احبابنا من عشمهم راجعين لنا تاني
راجعين ينسوا الامهم فى حضننا تاني
لما الزمان يغلبهم يشيلونا همومهم
نداويهم نريحهم ينسونا من تاني
مش لازمة يا عين
من الاحباب جرحين ده اوله بكاني
مش لازمة القلب تاب
نرجع نسمع فى عتاب نندم سنين تاني
مش لازمة يا عين نندم سنين تاني
بلاش الحيرة تاني بلاش
يضيع العمر تاني بلاش
بلاش نضحك على قلوبنا
تدق الذكريات بابنا
ويضيع العمر وما نلقاش
وفى اخر الرحلة ما نبقاش
مش لازمة يا عين
من الاحباب جرحين ده اوله بكاني
مش لازمة القلب تاب
نرجع نسمع فى عتاب نندم سنين تاني
مش لازمة يا عين نندم سنين تاني
انا الهمسة انا اللمسة انا المرسى
انا الهمسة اللى بتهون خطاويهم
وانا اللمسة اللى بتدفي لياليهم
وانا المرسى اللى بالاحضان تلاقيهم
مش لازمة يا عين
من الاحباب جرحين ده اوله بكاني
مش لازمة القلب تاب
نرجع نسمع فى عتاب نندم سنين تاني
مش لازمة يا عين نندم سنين تاني
غناء: على الحجار - تلحين: بليغ حمدى - البوم "اعذرينى" 1982