مراتى مسرفة
وعاملة مشرفة
على فقد مهيتى
انا ادبق من هنا
وتبعزق من هنا
بالحيلة وباللتى
واتفرج يا سلام
على لعبة المدام
والمدعو حضرتى
مراتى عقدتها التقليد
من غير تحديد
وده كله على تتباهى
فى كل يوم تصرف جنيهات
على الكماليات
وحاجات كتير مش لزماها
ده صنف بارفان مش موجود
وده شامبو واو مشهور فى بارس
وده روج بتاع فاتنات هوليود
وده اكلادور فيش حد لاقيه
وكله كوم والفساتين كوم
وهات موضات من مية البوم
وفلوس تروح من الباب للباب
والبيت مالهش فى حسابها حساب
وانا ادبق من هنا
وتبعزق من هنا
بالحيلة وباللتى
واتفرج يا سلام
على لعبة المدام
والمدعو حضرتى
على قد ما كسبت وخليت مصروف للبيت
تعالى شوف عيشتنا وقوم يا رحيم
وشوف مراتى بتعمل ايه وبتشتكى ايه
من الاوطة لو غليت مليم
تقول حرام سترو ده كتير
العيشة نار والحال بطال
وتنسى شئ اسمه التوفير
فى وقت عايز جهد ومال
الدولة بتقول التدبير
ومراتى بتحب التبذير
فى الهايفة تصرف متخليش
وفى الضرورى تقول مبقيش
وانا ادبق من هنا
وتبعزق من هنا
بالحيلة وباللتى
واتفرج يا سلام
على لعبة المدام
والمدعو حضرتى
مراتى مسرفة
غناء: احمد غانم
اشعار: ابراهيم كامل رفعت
الحان: احمد صبرة
الاصدار: من تسجيلات الاذاعة المصرية
السنة: 1968
التصنيف: مونولوج