبس انا وحبيبى

ساعة وبس احكى واقوله

ساعة وبس اشكيله همى

ساعة وبس واحكى ده كله

واقوله حاجات واهات وحنين

ساعة وبس

قولى للساعة متكفيش

عطشانة للكلمة وللحس

كوباية المية مترويش

لكن تندى القلب وبس

ساعة تنسينى الاحزان

تقولى كنا واقولك كان

ولك معايا زى زمان

بتقول حبيبى

بقيت بخاف اوى من المواعيد

لانها مبتحققش

والصبر قولى بايه هايفيد

مدام انت دايماً مبترجعش

ترجع ما ترجع هاستناك

انت هنا وانا اللى هناك

ولو مشيت لك على الاشواك

برضك حبيبى

الساعة تغنى عن ايام

انا السؤال وعينيك الرد

اصل فى عيونك شوفت كلام

قبلك ما شوفتوش فى عيون حد

عيون بتعرف امتى تقول

وتخلى بالى وداد مشغول

مين اللى عن سهرى مسئول

الا حبيبى

ساعة وبس انا وحبيبى

ساعة وبس احكى واقوله

ساعة وبس اشكيله همى

ساعة وبس واحكى ده كله

واقوله حاجات واهات وحنين

ساعة وبس

ساعة وبس

غناء: هدى زايد

اشعار: عبد الرحمن الابنودى

الحان: محمد الشيخ

السنة: 1990

التصنيف: عاطفى

العوازل زودوها حبتين - محرم فؤاد /اشعار/ حسين السيد

العوازل زودوها حبتين
كل ساعة يسألونى كنت فين
هما مالهم .. ما يسيبونى
ليه تمللى بيسألونى
رحت فين رحت فين
جيت منين جيت منين
يجرى ايه لو ريحونى
م السؤال ولو يومين .. يومين
ليا احباب رحت ازورهم
من زمان ما زورتهمشى
كنت متشوق لنورهم
رحت اشوفهم بس وامشى
لما ازورهم ويزورونى كل ساعة
مش حبايبى .. ليه بقى تطلع اشاعة
هما مالهم .. ما يسيبونى
ليه تمللى بيسألونى
رحت فين رحت فين
جيت منين جيت منين
يجرى ايه لو ريحونى
م السؤال ولو يومين .. يومين
هوة لوم الناس يغير اى حاجة فى حبنا
طاب ده عمره مش قصير ..
عمره اد عمرنا
حب غالى عشنا طول حياتنا
والعوازل ياخدوا بالهم منى ليه
امتي كان الحب عيب ..
امتي حرمتو المحبة ..
كل واحد له حبيب ..
وإحنا من ضمن الاحبة ..
ولا انا لوحدي اللي متحرم عليا ..
اي حب واي شوق في الدنيا ..
هما مالهم ما يسيبوني
لية كل شوية بيسألوني
هما مالهم .. ما يسيبونى
ليه تمللى بيسألونى
رحت فين رحت فين
جيت منين جيت منين
يجرى ايه لو ريحونى
م السؤال ولو يومين .. يومين
امتي كان الحب عيب
امتي حرمتو المحبة
كل واحد له حبيب
وإحنا من ضمن الاحبة
ولا انا لوحدي اللي متحرم عليا
اي حب واي شوق في الدنيا ديا
هما مالهم .. ما يسيبونى
ليه تمللى بيسألونى
رحت فين رحت فين
جيت منين جيت منين
يجرى ايه لو ريحونى
م السؤال ولو يومين .. يومين

