اه لو مكنتش بحبه اه
اه لو مكانش فى قلبى جوة
ما كنت عمرى جريت وراه
وسيبته يجرى ورايا هو
اه لو مكنتش بحبه اه
اكمنه حيلة وعينه كحيلة
ايه بس اعمل ما بيدى حيلة
لمس ايديا زغلل عينيا
خلى هدومى وسعت عليا
وكان نصيبى اقول حبيبى
للى مخاصمنى ومش دارى بى
ليه بتلومونى ما تفهمونى
وتعذرونى علشان بحبه
اه لو مكنتش بحبه اه
اه لو مكانش فى قلبى جوة
ما كنت عمرى جريت وراه
وسيبته يجرى ورايا هو
لقى دمعة سايلة وشاف محايلة
وحب اكتر من حب ليلى
مسألش فيا ولا حس بيا
وحلفت عمرى ما انسى الاسية
ولما جانى قابلته تانى
قالت عينيا وسكت لسانى
ليه بتلومونى ما تفهمونى
وتعذرونى علشان بحبه
اه لو مكنتش بحبه اه
اه لو مكانش فى قلبى جوة
ما كنت عمرى جريت وراه
وسيبته يجرى ورايا هو
مسيره بكرة هايبقى ذكرى
ويحب هو وانا اللى اكره
ولو قابلنى وجه حايلنى
احلف واقوله غيرك شاغلنى
لكن صادفته كتير وشوفته
ونسيت ساعتها يمين حلفته
ليه بتلومونى ما تفهمونى
وتعذرونى علشان بحبه
اه لو مكنتش بحبه اه
اه لو مكانش فى قلبى جوة
ما كنت عمرى جريت وراه
وسيبته يجرى ورايا هو
اه لو مكنتش بحبه
اشعار: فتحى قورة
غناء: ليلى نظمى
تلحين: منير مراد
السنة: 1973
التصنيف: عاطفى
الحفلات: حفل اضواء المدينة بدار سينما ريفولى