والله فى سماه
الظلم مهما طال مداه
مسيره فى يوم راح ينكسر
والحق لازم ينتصر
ويزيد ضياه
وهاتبتسم لينا الحياه
الله بنصره وعد عباده المؤمنين
واحنا يارب لنور جلالك خاشعين
ورجعنا ليك نستغفرك ونتوب اليك
انصرنا على القوم الطغاه الظالمين
بنعد ليهم كل ما نقدر عليه
وكل غالى لجل مصر نضحى بيه
ونبدل الوهم اللى عاشوا العمر فيه
ونجمنا يزداد علا
مكتوب لنا شرف الجهاد لجل البلاد
وايماننا بالله وبنفوسنا الحرة زاد
لجل الامل فى الغد يكبر فى الصدور
لجل الحياة تخضر فى عيون الولاد
لجل التاريخ يرجع يردد من جديد
امجاد ابو بكر وعمر وابن الوليد
ولجل ما يفرح فى جناته الشهيد
النصر لا نرضى سواه
والله فى سماه
الظلم مهما طال مداه
مسيره فى يوم راح ينكسر
والحق لازم ينتصر
ويزيد ضياه
وهاتبتسم لينا الحياه
غناء: محمد قنديل