بكرة الليل ده هيروح
والزهر هايتفتح فى حياتنا اللى جاية
بكره راجعين حبايبنا
يدقوا ابوابنا ويصحوا الفجرية
بكرة كل الناس هتغنى
ويقولوا ورا منى
مواويل الصبية
بكرة راح الملم اوراقى
واجرى قوام فى سباقى
واوصل للحرية
بكره راح ارسم احلامى
واكتب احلي كلامى
على صخرة قوية
بكرة راح الون ايامى
من فرحه انغامى
وتطول السهرية
بكرة راح تفرح اطفالنا
وهتسعد ايامنا وتهون السفرية
بكرة الدمعة هاتسافر وهيحتار الشاعر
فى قصايده الشعرية
بكرة هاتتغير احوالنا
ونضحك على اللى جرالنا
فى مشوار الاسية
بكرة ها تحلو الحكاية
وتنكتب النهاية لاحزان البنية
بكرة هاتكبر المحبة بينا حبة حبة
ونتسامح شوية
بكرة هاتتزف الصبايا
لاجمل حكاية للدنيا الوردية
غناء: سميرة سعيد - البوم "مساء الجمال" 1979