م الثانوية للكلية
والمجموع قرب ع ال 100
باركوا وهنوا وقولوا وهنوا
جاى منين .. م الثانوية
رايح فين .. ع الكلية
م الثانوية للكلية
ياما ذاكرات وياما سهرت
ليالى طويلة
واتمنيت الفرحة لكل
زميل زميلة
شفت نجاحى بعد كفاحى
كل كفاح فى الدنيا
بتبقى نهايته جميلة
باركوا وهنوا وقولوا وهنوا
جاى منين .. م الثانوية
رايح فين .. ع الكلية
م الثانوية للكلية
بكرة وطننا بمستقبلنا
هيبقى فخور
كل ما ننقل خطوة
يزيد فى طريقنا النور
و بشهاداتنا .. نملا حياتنا
استقرار وامان وسعاده وهنا وسرور
باركوا وهنوا وقولوا وهنوا
جاى منين .. م الثانوية
رايح فين .. ع الكلية
م الثانوية للكلية
ياللى نسيت الفرحة
وفيه على خدك دمعة
يلا اتجدعن كدة والحقنا
اوام ع الجامعة
دايما ذاكر .. خليك فاكر
غيرك عدا وكان بيذاكر
على ضوء شمعة
بكرة نجيلك و نغنيلك
جاى منين .. م الثانوية
رايح فين .. ع الكلية
م الثانوية للكلية
غناء: ليلى نظمى - اسطوانات صوت القاهرة 1973