يا عيد منور على الاوطان
ونور جماله بيسعدنا
يارب زيد النور ده كمان
يارب كتر اعيادنا
يا عيد منور
ساعة ما بتهل علينا
يا عيد بتسعد ليالينا
والخير بيكتر حوالينا
والفرحة تبقى فى كل مكان
يارب زيد النور ده كمان
يارب كتر اعيادنا
يا عيد منور
فى كل عام بتجيلنا يومين
يا رحمة تنزل على المساكين
يا عيدنا بكرة تبقى عيدين
فى امة يحفظها الرحمن
يارب زيد النور ده كمان
يارب كتر اعيادنا
يا عيد منور
ما بين كفاحنا واعيادنا
بنبى ونقوى بلدنا
يارب زود امجادنا
وزيدنا مجد وعزة كمان
يارب زيد النور ده كمان
يارب كتر اعيادنا
يا عيد منور
اشعار: عبد المنعم السباعى
غناء: احمد سامى
الحان: بليغ حمدى
الاصدار فى: الاذاعة المصرية
السنة: 1962
التصنيف: اغانى العيد - وطنى