قتلانى عيونه الدباحة
وعجبانى فيه الصراحة
وبدوب ادوب فى هواه
وياريت ياريت القاه
وانا اشيله ع كفوف الراحة
قتلانى عيوته اللى خدونى
ورمونى فى حب مفيش منه
من كتر هواهم خلونى
مش قادرة استغنى يا ناس عنهم
والناس بتنام ولا قادرة انام
واليوم بيعدى سبع ايام
يا هوى الاحباب يالى رايح له
امانة عليك قول له تعالى
وقول له قلبى بيرتاح له
تجيب لى معاك منه رسالة
والناس بتنام ولا قادرة انام
واليوم بيعدى سبع ايام
يا حبيبى ياللى مفيش غيرك
ع البال والخاطر والنية
ده انا قلبى فى حبك لو تعرف
سكر بيدوب من الحنية
والناس بتنام ولا قادرة انام
واليوم بيعدى سبع ايام
بدوب فى هواه
غناء: صباح
اشعار: بخيت بيومى
الحان: محمد ضياء الدين
التصنيف: عاطفى