ياترى انت فين يا حبيبى - صلاح جاهين
غناء: سعاد حسنى - ألحان: عمار الشريعى
يا ترى انت فين يا حبيبى ياترى انت فين غطسان
انا احترت واحتار دليلى اظهر بقى وبان
بركة يا حبيبى يا غالى ما انتش فى السراير دى
ولا انتش مقضى الليالى فى حضن السلاسل دى
مشوفتوش يا ناس اسمرانى غايب عنى له نص يوم
هو اللى هجرنى وجفانى وانا اللى عليا اللوم
جالكوش يا ناس يا طيبين ياللى عنيكوا حنينة
ابداً مجاش متأسفين طلبك يا حلوة مش هنا
لونى بقى شاحب كركم والصحة بقت فى النازل
لازم حبسوه جوة قمقم الناس اللى هم عوازل
نادراً يا حبايب عليا نادراً لو لقيته جانى
لأخدمه برموش عينيا ومزعلوش منى تانى
جالكوش يا ناس يا طيبين ياللى عنيكوا حنينة
ابداً مجاش متأسفين طلبك يا حلوة مش هنا
- من أغانى مسلسل هو وهى -
حمل الأغنية صوتياً بجودة صوت عالية من موقع الأغنية البديلة بالضغط هنا