انت واصلك متقولهاش متعيدهاش
كلمة وصبحت مقبلهاش
لو يبعوها الناس ببلاش مشتريهاش
موضة قديمة متنفعناش
انت واعمالك اللى هاتبقالك
انما انت واصلك لا دى بلاش
متقولهاش متعيدهاش
طب ما انا عارفة انك من عيلة
والاموال عندك بالكيلة
ميهمكش مدام مواركش
تصرف الف جنية فى الليلة
بس عايزنى احترمك ليه
قولى عملت لبلدك ايه
هو الاصل فلوس وقماش
واربع عربيات فى جراج
انت واعمالك اللى هاتبقالك
انما انت واصلك لا دى بلاش
متقولهاش متعيدهاش
اللى بيزرع ارض بلاده
واللى بعرقه يربى ولاده
واللى بيشقى ده عندى بيبقى
اصله كريم والاصل جهاده
وانت عايزنى احترمك ليه
قولى عملت لبلدك ايه
ده اللى ينام ولا يخدمهاش
يبقى كأنه لا مات ولا عاش
انت واعمالك اللى هاتبقالك
انما انت واصلك لا دى بلاش
متقولهاش متعيدهاش
لا يا عزيزى الوضع اتغير
مبقاش فيه لا كبير وصغير
كلمة اصلى ياخويا وفصلى
كانت توب واجرب وجير
بس عايزنى احترمك ليه
قولى عملت لبلدك ايه
من غير عملك مبتسواش
مهما عليت برضه متعلاش
انت واعمالك اللى هاتبقالك
انما انت واصلك لا دى بلاش
متقولهاش متعيدهاش
اشعار: فتحى قورة
غناء: ثريا حلمى
الحان: سليمان فتح الله
الاصدار فى: الاذاعة المصرية
السنة: 1962
التصنيف: مونولوج - اجتماعى