البحث
‏إظهار الرسائل ذات التسميات مرسى جميل عزيز. إظهار كافة الرسائل
‏إظهار الرسائل ذات التسميات مرسى جميل عزيز. إظهار كافة الرسائل

يا قلبى سيبك - شادية /اشعار/ مرسى جميل عزيز

يا قلبى سيبك من الحب سيبك
لا تقول حبيبى و لا حبيبك
يا قلبى سيبك
سيبك يا قلبى
يا قلبى يا اللى اشتريت عذابك
و بعت أجمل أيام شبابك
لو عشت تانى و قفلت بابك مكنش سهم الزمان يصيبك
يا قلبى سيبك .. سيبك يا قلبى
يا قلبى سيبك من الحب سيبك
لا تقول حبيبى و لا حبيبك
يا قلبى سيبك
سيبك يا قلبى
يا قلبى مهما تشكى الليالى و تقول جرالك و لا جرالى
و مهما تبكى بدمع غالى
لا حد سامعك و لا دارى بك
يا قلبى سيبك من الحب سيبك
لا تقول حبيبى و لا حبيبك
يا قلبى سيبك
سيبك يا قلبى
يا قلبى سيبك من الماضى كله
و كفاية حيرتك
و كفايه ذله
و ان حد قالك على الحب قله .. خليك فى حالك و ارضى بنصيبك
يا قلبى سيبك .. سيبك يا قلبى
يا قلبى سيبك من الحب سيبك
لا تقول حبيبى و لا حبيبك
يا قلبى سيبك
سيبك يا قلبى

يا قلبى سيبك
غناء: شادية
اشعار: مرسى جميل عزيز
الحان: محمد الموجى
الاصدار فى: فيلم "الهاربة"
السنة: 1958
التصنيف: اغانى افلام / عاطفى
كتبها:

شباكنا ستايره حرير - شادية /اشعار/ مرسى جميل عزيز

شباكنا ستايره حرير
من نسمة شوق بيطير
وبقى لي كتير يا حبيبي
يا حبيبي بقالي كتير
استنى تجيب الفرحه
والتوب الابيض والطرحه
ونطير زي العصافير
شباكنا ستايره حرير
ياللا يا حبيبي نطير
واقطف لي من البستان
عقدين حب الرمان
وتلات وردات اخوات
اشبكهم ع الفستان
ونطير زي العصافير
والنسمه تلعب بينا
وتجيبنا وتودينا
نصبح على فرحة وردة
ونبات على نور ياسمينة
ونطير زي العصافير
افرد جناحين الشوق
وتعالى نطير من فوق
نسكن مع نجمه بعيد
مشغوله بحب جديد
لا حد هناك يسمعنا
مهما نقول ولا نعيد
ونطير زي العصافير
شباكنا ستايره حرير
من نسمة شوق بيطير

شباكنا ستايره حرير
غناء: شادية
اشعار: مرسى جميل عزيز
الحان: محمد الموجى
الاصدار فى: فيلم "الهاربة"
السنة: 1958
التصنيف: اغانى افلام / عاطفى
كتبها:

يا حنينة - شادية /اشعار/ مرسى جميل عزيز

يا حنينة ويا حنينة ويا حنينة
بحياة عيونك يا قمر تضحك لنا
يا حنينة
لا تخطوا بالحب عدروب وردنا
يا حنينة
الله يعين الشوق عليكم زينا
يا حنينة
بينا وبين الشوق وبينكم 100 سنة
يا حنينة يا عينيا
يا خسارة الحنية
اللي ما يطمر فيهم
من قبل ما افرح بيهم
خلوا المودة قسية
يا حنينة
يا حنينة يا عينيا
حبايبي قسيوا عليا
أنا اللي كنت أداديهم
وبأحلي اسم أناديهم
يا خسارة الحنية
يا حنينة

يا حنينة
غناء: شادية
اشعار: مرسى جميل عزيز
الحان: محمد الموجى
الاصدار فى: فيلم "الهاربة"
السنة: 1958
التصنيف: اغانى افلام / عاطفى
كتبها:

