دقيت على بابك ردى
ردى يا حلوة مشاويرى
لا عايزة تاخدى ولا تدى
ده انتى فى عيونك مزاميرى
ده انتى سبيلى، وقمر رحيلى
هللى وطلى.. وردى ع الغريب
قد ما أخطى قد ما أعدى.. شايلك يا هوايا
صورتك سيرتى، وصمتك حيرتى، ونداكى ندايا
يامرسى الموانى.. مين غيرك نادانى
هللى وطلى.. وردى ع الغريب
كل لغات العالم ايوه.. تتكلم عنيكى
كل طيور الحب الحلوة بترفرف عليكى
يا طيرى المهاجر.. فى عنيكى بسافر
هللى وطلى.. وردى ع الغريب
غناء: محمد منير - تلحين: احمد منيب - البوم "اتكلمى" 1984