مساء الجمال على حبايبنا
يا مساء الجمال
اللى علشانهم ياما دوبنا
يا مساء الجمال
من شوقنا ليكم قلنا نجيكم
نرمى سلامنا نسال عليكم
ده احنا علشانكم وعلشان خاطركم سهرانين
وطول وجودكم عايزين نشوفكم فرحانين
مسهرين الليل ويانا ده مفيش كلام
واللي عيونه نعسانه هيفوق قوام
مساء الجمال اهلا بيكم
منورين طول لياليكم
والحب جابنا نشوف صحابنا
ده شوقنا ليكم عمره ما سابنا
ما انتم معانا فى غيابنا يامساء الجمال
والشوق ندانا ودوبنا يا مساء الجمال
مساء الجمال طول شوقنا
والنظرة منكوا تروقنا
من غير مجاملة ليلتنا كاملة
بوجودكم بينا يا ناس مسالمة
مساء الجمال دى ليالى مغناية
كل كلامنا ده له معنى
يا ليل يا عينى من الليلة ديا
هنا هو تمللى بكرة يلاقينى
ده احنا علشانكم وعلشان خاطركم سهرانين
وطول وجودكم عايزين نشوفكم فرحانين
اه يا حلاوة غنوتنا يا مساء الجمال
اه يا حلاوة سهرتنا يا مساء الجمال
مساء الجمال وادى اولنا قولنا السلام
واللى غاوينا هايجيلنا من غير كلام
هنغنى ليكم قدام عنيكم
واللى يجاملنا يا خلق فيكم
ده احنا علشانكم وعلشان خاطركم سهرانين
وطول وجودكم عايزين نشوفكم فرحانين
ده انتم حلاوة سهرتنا يا مساء الجمال
وانتم مليتوا دنيتنا يامساء الجمال
غناء: سميرة سعيد - البوم "مساء الجمال" 1979