انا مخاصماك - شادية /اشعار/ مرسى جميل عزيز

أنا مخصماك ومُش عايزاك تكلّمني
تفوتني يومين وجايلك عين تكلّمني
أنا مخصماك
رح أخاصم جواباتك لا أفتحها ولا أقراها
وادي صورتك وحياتك حبعدها وأنساها
لا تجيلي ولا جيلك، أبدًا أبدًا
ولا تتعب مراسيلك، أبدًا أبدًا
لا أنا مسمحاك ولا مصلحاك أنا مخصماك أنا مخصماك
لو شفتك قدامي رح أنادي العزال
وإن جيتني في أحلامي رايحة أصحى في الحال
أنا مش عايزة أشوفك، أبدًا أبدًا
ولا طيفي يشوف طيفك، أبدًا أبدًا
لا أنا مسمحاك ولا مصلحاك أنا مخصماك أنا مخصماك
قد ما كان بحبّك قلبي وكنت حبيبه
قد ما حتعب قلبك وأتسلّى بتعذيبه
أنت فاكرني حسامحك أبدًا أبدًا
بعد ده كُلّه وأصالحك أبدًا أبدًا
لا أنا مسمحاك ولا مصلحاك ولا مخصماك ولا مخصماك

انا مخاصماك
غناء: شادية
اشعار: مرسى جميل عزيز
الحان: محمد الموجى
الاصدار فى: اسطوانات مصرفون
التصنيف: عاطفى
كتبها:

اوعى تصدق - ليلى مراد /اشعار/ مرسى جميل عزيز

كورس : أبدا أبدا أوعى تصدق
يوم نتفرق، أبدا أبدا
ليلي :أوعى تصدق
كورس : أبدا أبدا
ليلي : يوم نتفرق
كورس : أبد أبدا
ليلي : ده أنت حبيبي وأنت صديقي
وأنت أخويا، وأخويا شقيقي
مهما الظلم يفرق بينا، برضوا
طريقك هو طريقي، أوعي تصدق
كورس : أبدا أبدا
ليلي : يوم نتفرق
كورس : أبد أبدا
ليلي : بعد ما قولنا يا دنيا وصلنا وبثورتنا بلغنا أملنا
فات الغدر فى ليلة كئيبة قصده يقيد النار في الجنة
ليلي : أوعى تصدق
كورس : أبدا أبدا
ليلي : يوم نتفرق
قول للظالم والظالمين أحنا وكل الناس عارفين
عمر الظلم إن كان أيام، عمر الحق سنين وسنين
أوعى تصدق يوم نتفرق أبدا أبدا

اوعى تصدق
غناء: ليلى مراد
اشعار: مرسى جميل عزيز
الحان: منير مراد
الاصدار: من تسجيلات الاذاعة المصرية
السنة: 1961
التصنيف: وطنى
كتبها:

محروسة يا مصر - عفاف راضى /اشعار/ مرسى جميل عزيز


مين الحلوة ام الحلوين
مين اللى صباحها ياسمين
واللى مساها غرام عاشقين
مصر اللى مفيش منها اتنين
واللى ترابها دواء للعين
واللى سماها دعاء الوالدين
محروسة يا مصر المحروسة
بعناية الله
من يوم ما الدنيا بقت دنيا
لما شاء الله
زرعك سواقيك ومواويلك
قناديل افراح حوالين نيلك
لا ليالى الحزن ولا الدنيا
تطفى قنديل من قناديلك
واسم الله عليك وحواليكى
وولادك ضليلة عليكى
محروسة يا مزروعة رجال
والله ما يتاقلوا بمال
فى الخطوة بيعدوا بحور
فى الطلعة بيهدوا جبال
واسم الله عليك وحواليكى
وولادك ضليلة عليكى
محروسة يا مصر المحروسة
بعناية الله
من يوم ما الدنيا بقت دنيا
لما شاء الله
تحيا مصر وتعيش مصر دايماً مصر
تحيا مصر وتراب مصر يطرح ورد وحب ونصر
لولاد مصر احباب مصر تحيا مصر دايماً مصر
تحيا مصر وتراب مصر ملح فى عين اللى ما قال مصر
موكب نور عصر العصر تحيا مصر دايماً مصر

