غزل البنات شوف يا ولة
سكر نبات دوق يا ولة
هايشبعك ويجوعك
ويعلمك المرجلة
دوق يا ولة يا ولة دوق
غزل البنات فتح عينيك
بيع واشترى واملى ايديك
لاحسن يزيد اللوم عليك
فوق يا ولة
ما تخدش غير البرجلة
فوق يا ولة يا ولة يا ولة
دور على اللى يريحك
ويعيش معاك ويفرحك
واللى تلاقيه راح يجرحك
روح يا ولة
انساه ولا تسأل ولا
روح يا ولة يا ولة يا ولة
خليك شجاع ويا الزمان
علشان تعدى للمحن
اوزن امورك بالميزان
عيش يا ولة
والمسطرة والمنقلة
عيش يا ولة يا ولة يا ولة
خليك نبيه وافهم صحيح
اختار ونقى وكون صريح
لاحسن يعيش قلبك جريح
دوق يا ولة
وتزيد معاك المسألة
دوق يا ولة يا ولة يا ولة
غزل البنات
غناء: الثلاثى المرح
اشعار: محمد على احمد
الحان: على اسماعيل
الاصدار: من تسجيلات الاذاعة المصرية
السنة: 1963
التصنيف: عاطفى