شعراء الاغنية المصرية: اغانى المسلسل الاذاعى "رصاصة فى القلب" - نيللى ومحمد ثروت

رصاصة فى القلب (المقدمة)

رصاصة (بوم) فى القلب .. جريمة غامضة

رصاصة(بوم) فى القلب .. دى حاجة فوضى

رصاصة فى القلب رصاصة فضة

رصاصة ملبن فى قلب الشاب

لذيذة جداً رصاصة الحب

فالحب عبارة عن رصاصة (بوم)

رصاصة فى القلب

الحلوة بيضة بيضة فتكت بيا

والحلو يا وقعة بيضة عاقلة شوية

الحب جنون فى جنون

وعيونك احلى عيون

انا مغرم انا مفتون

حاسبى حاسبى عليا

طب ابعد عن عيونى للسلاح يطول

ايه يحصل يعنى يا عيونى خليه يحصل

يحصل ذنبك على جمبك (بوم)

ادى واحدة حبك (بوم)

وادى واحدة فى قلبك (بوم)

كده كده كده كده .. اهو كده اجمل

رصاصة (بوم) فى القلب .. رصاصة ناعمة

رصاصة (بوم) فى القلب .. يا روحى طعمة

رصاصة فى القلب (بوم)

احب الخيال

احب الخيال والكلام الخيالى

ولو كان جنونى ولو كان تسالى

عرفت الحقيقة ودقت الحقيقة

لقيت الحقيقة مهياش مجالى

انا صاحبتى شهرزاد الليالى

لكن بنت خالى دى فوق احتمالى

وميهمنيش اللى ساكن قصادنا

انا يهمنى ابو زيد الهلالى

سحابة بترقص باليه فى العلالى

تشد اهتمامى وتشغلى بالى

واما الصخور اللى بمشى عليها

بتجرحنى لكن انا لا ابالى

الاشارة خضرة

انت مودينى فين

مش بتحب الجيلاتى

وانت تعرف منين

هافهمك يا حياتى

فهمنى عدى الشارع

طب نستنى الاشارة

النور الاحمر والع

لكن ضربوا الصفارة

يالا نجرى سيب ايدى

لتصدمك عربية

شئ ميهمكش يا سيدى

لا ده انتى غالية عليا

من اول لحظة رأيتك حسيت انى حسيتك

كنت بدور عليكى وما صدقت انى لقيتك

احنا فى وسط المرور

ده طيارى الحياة

هاتغرق يا مغرور

وانتى طوق النجاة

اما انت شخص عجيب عمرى ما صادفت مثالك

نازل فيا تعذيب مش عارفة ليه سكتالك

انتى اللى مضطهدانى برموشك الطويلة

ومزودة اشجانى بعيونك الجميلة

وده وقته استنى استنى العربيات هاجمين

هايخافوا ويبعدوا عننا

وهم دول شافين

حاسب تاكسى حاسب اتوبيس عربية جيش

حاسب واحد راكب على العجلة شايل عيش

دلوقتى الشارع يهدى خلينا كده واقفين

فى النص فى حتة واحدة لا شمال نمشى ولا يمين

ودى ورطة يا اخواتى انا ذنبى بس ايه

انى اخاطر بحياتى واسمع كلامك ليه

بقت الاشارة خضرة

وخلاص الخطر زال

اما حتة مغامرة

ما كانت لينا ع البال

انت مودينى فين

مش بتحب الجيلاتى

وانت تعرف منين

هافهمك يا حياتى

فهمنى

البحر والصحراء

لا بقى بجد .. ما الذى لك فى البحر من وفاء

فكرة البحر مش اوى وخصوصاً اذا غدر

البحر .. الصحراء

البحر يا روح قلبى شاعر بيقول عجبى

اوقات بيكون عصبى ثم يصفو ويعتذر

البحر مالهش امان بيطرطرش على الفستان

وفى قلبه سمك بسنان ياكل الصلب والحجر

يعنى الصحراء هى اللى امان يا عينيا

ده زوادة رملية وسراب يخدع النظر

الصحراء اصح مكان جوها يشبه حلوان

وقمرها لما يبان النسيم يعشق السهر

البحر يا بنت الناس مزيكا وشوق وحماس

ومساحته اربع اخماس كوكب الارض والبشر

بحر وصحراء ايه خلينا قاعدين سوا بقلوب صافية

مش معقول نخسر بعضينا علشان حبة جغرافيا

هاحبه مهما كان

انسان اثر فى قلبى وانا قلبى رقيق فنان

انساه ازاى ياربى وده بنى ادم انسان

انا مهما يقولوا عليه روحى بشوفها فى عينيه

ومهما يكون حواليه هاحبه مهما كان

بيحكولى الناس ويقولوا تحت السواهى دواهى

وينم عليه عزوله اتخض واقول يا الهى

لكن ارجع لضميرى الاقيه مالى تفكيرى

ميهمنش مصيرى واهمس بكل حنان

هاحبه هاحبه هاحبه مهما كان

مكرهش منه حاجة مهما اتفاجءت منه

واهتف فى وقت الحاجة ارفعوا ايديكم عنه

يا ناس ياللى تحبونى حبوه زيى وجاملونى

ولو مش هاطاعونى علشان وعلشان وعلشان

هاحبه هاحبه هاحبه مهما كان

عيد عيد عيد (النهاية)

عيد عيد عيد وبشايره مالية الكون