العوازل زودوها حبتين

غناء: محرم فؤاد

اشعار: حسين السيد

الحان: محرم فؤاد

السنة: 1960

التصنيف: عاطفى

الحفلات: حفل العيد السابع لصوت العرب بسينما ريفولى عام 1960

همس الحب - شادية /اشعار/ عصمت الحبروك

يا همس الحب يا احلى كلام .. انا سلمت قلبى والسلام

قالولى عن الهوى ياما قالولى .. واتارى الحب جنة يا سلام

حياتى حبى اغلى ذكرياتى .. بعينى يا عينى شوفت هواك السلام

ياللي بتشتاقلى وبشتاقلك .. ياللي بتحيينى اما بقابلك

وانا انت نطير مع كل خيال .. ونغنى الشوق لليل موال

يسمعنا الليل ويقول يا هوى .. هنى القلبين فى الحب سوا

ياما شفنا ليالى امل وهنا .. حسادنا بعيد وانا وانت هنا

قالولى عن الهوى ياما قالولى .. واتارى الحب جنة يا سلام

حياتى حبى اغلى ذكرياتى .. بعينى يا عينى شوفت هواك السلام

النوم راح فين ياللى سايبنى .. للفكرة تاخذنى وتجيبن

اه منه بعادك يا مسافر .. على دوب الشوق ومدوبنى

واهين يا لقاه الله الله .. دى حلاوة الدنيا حلاوة معاه

ياما شفنا ليالى امل وهنا .. حسادنا بعيد وانا وانت هنا

ايامك يا جمال ايامك .. تملاها بضحكك وكلامك

ولا فيه فى الدنيا الا عيونك .. ولا فيه فى الحب الا غرامك

وعلشان المشتاق وانا برده كدا .. ايامنا وفاق ونعيم ورضا

ياما شفنا ليالى امل وهنا .. حسادنا بعيد وانا وانت هنا

همس الحب

غناء: شادية

اشعار: عصمت الحبروك

الحان: سيد مكاوى

الاصدار فى: اسطوانات صوت القاهرة

السنة: 1974

التصنيف: عاطفى

الحفلات: حفل زفاف نهى إبنة الرئيس السادات عام 1974

على سابع جار النبى وصى - عبد الغنى السيد /اشعار/ على سليمان

على سابع جار النبى وصى

اتوصى بجارك اتوصى

ده اخوك المخلص وقريبك

طول عمره بيشكر فى جميلك

ومن الاحباب هو حبيبك

اتوصى بجارك اتوصى

على سابع جار النبى وصى

الجار من الواجب اكرامه

ويبان اخلاصك قدامه

لو تعرف قيمته ومقامه

على سابع جار النبى وصى

اتوصى بجارك اتوصى

اولاده تصاحب اولادك

الاثنين تفديه بفؤادك

لو تقدر تطعم من زادك

اتوصى بجارك اتوصى

على سابع جار النبى وصى

على سابع جار النبى وصى

غناء: عبد الغنى السيد

اشعار: على سليمان

الحان: صلاح الدين محمود

التصنيف: اغانى اجتماعية

اغانى البوم "امرك عجيب - من غير سبب" سميرة سعيد 1986 /اشعار/ سمير الطائر

امرك عجيب

امرك عجيب عجيب عجيب

حبك غريب غريب غريب

طبعاك يحير ميت حبيب ميت حبيب

لو اصدقك اتعب معاك

لو اكدبك اكسب رضاك

وان قلتلك تعالالي طير تعالالي طير امرك عجيب

وان غبت عنك تبقي قريب تبقي قريب امرك عجيب

امرك عجيب امرك عجيب حب يحير ميت حبيب

امرك امرك امرك عجيب

يا ابو قلب كل دقيقه بحال معرفش بس اسميك ايه

انت الحبيب وانت العذاب وانت اللي بشكي منه اليه

لو يوم خصمتك تبقي جميل ولو صلحتك تيجي قليل

وانت السبب لدموع العين وانت اللي بتجبلي المناديل

لا والغريب في طبع هواك ان العناد ميجيش وياك

لو اصدقك اتعب معاك لو اصدقك

لو اكدبك اكسب رضاك لو اكدبك

وان قلتلك تعالالي طير تعالالي طير امرك عجيب

وان غبت عنك تبقي قريب قريب قريب امرك عجيب

