لما رمتنا العين شوف
انت فين وانا فين
واللى شافونا ليه يحسدونا
ويفرقوا القلبين
لما رمتنا العين شوف
انت فين وانا فين
سهم العوازل
طالع ونازل
يحسد حبايب فرحوا بهواهم
يصيب ويطرح
فى كل مطرح
ويدور يخبى ع الناس دواهم
ولما احنا
لومهم جرحنا
راحوا وروحنا
وكنا اغلى اتنين شوف
انت فين وانا فين
اهل الملامه
قاوموا قيامه
وقالوا عنك وقالوا عنى
سهروا معانا
فى ليل هوانا
خلونى اخاصمك وانت تخاصمنى
وانت يا بدرى هجرت بدرى
ولسه بدرى
وكنا اغلى اتنين شوف
انت فين وانا فين
لما رمتنا العين - سعاد مكاوى
اشعار: فتحى قورة
الحان: محمود الشريف
توزيع موسيقى: فؤاد الظاهرى
الاصدار فى: فيلم "قلوب الناس"
السنة: 1954
التصنيف: اغانى افلام / عاطفى
الحفلات: حفل للمنوعات بنادى ضباط القوات المسلحة احتفالاً بعيد الثورة عام 1959