 |
| القاهرة - مصر |
عرف المصريون لعصور طويلة بتعلقهم الشديد بالوطن، وخوفهم المفرط من الغربة، المصريين أبناء الفرعونى "سنوحى" وقصته الشهيرة، وسجل التاريخ إرتكاز المصريين فى وادى النيل لعقود طويلة لم يبرحوه.
ولأسباب عديدة بدأ المصريين يتخلون عن هذا الخوف تدريجياً وتزامن هذا مع إنفجار آبار البترول فى الخليج وأزدياد فرص العمل هناك وتفشى البطالة واليأس ونكسة 67 فى الداخل فبدا الهجرة والسفر حلم نحو حياة أفضل لن توفرها لهم الدولة. وبدأت الأسراب المصرية تهاجر منذ السبعينيات صوب الخليج وبعض دول أوروبا وحتى الآن!
فى هذه الأغنية الصادرة فى الثمانينات فى ألبوم لفرفة الأصدقاء يسجل الشاعر عمر بطيشة لحظات إقلاع طائرة السفر وفراق البلد التى تركت داخل ثنايا عقول ابنائها ذكريات لن يمحوها حلم السفر.
الحدود - غناء فرقة الأصدقاء
كلمات: عمر بطيشة | تلحين: عمار الشريعى
وأحنا فايتين علي الحدود
مستمرين فى الصعود
مستمرين فى الصعود
أختفى النيل الجميل من تحتنا
والمدن والريف وأول عمرنا
والمدن والريف وأول عمرنا
وأبتدى شئ ينجرح جوه الوجود
وأبتدينا أسئلة مالهاش ردود
ميلنا على الشباك نخبى دمعة فرت مننا
وأبتدينا أسئلة مالهاش ردود
ميلنا على الشباك نخبى دمعة فرت مننا
بصة من الشباك
على البحر البعيد
وأحنا رايحين بالآمال عالم جديد
على البحر البعيد
وأحنا رايحين بالآمال عالم جديد
كنت فاكرة يا مصر انى تعبت منك
واكتشفت انى محال استغنى عنك
حتى دوشة صوت جيرانى
والزحام وحشونى تانى
بسمة حلوة لطفلة لسه صغيرة
لما كنت أديها حته سكرة
قبل ما نسيبك وحشتينا يا مصر يا أمنا
واكتشفت انى محال استغنى عنك
حتى دوشة صوت جيرانى
والزحام وحشونى تانى
بسمة حلوة لطفلة لسه صغيرة
لما كنت أديها حته سكرة
قبل ما نسيبك وحشتينا يا مصر يا أمنا
كنت باتذكر .. وأنا فى غاية الأسى
لعبنا الكورة فى حوش المدرسة
والشقاوة وأحنا لسه صغيرين
والبراءة والصحاب الطيبين
لعبنا الكورة فى حوش المدرسة
والشقاوة وأحنا لسه صغيرين
والبراءة والصحاب الطيبين
لما سألتنى اللى جنبى
أنت مصرى ؟
دق قلبى
أنت مصرى ؟
دق قلبى
أسم زى السحر رفرف علي المكان
زى نسمة مهفهفة بصوت الآدان
أيوه مصريين لآخر كل نقطة فى دمنا
زى نسمة مهفهفة بصوت الآدان
أيوه مصريين لآخر كل نقطة فى دمنا
شوقى زاد للعشرة والناس العزاز
وابتديت أكتب وأنا فوق السحاب
أبتديت يا حبيبي فى أول جواب
مصر أنتى حته منى
مش مجرد أسم وطنى
وابتديت أكتب وأنا فوق السحاب
أبتديت يا حبيبي فى أول جواب
مصر أنتى حته منى
مش مجرد أسم وطنى
قالوا فاضل نص ساعة على الوصول
قولت أية معنى الساعات والا الفصول
إلا فى الارض اللى فيها ذكرياتنا وحبنا
قولت أية معنى الساعات والا الفصول
إلا فى الارض اللى فيها ذكرياتنا وحبنا
وأبتدى شئ ينجرح جوه الوجود
وأبتدينا أسئلة مالهاش ردود
ميلنا على الشباك نخبى دمعة فرت مننا
وأبتدينا أسئلة مالهاش ردود
ميلنا على الشباك نخبى دمعة فرت مننا