انت احلويت - شهرزاد /اشعار/ عبد الوهاب محمد

انت احلويت كده ليه

انا عارفة واقولك ليه

انت احلويت بعد ما حبيت

وفى كل عيون الدنيا بقيت 

انسان يا حياتى عليه

شوفت ياروح قلبى يا حب

الحب بيعمل ايه

انا ويا الهوا غيرتك من عطفى وحنانى

وفى اجمل ما اتصورتك اصبح بحبك تانى

اصل انت بحق صبحت ارق واحن كمان

اكتر بزمان من كل ما انا اتمنيت

يا حبيبى تعيش والحب تعيش

واهديك من عمرى ايام وسنين

واخلى هناك باين فى عينيك

والناس حواليك بيقولوا ده مين

اصل انت بحق صبحت ارق واحن كمان

اكتر بزمان من كل ما انا اتمنيت

انت احلويت بعد ما حبيت

وفى كل عيون الدنيا بقيت 

انسان يا حياتى عليه

شوفت ياروح قلبى يا حب

الحب بيعمل ايه

انت احلويت اوى فى عينيا

وصبحت جديد بالحنية

وغلاوتك عندى بقت اغلى

خليتنى بقول كل شوية

لو انى رسمتك بايديا

كنت متبقاش من كده احلى

اصل انت بحق صبحت ارق واحن كمان

اكتر بزمان من كل ما انا اتمنيت

انت احلويت بعد ما حبيت

وفى كل عيون الدنيا بقيت 

انسان يا حياتى عليه

شوفت ياروح قلبى يا حب

الحب بيعمل ايه

انت احلويت
غناء: شهرزاد
اشعار: عبد الوهاب محمد
الحان: محمد الموجى

الاصدار: الاذاعة المصرية
السنة: 1974
التصنيف: عاطفى
الحفلات: حفل نادى الترسانة 1983