عايزة اشوف الحب غنوة فى كل قلب
غنوة حلوة غنوة تملى الدنيا حب
حب الحياة وهى مليانة امل
حب الكفاح حب العزيمة والعمل
وافرح ما بين اهلى وحبايبيى كلهم
والقى الجميع بيعاونوا دايماً بعضهم
هو ده الحب اللى عايزاه فى كل قلب
هو ده الحب اللى يملى الدنيا حب .. هو ده
عايزة الايد تساعد الايد بكل ايمان
عايزة الابن يراعى الاب بكل حنان
عايزة الورد يفتح بدرى فى كل مكان
عايزة الفرح يغنى ويملى الكون الحان
عايزة الناس تحب الخير لكل فقير
ولا فيش حد يقول ده صغير ولا ده كبير
عايزة الكل يزرعوا فل والقى فى كل مكان بستان
عايزة الكل قلوبهم فل ولا يشكيش يوم انسان
والناس كمان لما يلاقوك بتحبهم
هايقدروك وهايخدموك طول عمرهم
والسلام يملى الوجود والحياة تصبح امان
والوجود نملاه ورود والورود هى الحنان
هو ده الحب اللى عايزاه فى كل قلب
هو ده الحب اللى يملى الدنيا حب .. هو ده
عايزة اشوف الحب غنوة
غناء: فايدة كامل
اشعار: ابراهيم عبد الرازق
الحان: عبد العظيم محمد
الاصدار: من تسجيلات الاذاعة المصرية
السنة: 1969
التصنيف: وطنى / اجتماعى