راح الحب يا الف خسارة
على ايام الحب الغالى
راح من بعد ما فات لى امارة
راح ذكرى جميلة بتشغل بالى
الف خسارة يا الف خسارة
شوفت الحب شوقه ندانى
قالى كلام ساحر هنانى
نور عمرى ريح فكرى
خلى امالى تفتح تانى
عشت فى قربه ليالى طويلة
بقت الدنيا فى ضله جميلة
الف خسارة يا الف خسارة راح
شوفت الهنا سهران على بابى
صبحت كل الناس احبابى
قلبى صفالهم حبى شغلهم
واتهنيت طول عمر شبابى
دوقت الحب حنان يراعينى
بيدوبنى ويهنينى
الف خسارة يا الف خسارة راح
راح الحب وفاتنى وحيدة
صبحت كل امالى بعيدة
كل اهاتى شاغلة حياتى
وانا خايفة وافكارى شريدة
جه فى ميعاده يريح بالى
ويطمنى ويسعد حالى
الف خسارة يا الف خسارة راح
راح الحب
غناء: سعاد محمد
اشعار: احمد حلمى
الحان: بليغ حمدى
الاصدار فى: اسطوانات صوت القاهرة
السنة: 1971
التصنيف: عاطفى