امرك امرك عجيب امرك امرك عجيب

حبك يحير ميت حبيب ميت حبيب

امرك امرك عجيب

يا منفسي حبيبي اغير فيك واديك محبه وشوق وحنان

لعرفت فين وازاي الاقيك ولا قدره احس معاك بامان

ولا عجبك ابقي معاك علطول

ولا ترضي ابدا بعدي يطول

الهجر عندك يبقي حلال

معقول حبك دا معقول مش معقول

لولا ان قلبي خلاص وياك

انا كان زماني بقول نسياك

لا والغريبه في طبع هواك ان العناد ميجيش وياك

لو اصدقك اتعب معاك لو اصدقك

لو اكدبك اكسب رضاك لو اكدبك

وان قلتلك تعالالي طير تعالالي طير امرك عجيب

وان غبت عنك تبقي قريب تبقي قريب قريب قريب امرك عجيب

امرك عجيب امرك امرك عجيب

حبك يحير ميت حبيب ميت حبيب

من غير سبب

اوعي يغلبني هواك اوعي تتعبني معاك

اوعي اصل انا عرفاك هتعب وهلف وراك

اوعي متكلمنيش ابعد متحيرنيش

ده انت بتوعد متجيش واسهر وانا بستناك

يا تعبني معاك من غير سبب ده غرامك اعجب من العجب عجب

انا قلبي كله حب

كله حب كله حب

وحبي احلى حب

احلى حب احلى حب

يارتني الاقي قلب طول عمري معضوش مش كل ليله اسهر

ولا كل يوم يوم يوم هحب

الحب لاغلى الناس مش بس كلام وخلاص

لو قلبك للشوق وصل هتلاقي المر عسل

وعن الحب هتسالني وهقولك ايوه حصل

الحب حصل يا حبيبي وصل

يا حبيبي الله يهديك يهديك يهديك

متبعش قلب شاريك شاريك شاريك

ده انا سهل عليا ارضيك ارضيك ارضيك

بكلام حلو يخليك يخليك يخليك

تحتار حيرة العاشقين والشوق يتعلم فيك

لو عايز نبقى حبايب ريحني الله يخليك

اغانى البوم "امرك عجيب - من غير سبب"

غناء: سميرة سعيد

اشعار: سمير الطائر

الحان: حلمى بكر

السنة: 1986

التصنيف: عاطفى

اه من عينيك - محمد الحلو /اشعار/ مصطفى الشندويلى

اه من عينيك اه اه اه يا سلام

قلبى عليك ياللى الليل فى عيونك نام

انا شوقى ياما وصبرى قليل

يا ابو الرموش سطرين مواويل

غنوا يا عين ودونى شمال

غنوا يا ليل ردونى يمين

وانا قلبى ما بيصدق يا جميل

شوفت فى عينيك نجمين تايهين

بين الرموش رايحين جايين

يا سيدى بتدور على مين

وانت العيون لعينيك عاشقين

اه من عينيك اه اه اه يا سلام

قلبى عليك ياللى الليل فى عيونك نام

وصحى فى القلب الاشواق

ونور الليل للعشاق

بفرحة تتقسم افراح

اه من عينيك اه اه اه يا سلام

قلبى عليك ياللى الليل فى عيونك نام

اه قولت اه مرات

والشوق ياخد ويقول هات

اه مش كفاية يا شوق

مبقاش فيه فى القلب اهات

اه من عينيك اه اه اه يا سلام

قلبى عليك ياللى الليل فى عيونك نام

اه على اللى قال الاه

اه والحنان ما لقاه

اه تبقى كلمة اه

على طول عشقاه

اه من عينيك اه اه اه يا سلام

قلبى عليك ياللى الليل فى عيونك نام

ليه يا زمانى ليه

ليه قابلتنى بعينيك

ليه بتاخدنى لسكة

ومش عارف وخدانى لايه

تعب الكلام والشوق ما نام

فين يا قمر ضحكتك

للى عشق نظرتك

اه من عينيك اه اه اه يا سلام

قلبى عليك ياللى الليل فى عيونك نام

اه من عينيك

غناء: محمد الحلو

اشعار: مصطفى الشندويلى

الحان: محمد الشيخ

توزيع موسيقى: محمد الشيخ

الاصدار فى: البوم "دوامات"

