عدى القنال عدى
وفى بورسعيد هدى
يا داخل المينا
النصر قام لينا
هدى وحيى شعب حقق الانتصار
وبعزمه من الليل الطويل طلع نهار
وفتح قناله الحر واتحدى المحال
سلم يمينك ياللى اصدرت القرار
يا مرشدين وروا الصديق فين الطريق
عدى وبص تشوف بلاد مزروعة نور
وتشوف رجال ارادتها بتشق الصخور
وتلاقى برليف المنيع اصبح صريع
بايدين ولادنا السمر ابطال العبور
يا مرشدين وروا الصديق فين الطريق
جاية السفن جايبة العروسة للعريس
قابلها بالاحضان فى اجمل يوم خميس
والموج رقص يوم 5 يونية وغنى قال
مبروك عليك النصر يا قنال السويس
يا مرشدين وروا الصديق فين الطريق
عدى القنال
اشعار:حسيب غباشى
غناء: سيد الملاح
الحان: سيد الملاح
التصنيف: وطنى - استئناف الملاحة بقناة السويس