قالوا البياض احلى ولا السمار احلى
قلت اللى شارينى جوة العيون يحلى
لما رمانى الهوى يا اسمر وحبيبك
لقيتك انت الدوا وفى قلبى خبيتك
كان الفؤاد خالى والوحدة تحلالى
لما انشغل بالى صبح الهوى احلى
يا فل مين يسلاك لونك يفرحنى
خالى من الاشواك لكن بتجرحنى
مهما يطول غلبى متهونش على قلبى
صابر على حبى والصبر فيه يحلى
قالوا البياض احلى ولا السمار احلى
غناء: سعاد مكاوى
اشعار: ابو السعود الابيارى
الحان: محمد عبد الوهاب
توزيع موسيقى: على فراج
الاصدار: من تسجيلات الاذاعة المصرية
السنة: 1962
التصنيف: عاطفى