السنة: 1982

التصنيف: عاطفى

ياللى انت زى القمر - هدى زايد /اشعار/ عبد المنعم السباعى

ياللى انت زى القمر وبينا سكة سفر

فى عينيك كلام من غير كلام

زى السهام والحب وعد وقدر

رقيق رقة ولك دقة على بابى

ولك عزة ولك هزة فى اعصابى

يغرينى حنينى اليك

احب هواك واخاف منه

يغرينى حنينى اليك

اقول ده هناه بلاش منه

وليل ونهار احس بنار ولا دارى

واحس بنار تشعلل كل وجدانى

بقالى على الحالة دى سنين

وانا صابرة مع الصابرين

والحب وعد وقدر

ياللى انت زى القمر

عينيك قالتلى قلبك انانى

بتحب روحك مش حد تانى

والحب عندك لعب وتسالى

والحب عندى اغلى الامانى

واشوف قلبى واخدنى اليك

اقوله اتقل ميتقلش

واشوف عقلى واخدنى اليك

اقوله اعقل ميعقلش

وما بين قلبى وما بين عقلى

ما انيش عارف طريق حبى

بقالى على الحالة دى سنين

وانا صابرة مع الصابرين

والحب وعد وقدر

ياللى انت زى القمر

ياللى انت زى القمر

غناء: هدى زايد 

اشعار: عبد المنعم السباعى

الحان: محمد سلطان

التصنيف: عاطفى

كتروا الخطاب - شادية /اشعار/ عبد العزيز سلام

كترو الخطاب على الباب يامّه

افتحى واختارى انتى بدالى

واللى هتكون فية القسمة

عشته معايا هتبقى هنيه

افتحى ياما وافرحى يامّه

كترو الخطاب وانا ملهوفة

وعشان انا ياما مكسوفة

افتحى واختارى انتى بدالى

واللى هتكون فيه القسمة

عشته معايا هتبقى هنية

افتحى ياما وافرحى يامّه

افتحى ياما واسعدى قلبى

وافرحى واختارى شريك عمرى

وانا بادلو ياما اخلاصى وحبى

واطاوعو وسلم له امرى

واللى هتكون فيه القسمة

عشته معايا هتبفى هنية

افتحى ياما وافرحى يامّه

كتروا الخطاب ع الباب يامّه

كتروا الخطاب
غناء: شادية
اشعار: عبد العزيز سلام
الحان: محمد فوزى
الاصدار فى: اسطوانات مصرفون
السنة: 1957
التصنيف: اغانى افراح
الحفلات: حفل أضواء المدينة بأسيوط عام 1957

