- دوق دوق
- دوق الدندرمه
- مصنوعه بذوق تروى العشاق وتطفى الشوق
- الدندرمه
- اللى زعلان من كوبيتين حالآ هيروق
- م الدندرمه
- وان كان حران بعد دقيقتين مضمون هيفوق
- م الدندرمه
- دوق دوق
- دوق دوق دوق ( الدندرمه الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- دوق دوق دوق ( دوق الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- جرى ايه يا زكية
- خلاص الملوخية
- وف شرع مين تنضيف سطرين ياخد ساعتين
- غير التنضيف عوزين تقطيف غير التنشيف
- سيبى قومى
- روحى يله وبلاش اعزار اطفال
- كل بنات الأيام دىذيك فكره الدنيا زواق وجمال
- ست البيت هى اللى تعرف شغل البيت وتربى عيال
- انا معرفشى
- يلا بقى امشى لما ابوكى يجى يبقى يشوف له معاكى حال
- الدندرمه
- حلويات يللى فى بالى قول لى هات
- عندك ايه؟
- عندى كريمه
- فسدق فيه ؟
- عندى جنينة لو تزوريها هتلاقى فيها اشكال والوان
- منجه فيه ؟
- منجه عظيمه والشوكولاته والكساته غير الرمان
- ادينى منجه واتوصى بيه
- ادينى منجه واتوصى بيه
- الغالى يرخص علشان زكيه
- اسكت امى تسمع تزعل تبقى حكاية
- تزعل تزعل ماهى ديمآ زعلانة معايه
- واذا راحت وحكيت وعرف حكايتنا ابويا
- دا ابوكى صاحبى مضمون يبقى ويايا
- الواد توفيق ده زودها
- يا معلم عيسى ده طينها
- اذاى ده يجى فى حارتنا ويعاكس فى بنات حتتنا
- ويهيص قدام قهوتنا
- روح قول له يمشى على طول
- وان طول
- اديه على طول
- انت انت يا جدع انت روقنا غور من حتتنا
- حتتكم دى ولا حارتنا
- تأليس احنا مش عيزين احنا ولاد كبرات جدعان
- واحنا كل الناس عرفين اننا ولاد جدعان
- طب يلا امشى ورينا عرض اكتافك
- عيب يأبو حنفى انا مش شخص عويل قدامك
- يعنى محدش فى الحته دى مالى عينك
- لازم تفهم ان الناس دول مش على كيفك
- اخرص
- اسكت
- خد فى اسنانك
- اى اى
- خد خد
- اى اى
- دى علشانك
- حوش يا معلم
- سيبه يا مجرم
- لما يسلم
- اوعى تسيبه ايون سيبه سيبه يا مجرم
- اوعى لايهرب حوشى يانيابه حوش يا بوليس امسك هناك
- قولى لى ايه اصل الحكاية
- من اوله احكيى لى الرواية
- الصبح قامت فيه خناقة
- هه
- مابين سى توفيق العياقه وصبى قهوة عيسى موسى
- طول عمره سايق فى الحداقة محمود صبى عيسى موسى
- محمود ده واد كسيب وشاطر
- هو اللى فاجر يبقى شاطر
- انت اللى يا معلم رجب ما بيعجبكش صيام رجب ولا يعجبك حتى العجب
- ياوليه عيب دى بنتنا من دمنا ومن لحمنا
- بلا لحمنا بلا دمنا
- وحد عويل بالشكل ده ايش عرفه يصون عرضنا
- محمود لا جانا ولا اتقدم
- مش قولتى مره بيتكلم
- ده معلمه عيسى الكبير
- طبعآ ده عنده فلوس كتير
- راجل غنى وراجل امير
- اياك قلولك عقلى طار ادى زكيه عجوز سفيه عنده تلاته من الحريم عيشين سوا صياد طريق
- هو الحلال عندك حرام
- وزكيه ليه تاخد غفير متشوفش وشه الا بميعاد الليله ايه ليلة بدور والجيه تبقى ليلة سعاد
- مش عارفة اقول لك ايه بقى
- توفيق يليق وانشاء الله تبقى موفقة
- فين هو التوفيق
- البت فاتها خطاب كتير كانو يليقو لها
- خيفه تكبر بعدين تبور يبقى يا ويلها
- مش هيصيبها الا نصيبها
- ليه فى رقابتك تشيلى ذنوبها
- اعرف شغلك فى جواز بنتك اهى قدامك
- غصب عنك راح اجوزها اللى فى بالها
- يلا اهى عندك روح فهمها وفتح عينها
- فين هي زكيه
- فى الاوضه دية
- قومى معايه
- لأ مش جايه
- عيب يا وليه
- ياختى يا بنتى يا ميلة بختك
- ده كلامك انتى وقلة عقلك
- يلا اهو جالك قوم انزل له
- طبعآ انا نازل وهقول له
- دوق دوق دوق ( دوق الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- دوق دوق دوق ( دوق الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- دوق دوق دوق ( دوق الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- دوق دوق دوق ( دوق الدندرمه ) الدندرمه
- مصنوعه بزوق بأدين توفيق الدندرمه
- دوق دوق
- يا مسا الخير
- يا مساء النور
- عندى كلام وحديث علشانك غرضى اقوله ما بينى وبينك
- قبل كلامك عايز اقول لك انا جى طالب قرب منك
- اهلآ مرحب ياسى توفيق يلا اتفضل نطلع فوق علشان فوق نعرف نتكلم وتشوف اهل البيت وتسلم
- خايف حد هناك يتألم
- لأ متخفشى ولا تزعلشى اللى فى بالك يوم هتسلم
- رأيى بلاش نطلع يا معلم
- عوزين نخلص بقى بالمرة
- وانا مقدرش استنى لبكره هجرى ادور ع المأزون وشهودى الأتنين حضرين وفى جيبى للمهر مأتين
- اوعى تعوق
- دأنا متشوئ
- اتمتع يأبو تيفا يا زوق وأتهنا يا سيد العرسان
- هتكمل نصك وتروق وتبات الليله فرحان
- اتمتع يأبو تيفا يا زوق وأتهنا يا سيد العرسان
- هتكمل نصك وتروق وتبات الليله فرحان
- مبروك
- مبروك
- الله يخليك
- مبروك
- ممنون
- الفين مبروك
- دعين لك تكبر ونشوف لك مولود يملا بحسه الحارة
- بشقوته وخناقاته هيجيب لك ونجيب له زيك زماره
- ياعتره يأبو تيفه يا خفة
- يا عرسنا يا زينة الزفة
- هانجى لك ونبارك تانى
- ونزف المحروس فى اللفة
- ياعتره يأبو تيفه يا خفة
- يا عرسنا يا زينة الزفة
- هانجى لك ونبارك تانى
- ونزف المحروس فى اللفة
- ياعتره يأبو تيفه يا خفة
- يا عرسنا يا زينة الزفة
- هانجى لك ونبارك تانى
- ونزف المحروس فى اللفة
- ياعتره يأبو تيفه يا خفة
- يا عرسنا يا زينة الزفة
- هانجى لك ونبارك تانى
- ونزف المحروس فى اللفة
غناء: ابراهيم حمودة وسعاد مكاوى وبديعه صادق وصلاح عبد الحميد وعبد المنعم مدبولى - عام 1957
