الله عليك يا ابن البلد
الله عليك يا ابن البلد سهران بتبنى للبلد
انا قلب حبك لأجل قلبك ع البلد
الله عليك الله عليك يا ابن البلد يا ابن البلد
الله عليك جوه المصانع يا بطل
الله عليك تروى المزارع بالأمل
وايديك بتبنى السد وتهد الجبل
يابو العيون السهرانين لأجل البلد
انا قلبى حبك لاجل قلبك ع البلد
الله عليك والدنيا تعرف همتك
لما تقول تعمل وتوفى بكلمتك
ياللى السلام والحب دائما غنوتك
الله يصونك يا حبيب البلد
انا قلبى حبك لاجل قلبك ع البلد
الله عليك يا اللى تاريخك في السما
الله عليك وايديك بتفرش الهنا
خليك يا شمس النهار فوق أرضنا
الفرح تانى راح يرفرف ع البلد
انا قلبى حبك لاجل قلبك ع البلد
غناء: ليلى مراد - من تسجيلات الاذاعة المصرية عام 1967