محروسة يا مصر
غناء: عفاف راضى
اشعار: مرسى جميل عزيز
الحان: محمد الموجى
التصنيف: وطنى
كتبها:

يا اسمر يا سكر - الثلاثى المرح - كمال حسنى /اشعار/ مرسى جميل عزيز

يا اسمر يا سكر
يا عايق وخايل
يا ابو عيون كحايل
بعدين وياك
يا اسمر يا سكر
الشوق له دلايل
يا حلو الشمايل
وبستناك
البسمة الطويلة بتقول يا اسمر
والنسمة العليلة بتقول يا اسمر
والزهرة الجميلة بتقول يا اسمر
يا اسمر يا سكر
يا عايق وخايل
يا ابو عيون كحايل
بعدين وياك
يا اسمر يا سكر
بعتنا الرسايل
بكل الوسايل
وبترجاك


يا اسمر يا سكر
اشعار: مرسى جميل عزيز
الحان: على اسماعيل

غناء: كمال حسنى
الاصدار: البرنامج الاذاعى "صواريخ"
السنة: 1957

غناء: الثلاثى المرح
الاصدار: اسطوانات مصرفون
السنة: 1958
كتبها:

جبت قلب منين - ميادة الحناوى /اشعار/ مرسى جميل عزيز

قلبى ياللى كنت أغلى الناس عليه
جبت قلب منين يطوعك على الأسية
ريحنى قلبي حكايتك إيه جرحت قلب حبيبك ليه
قسيت عليه ليه ليه غدرت بيه ليه ليه
قسيت عليه غدرت بيه حبينا و دبنا فى بعضنا
و شبكنا قلوبنا و ليالينا
و بنينا و علينا قصور يا حبيبي بنينا و علينا
فرشنا الأحلام فى النور و مسكن الأفراح فى ايدينا
و فى غمضة عين يا حبيبي و فى غمضة عين
كل داه راح فين يا حبيبي كل داه راح فين
كل داه كان حب مش ممكن
كل داه كان كذب مش ممكن
قسيت عليه .. غدرت بيه قلى ياللى كنت أغلى الناس
عليه جبت قلب منين منين منين
جبت قلب منين يطوعك على الأسية
ياللى غدرك أقوى من غدر الزمان
كان مخبى فين داه كله من زمان
ياللى من غير ذنب بتخاصم حبيبك
انا حقدر اعيش من غيرك و حياتك حقدر اعيش
و حغنى للعاشقين و لا حسأل فى اللايمين
يا باكى على اللى خان ابكى النهر ده كمان
و خلص الأحزان بدا ما تبكى منين
يا باكى على اللى خان ابكى النهر ده كمان
بس اوعه دمعه تبان تفرح
قسيت عليه غدرت بيه
قللى ياللى كنت أغلى الناس عليه
جبت قلب منين منين منين
جبت قلب منين يطوعك على الأسية

جبت قلب منين
غناء: ميادة الحناوى
اشعار: مرسى جميل عزيز
تلحين: محمد الموجى
الاصدار فى: عالم الفن
السنة: 1989
التصنيف: عاطفى
كتبها:

الشمعتين / والله عليا دين - حورية حسن /اشعار/ مرسى جميل عزيز

والله عليا دين
وندر شمعتين
شمعة لأم هاشم
وشمعة للحسين
يا فرحة من زمان
وانا متشوقة
لطبل ونقرزان
وزينة معلقة
واللى طلبتهم
أدينى نولتهم
والفرحة فرحيتن
والله عليا دين .. والله
السعد آن أوانه
وفات على المدينة
زواره وشمعدانه
يفرحوا الحزينة
صوانه وشمعدانه
يفرحوا الحزينة
والدنيا كلها
من غير ما اقولها
غنيت يا ليل يا عين
والله عليا دين .. والله
الندر ها أوفيهولك
يا طاهرة من عينيا
بس أما ابل فولك
وافرقوا باديا
ويا حسين مدد
شمعك مالوش عدد
بالمية والمتين
والله عليا دين .. والله

