طالعين يالا على باب الله
والسكة منورها المولى
فتاح وعليم رزاق وكريم
وبنوره على عباده تجلى
الواحد قيمته بجهاده
وبقد ما يدى لبلاده
واللى بيخلص لله عمله
يباركله فى ماله واولاده
ويعلى فى الدنيا مكانه
ويقوى بالحق ايمانه
استرها بفضلك ويانا
واحفظنا فى دينا ودنيانا
وارفع عنا غضبك منا
عزتنا طول ما انت معانا
واهدينا وعيينا وقوينا
وفى وقت الشدة الطف بينا
طالعين يالا على باب الله
والسكة منورها المولى
فتاح وعليم رزاق وكريم
وبنوره على عباده تجلى
طالعين يالا على باب الله
غناء: احلام
اشعار: نبيل الفكهانى
الحان: احمد عبد القادر
الاصدار: من تسجيلات الاذاعة المصرية
السنة: 1970
التصنيف: اغانى صباحية