انت فاكر حبنا كانت غلاوته قد ايه
انت فاكر عهدنا اللى كنا محسودين عليه
ايه اللى غير حبنا ايه اللى ضيع عهدنا
ده مكانش فيه اتنين فى الهوى
عاشوا وفرحوا قدنا
انت فاكر ولا ناسى ولا ايه
كنا متفقين نعيش على طول حبايب
كل واحد منا صاحبه يكون فداه
حتى لو جه يوم وواحد منا غايب
قلب اخوه ميروحش ابعد من هواه
واتعاهدنا بقلب صافى وروح وفية
بالوفاء والود والعشرة الهنية
يا حبيبى لو انت زيى ولسة حاسس بالكلام ده
مستحيل كانت حياتنا يبقى ده حالها النهاردة
يا حبيبى ايه اللى غير حبنا ايه اللى ضيع عهدنا
ده مكانش فيه اتنين فى الهوى
عاشوا وفرحوا قدنا
انت فاكر ولا ناسى ولا ايه
كنا بناعيب على دموع السهارى
اللى ضاع الحب منهم فى العذاب
كنا نضحك لما نلقى اتنين حيارى
يبعتوا دمعة على كلمة فى جواب
شوف صبحنا زيهم واكتر شوية
حتى لما اكتب مبتردش عليا
انت فاكر لما جيت لك يوم سألتك
يعنى ايه الهجر والنار والانين
يومها كان القلب لسة جديد فى حبك
كان منين يعرف دموع المحرومين
يجوا دلوقتى اللى فرحوا فيك وفيا
يرسموا منى بدال الجرح مية
يا حبيبى لو انت زيى ولسة حاسس بالكلام ده
مستحيل كانت حياتنا يبقى ده حالها النهاردة
يا حبيبى ايه اللى غير حبنا ايه اللى ضيع عهدنا
ده مكانش فيه اتنين فى الهوى
عاشوا وفرحوا قدنا
انت فاكر ولا ناسى ولا ايه
انت فاكر حبنا
اشعار: حسين السيد
غناء: سعد عبد الوهاب
الحان: سعد عبد الوهاب
التصنيف: عاطفى