الحليوة ابن الحلال
لما شافها قلبه مال
قال لابوه وجاها
قبل الناس خطبها
والفرح نداها
وانكتب كتابها
ع الحليوة ابن الحلال
العريس كان عنده حق
لما شافها وقال لاهله
هى دى وغيرها لا
والجمال والشوق ندهله
زغرطله يا قلبى وغنيله
السعد منور قناديله
عقبال ما نجيله فى يوم عوضه
نشرب شرباته وندعليه
يملى بيته بالعيال
الحليوة ابن الحلال
العروسة الله عليها
من الحسد يارب صونها
ده القمر لو شاف عينيها
راح يغير من نور عيونها
يا حلاوة الطرحة على جبينها
بتزيد حلاوتها وبتزينها
كل اللى شافوها بيقولوا
مشافتش العين اجمل منها
ربنا يصون الجمال
للحليوة ابن الحلال
الحبايب فرحانين
والقرايب والجيران
كلهم مستنين
الليلة دى من زمان
جايين من بدرى يباركولكم
على دق الطبل يغنولكم
والفرح يا عرسان فى عينيكم
بيقول يا حبايب عقبالكم
زينا تنولوا الامان
للحليوة ابن الحلال
غناء: حورية حسن - عام 1959