الشمعتين / والله عليا دين
غناء: حورية حسن
اشعار: مرسى جميل عزيز
الحان: عبد العظيم عبد الحق
الاصدار: من تسجيلات الاذاعة المصرية
السنة: 1954
الحفلات: حفل سينما ريو بالاسماعيلية ضمن سهرات رمضان عام 1963
كتبها:

ملو البدرية - الثلاثى المرح /اشعار/ مرسى جميل عزيز

ملو البدرية 
عصافير بتعدى
وحمام بيهدى
حوالين المية
ملو البدرية 
غزلان بتسوح
تشرب وتروح
والخضرة ندية
زلعك عطشانة يامة
والترعة ملانة يامة
لفيلى حوالى يامة
حملاها وجاية يامة
ملو البدرية
غنوة نغنيها
وبنفرح بيها
والدنيا صبية
ملو البدرية 
غزلان بتسوح
تشرب وتروح
والخضرة ندية
ملو البدرية 
عصافير بتعدى
وحمام بيهدى
حوالين المية

ملو البدرية
غناء: الثلاثى المرح 
اشعار: مرسى جميل عزيز
الحان: على اسماعيل
التصنيف: اغانى صباحية
كتبها:

قلبى دق - فايدة كامل /اشعار/ مرسى جميل عزيز

قلبى دق دق لما بابنا دق
دى دقة حبيبى اه هو حبيبى
لا مش هو لا مالهش حق
خلى قلبى دق .. دق قلبى
يا وردة يا عايمة فى بحور الندى
ما تصحى يا نايمة ده العمر ابتدى
والبلبل حبيبى جى من بعيد
يا وردة هاسيبك للحب الجديد
واحنا بابنا دق وادى قلبى دق
دى دقة حبيبى اه هو حبيبى
لا مش هو لا مالهش حق
خلى قلبى دق .. دق قلبى
النجمة السعيدة من طول السهر طالت القمر
والنسمة البعيدة جت من السفر هزت الشجر
واحنا بابنا دق وادى قلبى دق
دى دقة حبيبى اه هو حبيبى
لا مش هو لا مالهش حق
خلى قلبى دق .. دق قلبى

قلبى دق
اشعار: مرسى جميل عزيز
غناء: فايدة كامل
الحان: احمد على
الاصدار: من تسجيلات الاذاعة المصرية
السنة: 1957
التصنيف: عاطفى
كتبها:

خايف عليك من الهوى - مرسى جميل عزيز

خايف عليك من الهوى
لتميل يا ورد معاه
وعودك اللى استوى
غصب يميل وياه
يا ورد فى بسمتك
بسمة خلى البال
اصبر على قسمتك
ليبقى حالك كحالى
خايف عليك من الهوى
يغويك وياما غوى
خايف ليوم تعشق
تاخد الهوى غية
ده انا عليك اشفق
من النسمة على المية
خايف عليك من الهوى
يغويك وياما غوى
خايف تروح فى طريق
النار وانا نوره
ده العشق بره غريق
ايش حال بقى بحوره
خايف عليك من الهوى
يغويك وياما غوى

غناء: احلام - من تسجيلات الاذاعة المصرية عام 1949
كتبها:

احترت والله - مرسى جميل عزيز

احترت والله اصونك فين
فى القلب ولا فى نن العين
اقول عيونى اصونك فيها
واقفل جفونى عليك الاتنين
الاقى عينى الدمع ماليها
واخاف عليك من دمع العين
وان قولت قلبى يكون لك دار
ازاى هاتعرف تسكن فيه
والشوق فى بعدك خلى نار
والدمع مش قادر يطفيه
الدمع بيطفى الاشواق
الا دموعى واشواقى
انا اللى وحدى فى العشاق
دموع تسيل والشوق باقى
احترت والله اصونك فين
فى القلب ولا فى نن العين

