وحياتك يابابا ودينا القناطر
ده العيد النهاردة إوعى تكونش فاكر
وحياتك يا بابا يا بابا يا بابا
سنة فاتت زى اليوم
انت اللى جيت فكرتنا
اول ما صحينا من النوم
عيدت علينا وبوستنا
وفى مركب وديتنا هناك
قعدتنا فى جنينة معاك
واتغدينا واتمشينا واخر النهار رجعتنا
وحياتك يابابا ودينا القناطر
ده العيد النهاردة إوعى تكونش فاكر
وحياتك يا بابا يا بابا يا بابا
سنة جاية وعليك خير
تفرح لما تشوفنا كبرنا
يا اطيب بابا يا امير
بتعيد على كل جيراننا
بتلم ولاد الحارة
وعيال الجار والجارة
وتودينا وترجع بينا الله يخليلك امنا
وحياتك يابابا ودينا القناطر
ده العيد النهاردة إوعى تكونش فاكر
وحياتك يا بابا يا بابا يا بابا
سنة حلوة ان شاء الله عليك
وتعود بالخير على احبابنا
وتفرق دايماً بايديك عيدية على كل اصحابنا
الله يكتر اعيادك ويباركلك فى ولادك
ما تقوم بينا وتودينا نفرح ونهيص كلنا
وحياتك يابابا ودينا القناطر
ده العيد النهاردة إوعى تكونش فاكر
وحياتك يا بابا يا بابا يا بابا
وحياتك يا بابا
اشعار: نبيلة قنديل
غناء: الثلاثى المرح
الاصدار: من تسجيلات الاذاعة المصرية / اسطوانات صوت القاهرة
السنة: 1958
التصنيف: اغانى العيد