على شط الحب اتكلمنا
وقابلنا الحب وسلمنا
ولقينا الشوق طار بينا لفوق
ولاجمل غنوة اتبسمنا
بصينا بفرحة لبعضينا
وغناوى كتير جوة عينينا
وامانى العمر بتتبسم
وترفرف بجناحها علينا
والساعة تفوت زى الثانية
وقلوبنا فى دنيا غير الدنيا
ولقينا الشوق طار بينا لفوق
ولاجمل غنوة اتبسمنا
وفى ليل احلامنا الوردية
نورنا شموعنا بحنية
وفى نورها سهرنا وغنينا
بقلوبنا لحد الصبحية
حتى الكروان على اغصانه
من الفرحة شاركنا بألحانه
ولقينا الشوق طار بينا لفوق
ولاجمل غنوة اتبسمنا
من يوم الحب ما جمعنا
للعش الهادى اللى جمعنا
من يومها واحنا بنتهنى
والدنيا دى صبحت لها معنى
يا سلام على الحب ومواله
فى الدنيا مفيش زى جماله
وياه الشوق طار بينا لفوق
ولاجمل غنوة اتبسمنا
على شط الحب
غناء: احمد سامى
اشعار: عباس الخويسكى
الحان: فؤاد حلمى
التصنيف: عاطفى