حبات اللولى طلة من فوق المدنة والله
من فوق المدنة والله تقول عليها نجوم
بتغنى للعلالى رمضان يا شهر غالى
اهلاً يا شهر الصوم اهلاً اهلاً
حبات فرح بتقيد متشبكين عناقيد
فوق الميدان ادوار فارشة السماء انوار
مالية القلوب تفاريح
ونسمة الايمان بتعطر الوجدان
بالذكر والتسابيح
والكون فى جاهه خشوع من روعة الترتيل
واحنا سجود وركوع لله فى شهر فضيل
وتغنى للعلالى رمضان يا شهر غالى
اهلاً يا شهر الصوم اهلاً اهلاً
ملو الفضا الحان من فرحها برمضان
بتقول يا شهر كريم كل هنا ونعيم
والعاصى فيك بيتوب
صومك حكم ودروس ياما بيهدى نفوس
ياما بيمحى ذنوب
يا هدية من الرحمن سبحانه جل علاه
فيك انزل القرآن يهدى لنور الله
وتغنى للعلالى رمضان يا شهر غالى
اهلاً يا شهر الصوم اهلاً اهلاً
غناء: حورية حسن