غناء: حورية حسن - من تسجيلات الاذاعة المصرية عام 1959 
كتبها:

الحنة يا حنة - مرسى جميل عزيز

الحنة ياحنة ياحنة يا قطر الندى
يا شباك حبيبي ياعيني جلاب الهوى
لا لا لا الصبر ده حاجة محالة
يا أروح له يا أقوله تعالا
لو يطلب مني العين
راح أقوله خد الإتنين
وتحني الليالي فرحتنا سوى
وأفرش له ضفايري ياعيني على شط الهوى
يا قمرنا ياهاجرنا الحب يا جارنا امرنا
تخاصمنا ونصالحك ونكمل سوى مشوارنا
وإن بعدت بينا بلاد نخلق للحب معاد
ونقول لليالي ضمينا سوى
وأخبيك فى عيني ياعيني من نسمة هوى
أستنى وأستنى لما تفوت على بستانا
وتصبح وتمسي تطلب مفتاح الجنه
وأهديك شال الافراح
مليان ورد وتفاح
والفرحة الكبيرة نقسمها سوى
وأتوه بين حبيبي ياعيني والليل والهوى
الحنة ياحنة ياحنة يا قطر الندى
يا شباك حبيبي ياعيني جلاب الهوى

غناء: شادية - اسطوانات صوت القاهرة عام 1967
كتبها:

بلدى احببتك - محمد فوزى /اشعار/ مرسى جميل عزيز

بَلَدي أَحْبَبْتُكَ يا بَلَدي
حُبّاً في اللهِ وللأَبَدِ
فثراكَ الُحر تُرابُ أَبي
وسَماكَ يَزُفُّ صِبا وَلَدي
بَلَدي أَحْبَبْتُكَ يا بَلَدي
وَطَني واللهُ رَعَى وَطَني
حُرّاً في الأهْلِ وفي السَكَنِ
ماضٍ يَخْتالُ على الزَمَنِ
وغَدٌ يَزْدانُ لبَعْدِ غَدٍ
بَلَدي أَحْبَبْتُكَ يا بَلَدي
أَهْواكَ ضِفافاً لَمْ تَزَلِ
مَرْعىً للحُبِّ وللغَزَلِ
أَهْواكَ رَبيعاً كالأَزَلِ

بلدى احببتك
غناء: محمد فوزى
اشعار: مرسى جميل عزيز
الحان: محمد فوزى
التصنيف: وطنى
كتبها:

يا بيت ابويا - مرسى جميل عزيز

يا بيت ابويا معزتك فى عينيا
ما شوفت منك غير ليالى هنية
يا بيت ابويا والله كتر خيرك
بتربى وتكبر وتدى لغيرك
وايامك الحلوة عزيزة عليا
يا بيت ابويا معزتك فى عينيا
ما شوفت منك غير ليالى هنية
يا بيت ابويا العمر ما انسى جميلك
ولو فى اخر الدنيا برضه اجيلك
واقعد ما بين اهلى وحبايبى شوية
يا بيت ابويا معزتك فى عينيا
ما شوفت منك غير ليالى هنية
يا بيت ابويا رايحة دنيا جديدة
وبكرة يجى الدور على اختى مفيدة
فى هى هى المندرة البحرية
يا بيت ابويا معزتك فى عينيا
ما شوفت منك غير ليالى هنية
يا بيت ابويا لو حمامك نوح
قوله الهنا على الفرح خدها وروح
والفرح ياما خد بنات قبليا
يا بيت ابويا معزتك فى عينيا
ما شوفت منك غير ليالى هنية

غناء: احلام - عام 1956
كتبها:

بشاير - مرسى جميل عزيز

بشاير من الحبيب هالة
تقول للموعودين يا الله
على المختار حبيب الله
يا مركب سيرى واتهادى
فى حب المصطفى الهادى
تلاقى البحر موج هادى
وستر الله بيتجلى
على المختار حبيب الله
طوايف من بعيد جاية
تجاورك يا نبى شوية
وبين الارض والمية
بذكر الله بتتجلى
على المختار حبيب الله
وساعة البشرى ما تجينى
بيوم عودة محبينى
نقيم الفرح والزينة
ونتبارك ونتجلى
على المختار حبيب الله

