انا مالى - عبده السروجى /اشعار/ على الشيرازى

انا مالى انا فى حالى

سيبونى فى وحدتى دية

انام خالى واقوم خالى

ولا فرحة عزول فيا

انا فى الوحدة متهنى

يا شاكى الحب عقبالك

انا اللى الناس قالت عنى

يا خالى البال هنيالك

عشقت الوحدة وجمالها

نعيمى كله فى خيالها

انام خالى واقوم خالى

ولا فرحة عزول فيا

انا عايش مع عودى

يغنيلى واغنيله

وبدر السعد لوجودى

ينور لى قناديلى

غرامى نجوى ازهارى

وحبى لحن اطيارى

انام خالى واقوم خالى

ولا فرحة عزول فيا

انا مالى

غناء: عبده السروجى

اشعار: على الشيرازى

الحان: محمد قاسم

الاصدار: من تسجيلات الاذاعة المصرية

السنة: 1955 

التصنيف: عاطفى

خلينى معاك - سيد اسماعيل /اشعار/ على الشيرازى

خلينى معاك صبحك ومساك

ولا تهجرنيش

فرحان بلقاك ومنايا رضاك

متفارقنيش

انا وانت سنين فى غرام وحنين

والعين فى العين

واحنا الاتنين شوفنالنا يومين

مين شافهم مين

يا قمر فى سماك ابعت لى ضياك

ولا تحرمنيش

خلينى معاك صبحك ومساك

ولا تهجرنيش

فرحان بلقاك ومنايا رضاك

متفارقنيش

يا حبيب الروح مطرح ما تروح

انا اروح وياك

يا اعز حبيب بعيد وقريب

تلقانى معاك

مقدرش انساك وان قولت اسلاك

متصدقنيش

خلينى معاك صبحك ومساك

ولا تهجرنيش

فرحان بلقاك ومنايا رضاك

متفارقنيش

خلينى معاك 

غناء: سيد اسماعيل

اشعار: على الشيرازى

الحان: طلعت جميل

الاصدار: من تسجيلات الاذاعة المصرية

السنة: 1956

التصنيف: عاطفى

على شط بحر الهوى - كارم محمود /اشعار/ على الشيرازى

على شط بحر الهوى رسيِتْ مراكبنا

والشوق جمعنا سوا إحنا وحبايبنا

على شط بحر الهوى..

سيبنا البلاد كلّها وعشنا وحدينا

وكرهنا ناسها وأهلها يتحكَّموا فينا

لا في عواذل عندنا ولا حدِّ جارحنا

عايشين في جنَّة لوحدنا والسعد جاه ريحنا

والشوق جمعنا سوا إحنا وحبايبنا

على شط بحر الهوى..

بحر الغرام مَيِّته أحلى من السكَّر

للهوى غِيِّته لو داقها رح يسكر

واللي يزور حيِّنا يدعي ويتمنَّى

يفرح ويسعد زيِّنا باحبابه يتهنَّى

والشوق جمعنا سوا إحنا وحبايبنا

على شط بحر الهوى..

لمَّا دعانا الهوى رحنا ولبِّينا

لقينا عنده الدوا طبنا وخبينا

وَقادْ شموع الهنا والنور على جبينه

وجاب كاسات المنى يسقي محبينه

والشوق جمعنا سوا إحنا وحبايبنا

على شط بحر الهوى..

على شط بحر الهوى

اشعار: على الشيرازى

غناء: كارم محمود

الحان: محمود الشريف

الاصدار فى: اسطوانات كايروفون

السنة: 1975

التصنيف: عاطفى

تم إعادة طرحها بتوزيع حديث فى التسعينات

غريب الدار - على الشيرازى

غريب الدار عليا جار

زماني القاسي وظلمني

مشيت سواح مسا وصباح

أدور ع اللي راح مني .. غريب الدار

انا اللي الدهر عاداني

وباعني واشترى فيا

وخد احبابي واداني

بدالهم فكر وقسية

ومين شاف اللي انا شفته

ومين قاسى اللي قاسيته

وفيت بالعهد وحفظته

وغيري خان وحبيته

سافرت بلاد وطفت بلاد

ومين عالشوق يصبرني .. غريب الدار

ما كانش الود يا حبايب حيظلم حبكم حالي

وكان عشمي وانا غايب تصونوا عهدنا الغالي

مليت بالدمع كاساتي رويت منها زهور حبي

وغنى الطير بأهاتي وردد لحنها قلبي

سهرت الليل وشفت الويل

ومين يا ناس يطمني .. غريب الدار

غناء: عبده السروجى - اسطوانات الف ليلة عام 1955