لا لا لا للفرقة لا
لا لا لا للكره لا
دي الحياة للحياة
اللي ليه في الدنيا ذكرى.. لابد يوم هيعيش لها
واللي ليه في الدنيا فكرة.. يديها نفسه كلها
اللي ليه حلوة صبية.. يفدي روحه لجلها
واللي قال أنوم شوية الله بكرة يحلها
دي الحياة للحياة
يا للي بتقرب قلوب العاشقين لبعضها
اللي دايبة يا عيني دوب، واللي مغلوب امرها
غنوتك فاضت دروب مش هتدبل عمرها
كلمة الحب اللي باقية والقلوب لبعضها
لو تدق الدنيا بابك با لمحبة افتحلها
وانسي كل اللي جرالك منها يوم واضحكلها
ايه هتاخد منها قوللي غير عسلها ومرها
دي القلوب الصابرة ربك راح يعوض صبرها
دي الحياة للحياة
غناء: محمد منير - تلحين: من التراث - البوم "برئ" 1985