غناء: سيد اسماعيل - من تسجيلات الاذاعة المصرية / اسطوانات صوت القاهرة عام 1951
كتبها:

الليلة دى - مرسى جميل عزيز

الليلة دي الليلة دي
كل اعيادي الليلة دي
عمر قلبي عمر حبي
من اوله بس الليلة دي
الليلة دي نجمة العمر السعيدة
نورت بالحب دنيتنا الجديدة
وابتسامتين من عينين حلوين
قالولي كل احلام الليالي مش بعيدة
عمر قلبي عمر حبي
اوله بس الليلة دي
كل أحلامي وألامي تهون عليا
حتى ايام الصبا الحلوة الهنية
الا فرحة من زمان بستنى اشوفها
يا حبيبي قلتها بقلبي وعينيا
عمر قلبي عمر حبي
اوله بس الليلة دي
انسى روحي وانسى اجمل ذكرياتي
انسى دمعي وارتاح بالي واهاتي
انسى كل الدنيا دي الا الليلادي
الليلادي الحب قال اول حياتي
عمر قلبي عمر حبي
اوله بس الليلة دي

غناء: نجاة الصغيرة - فيلم "غريبة" 1958
كتبها:

قريبة منسية - مرسى جميل عزيز

قريبة منسية بعيده منسية
غريبة من يومى فى وحدتى ديا
من يومى مظلومة من يومى محرومة
من كل حنية
منسية منسية
سنين يا عينى وراها سنين
وأدينى صابرة مع الصابرين
عيون حزينة وبال مشغول
وقلبى زى الدنيا حزين
وبين حبايبى وظلم حبايبي
قسيت كتير يا حبيبى يا قلبي
وأدينى منسية عايشة لوحديا
غريبه من يومى فى وحدتى ديا
من يومى مظلومة .. من يومى محرومة
من كل حنية
منسية منسية
يا عينى بينى وبين الناس
بحرين دموع وهموم بحرين
وأنا أعمل إيه و أعز الناس
ماليين حياتى بدمع العين
وبين حبايبى وظلم حبايبي
قاسيت كتير يا حبيبى يا قلبي
وأدينى منسية عايشة لوحديا
غريبه من يومى فى وحدتى ديا
من يومى مظلومة .. من يومى محرومة
من كل حنية
منسية منسية
بقالى زمان حبايبى مشغولين عني
وليلى نهارى فايتينى .بقالى زمان
بغنى لوردة عطشانة
بكلم نجمه حيرانة
بدور على اللى يسمعني
أقوله شكوتى وهمي
ولما جرحى يوجعني
يداوى جرحى ويسمي
لكن يا عينى هنشكى لمين
للمشغولين ولا الناسيين
خلينى منسية عايشة لوحديا
غريبه من يومى فى وحدتى ديا
من يومى مظلومة .. من يومى محرومة
من كل حنية
منسية منسية

غناء: نجاة الصغيرة - فيلم "غريبة" 1958
كتبها:

لا يا حلو لا - مرسى جميل عزيز

لأ يا حلو لأ.. لأ ما لكش حق..
خليت قلبى دق.. يا حلو لأ...
مالكش حق...
العود الجميل بيشاغل عينيا..
أيوه ولا لأ...
والرمش الكحيل بيشاور عليا..
أيوه ولا لأ...
بتسوق الدلال لما قلبى مال..
لأ يا حلو لأ.. لأ مالكش حق..
يا حلو لأ...
ف عيونك غرام.. يتفسر كلام..
معناه (المحبة)... لأ أيوه لأ..
وبعتلك سلام.. ما ترد السلام..
يا أعز الأحبة... لأ أيوه لأ..
بتسوق الدلال لما قلبى مال..
لأ يا حلو لأ.. لأ مالكش حق..
يا حلو لأ...

غناء: محمد مرعى - اغانى فيلم "اول غرام" 1956
كتبها:
الاشتراك في: الرسائل (Atom)