ادارى وانت مش دارى
وصابر ليلى ونهارى
يا خوفى عليك لتظلمنى
يخلصلى الزمن تارى
اشوف وردك على غصنه
واغير للناس يغنوله
امد العين يطول حسنه
واخاف من ايدى لا تطوله
اصون الورد من نارى
وادارى وانت مش دارى
اسهر شوقى فى قلبى
واسامر ناره فى ضلوعى
علشان احيا فى عذاب حبى
وانور عينى بدموعى
شاغلنى بك كل افكارى
ادارى وانت مش دارى
يا سايق فى دلال صدك
جمالك والزمن وياك
لا هايدوملك ربيع وردك
ولا دايم عذابى معاك
يا ساهى والزمن سارى
ادارى وانت مش دارى
غناء: محمد عبد المطلب - من تسجيلات الاذاعة المصرية عام 1955