في قلب الليل
وعزف الصمت متهادي كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مُهر اتربط جاذع
في شجرة صنت
و أنا والصمت
وبرد الليل
و خوف الليل..
وصهل المهر لم أفهم
أخوف مني أم اتعاجب
سألت المهر لم يفهم
كلام مني ولا جاوب
وكان في عينيه بريء مني
كأنه كان بيسألني
وقفت أنظر له ينظرلي
وأنظر له وينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل..
وكان في جيده قيد جارحه
وقيد في جيدي ما لمحه
لكن حاسه
أكيد حاسه
وفجأة لقينا أحلامنا
وصهل الفجر في عيوننا
مسكت قيوده فكيتها
صهل بمعاني حسيتها
وصار يجري وينساني…
وأنا بجري في طريق تاني
في برد الليل
وخوف الليل
وحزن الليل
وبعد كتير…
في ليل تاني
لقيته لوحده من تاني
في جيده يقيده قيد تاني
صهل تاني…
ما ردتش!
وباقي لوحدي انا بامشي
في برد الليل
وخوف الليل
وحزن الليل..
غناء: على الحجار - البوم "فى قلب الليل" 1985