يا قلبي يا برئ مشينا ع الطريق
عاشق مالهشي تانى
و أملنا كان كبير و جناحنا راح يطير
أتانى ما أتانى
محلاكى يا مرايا يا دهشتى و منايا
و العشق يكون نقايا ياخدوا منها المعانى
مش دى نظرة عنيك و لا دى لمسة إيديك
و ده مش نبض قلبك يا حبى الأولانى
و مادام يا فؤادى لسه جواك شرايين و حاسة
عدي الآلام و انسى لبكرة الأخضرانى
ألملم الجراح و أسهر تانى الليالي
و اودع اللى راح و أضمك يا امالى
و انادى ع الصباح لو ساكن نجم عالى
افرشله حلمي راية تدله ع الطريق
و قلبي و الخلايا يكونو له صديق
و فوق نفس الطريق تانى نغنى الأغانى
غناء: صادق قليني - البوم "ربك هو العالم" 1987
تعليق المدونة
كنت قد أستمعت لهذه الأغنية منذ سنوات وقد شدتنى الكلمات فألقيت نظرة على الغلاف..
من عمر نجم؟
كان سؤالى هذا لصديق.. فقال لى كان شاعر جميل .. أحد تلاميذ فؤاد حداد
ثم صمت للحظة وقال: كان سيثرى الشعر العامى لولا موته! رحل صغيراً!
حاولت بعدها البحث عن أى سيرة ذاتية أو معلومات عن عمر نجم، فلم أجد أى منهما اللهم بعض قصائده المتناثرة على المدونات.