حقك عليا / يهجر ويعمل عمايله - محمد عبد المطلب /اشعار/ على الفقى

يهجر ويعمل عمايله

واشوف كتير فى غرامه

وكل ما يشوفنى احايله

يزيد فى هجره وخصامه

وانسى علشانه الاسية

ويبقى محقوق ليا

واقوله حقك عليا

ولما ينسى ويهجر

الدنيا تقسى عليا

واعيش فى حيرة وعذاب

وامنى نفسى واصبر

قلبى واسأل عينيا

واقرا فى دموعها الجواب

واروح لحده واصالحه

ومهما يعمل اسامحه

وكل ما يشوفنى احايله

يزيد فى هجره وخصامه

وانسى علشانه الاسية

ويبقى محقوق ليا

واقوله حقك عليا

والدنيا لما يصافينى

بتبقى جنة فى عيونى

كل اللى فيها حبايب

ويوم ما اشوفه يوافينى

ساعتها انسى شجونى

ولا حتى افكر اعاتب

وطول ما هو مراعينى

والدنيا حلوة فى عينى

وكل ما يشوفنى احايله

يزيد فى هجره وخصامه

وانسى علشانه الاسية

ويبقى محقوق ليا

واقوله حقك عليا

حقك عليا / يهجر ويعمل عمايله

غناء: محمد عبد المطلب

اشعار: على الفقى

الحان: على فراج

السنة: 1960

التصنيف: عاطفى

مش ده المهم - شادية حسنى /اشعار/ عزت عبد الوهاب

غلطتى او غلطتك مش ده المهم

كل شئ عند النهاية اترسم

قلب كان عطشان لحب

ما ارتواش من حب قلب

وانتهى المشوار بمكتوب انقسم

غلطتى او غلطتك مش ده المهم

مش مهم اللى انظلم مين ولا مين

ولا مين كان السبب 

النتيجة برضه قلبين مهزومين

والفراق بينا انكتب

مهما هاتكون الآلام

مش هاشاور باتهام

ولا اقول مين انظلم

غلطتى او غلطتك مش ده المهم

اللى كان بينى وبين قلبك سنين

ماضى عدى وانتهى

البداية والنهاية مرسومين

وانت نفسك قولتها

اما عن قلبى الشهيد

مستحيل يرجع يعيد

قصة فيها بينهزم

غلطتى او غلطتك مش ده المهم

كل شئ عند النهاية اترسم

قلب كان عطشان لحب

ما ارتواش من حب قلب

وانتهى المشوار بمكتوب انقسم

غلطتى او غلطتك مش ده المهم

مش ده المهم

غناء: شادية حسنى

اشعار: عزت عبد الوهاب

الحان: رياض الهمشرى

توزيع موسيقى: يحيى الموجى

التصنيف: عاطفى

سؤال واحد - عادل مأمون /اشعار/ على مهدى

سؤال واحد ياريت اعرف جوابه ايه

سؤال واحد مفيش واحد جاوبنى عليه

اللى عاشوا بقلب عاشوا حيرانين ليه

واللى من غير قلب عاشوا مرتاحين ليه

سؤال واحد مفيش واحد جاوبنى عليه

الناس اللى عايشة بقلب

الناس اللى فاهمة الحب

من الحب محرومين

وان حبوا مظلومين

بيقاسوا فى الحالتين

وفى حياتهم بنلاقيهم

ويا ناس مش دارية بيهم

ناس حرام الحب فيهم

والليالى مغلباهم

والحياة متقصداهم

والناس اللى عايشة بقلب ليه

سؤال واحد ياريت اعرف جوابه ايه

سؤال واحد مفيش واحد جاوبنى عليه

والناس اللى من غير قلب

الناس اللى مش للحب

الحب بيقابلوه

ولا عمرهم فهموه

ولا عمرهم نصفوه

وفى حياتهم بنلاقيهم

ويا ناس منشغلة بيهم

ناس حلال الحب فيهم

والليالى مريحاهم

والحياة دايماً معاهم

والناس اللى من غير قلب ليه

سؤال واحد ياريت اعرف جوابه ايه

سؤال واحد مفيش واحد جاوبنى عليه

اللى عاشوا بقلب عاشوا حيرانين ليه

واللى من غير قلب عاشوا مرتاحين ليه

سؤال واحد مفيش واحد جاوبنى عليه

سؤال واحد

غناء: عادل مأمون

اشعار: على مهدى

الحان: عبد العظيم محمد

التصنيف: عاطفى

بحبك قولها - انغام /اشعار/ وائل هلال

بحبك قولها للعالم .. ومايهمكش لو لامو

وايامنا يا عشناهم .. يا خذنا الليل بأوهامه

ولكن قلها ماتخفشي .. ح يجي اليوم ماتندمشي

حرام قلبك يسيب قلبي .. غريق والبر قدامه

بحبك قلها واسمح لي .. الاقي الورد فتح لي

واحس بقلب مرتاح لي .. تكون احلامي احلامه

بحبك قولها للعالم .. ومايهمكش لو لامو

وايامنا يا عشناهم .. يا خذنا الليل بأوهامه

ولكن قلها ماتخفشي .. ح يجي اليوم ماتندمشي

حرام قلبك يسيب قلبي .. غريق والبر قدامه

بحبك قولها واحميني .. من الخوف اللي ماليني

ومد ايديك وعديني .. محدش لاقي ايامه

بحبك قولها للعالم .. ومايهمكش لو لامو

وايامنا يا عشناهم .. يا خذنا الليل بأوهامه

ولكن قلها ماتخفشي .. ح يجي اليوم ماتندمشي

حرام قلبك يسيب قلبي .. غريق والبر قدامه

بحبك قولها

غناء: انغام

اشعار: وائل هلال

الحان: امير عبد المجيد

توزيع موسيقى: محمد مصطفى

الاصدار فى: البوم "بقولك ايه"

