انا عندى الورد بستان ورد
فيه الورد ع الصفين
وبسقى الورد مية ورد
وبهدى الورد للحلوين
انا عندى الورد
افوت على الورد واصبح واسقيه بايديا
وانده عليه لما يفتح ويرد عليا
محلاه فوق الاغصان بيميل
يقول صباح الخير يا جميل
يا صباح نادى يومك هادى ياللى تنادى
انا عندى الورد
فى كل يوم الصبحية والندى حواليك
القى الطيور رايحة وجاية بتنادى عليك
محلاه فوق الاغصان بيميل
يقول صباح الخير يا جميل
يا صباح نادى يومك هادى ياللى تنادى
انا عندى الورد
ورد الحبايب يا حبايب من زرع ايديا
وكل عاشق له نايب من الورد هدية
محلاه فوق الاغصان بيميل
يقول صباح الخير يا جميل
يا صباح نادى يومك هادى ياللى تنادى
انا عندى الورد
انا عندى الورد
غناء: برلنتى حسن
اشعار: عبد الفتاح عسل
الحان: عبد الحليم نويرة
التصنيف: اغانى صباحية