السنة: 1995

التصنيف: عاطفى

استاذ قنفد خرشوف - شكوكو /اشعار/ عبد الفتاح مصطفى

استاذ قنفد خرشوف

مطوى معقد ملفوف

ودماغه ماليها مشاكل

وحياته زارعها شناكل

شارب فى الهم وواكل

بن ودخان وكيوف

خلق الاستاذ بيضيق

ينزل دولى وحريق

صف سجاير على الريق

يلمع من القلب تروس

استاذ قنفد خرشوف

مطوى معقد ملفوف

شارب فى الهم وواكل

بن ودخان وكيوف

شاى قهوة قهوة وشاى

والضغط مركب ياى

والجرسون رايح جاى

واخد نص المصروف

استاذ قنفد خرشوف

مطوى معقد ملفوف

شارب فى الهم وواكل

بن ودخان وكيوف

نازل تعفير تعفير

صدره فرقة صفافير

ولا فيش دفتر توفير

بالعة الطقطوقة ألوف

استاذ قنفد خرشوف

مطوى معقد ملفوف

شارب فى الهم وواكل

بن ودخان وكيوف

لو مرة يشمس قلبه

ويخلى الدنيا تحبه

راح ينسى همومه وغلبه

ويحل عقد ورفوف

يطلع ريشه المنتوف

يرجع كرشه المحدوف

يلمع فكره المكسوف

يبلع قلبه المخطوف

ويحب الناس والنور

بضمير واضح بنور

يصبح قمور عصفور

ولا قنفد ولا خرشوف

استاذ قنفد خرشوف

مطوى معقد ملفوف

شارب فى الهم وواكل

بن ودخان وكيوف

استاذ قنفد خرشوف

غناء: شكوكو

اشعار: عبد الفتاح مصطفى

الحان: عزت الجاهلى

التصنيف: مونولوج

يا عينى على الهوى - هدى زايد /اشعار/ احمد محمود الشاذلى

عينى يا عينى على الهوى

بيجمع القلبين سوا

يفرحنا نعشق الهوى

يجرحنا نعشق الهوى

ونلاقى فى الجرح الدواء

عينى يا عينى على الهوى

يا حبيب القلب يا نور العين

على قد ما تقدر هنينى

اسقينى حنان واسعد قلبى

اوعى تعشمنى وتلعب بى

ده انا قلبى ارتاح يوم ما لقيتك

وفى نن العين انا خبيتك

من يوم ما عينيك شاورت ليا

والدنيا احلوت فى عينيا

حتى التنهيدة لها فرحة جديدة

والجنة يا روحى مبقتش بعيدة

وعرفت ايه معنى الهوى

يفرحنا نعشق الهوى

يجرحنا نعشق الهوى

ونلاقى فى الجرح الدواء

عينى يا عينى على الهوى

يا ليالى الحب يا احلامى

اوصيكى بقلبى وايامى

ما تخلى فراق يجى ناحيتنا

ولا اى عزول يعرف بيتنا

هنينا زى اللى اتهنوا

ده الحب مفيش اجمل منه

من يوم ما شاورت ليا

من يوم ما عينيك شاورت ليا

والدنيا احلوت فى عينيا

حتى التنهيدة لها فرحة جديدة

والجنة يا روحى مبقتش بعيدة

وعرفت ايه معنى الهوى

يفرحنا نعشق الهوى

يجرحنا نعشق الهوى

ونلاقى فى الجرح الدواء

عينى يا عينى على الهوى

يا عينى على الهوى

غناء: هدى زايد

اشعار: احمد محمود الشاذلى

الحان: عادل مأمون

التصنيف: عاطفى

على ايدك - عمر فتحى /اشعار/ مجدى النجار

على ايدك..اتعلمنا والله فهمنا على ايدك

اتعلمت الحنيه من نظرة عينك ليا

وعرفت طريقى لقلبك

بالصدق وحسن النية

على ايدك اتعلمنا

حبيتك وابتديت يبقالى ناس وبيت

وفى قربك التقيت الدنيا حاجه تانية

الله على عشرة معاك

يا ابو قلب فى طبعه ملاك

غيرت كتير بهواك

احوال وملامح فيا

اتعلمت الحنيه من نظرة عينك ليا

وعرفت طريقى لقلبك

بالصدق وحسن النية

وعلى ايدك اتعلمنا

على ايدك

غناء: عمر فتحى

كلمات: مجدى النجار

الحان: حجاج عبد الرحمن

توزيع موسيقى: محسن عادلى

الاصدار فى: البوم "على ايدك"

السنة: 1985

التصنيف: عاطفى