شحات الغرام - بديع خيرى

شحات ومد أديه وكسر خطره حرام
حدفه الهوا هنا ليه
طالب تحنوا عليه يامحسنين الغرام
ونحن قولى بأيه
أرمولوا نظره ولا أبتسامه
حسنه وتنفع يوم الأيامه
يعطيك لله يعطيك
ونبى احسان لله
قلت على الله على الله
وأنا قلت كمان لله
أسرح لله لله .. روح لله لله
يامحسنين الغرام لله
يأرق خلق الله
ضيفى الجمال مكروم
هو احنا ضيفناه
مترودنيش محروم
ايه كل ده باين عليك طماع
هو كده الشحاتين انواع
كلمه رضا لله
عايز الرضا صدقات
ساعه صفه لله
زودتها ياشحات
أسرح لله لله .. روح لله لله
اه يا شحاتين الغرام على الله
يظهر صحيح اللى بتشكيه غلبان يا روميو الشحاتين
غلبنى ايه الا عنيكى
انا قلبى رق وأثر فيه صوتك ياكبدى على المسكين
لو تسعديه شىء فى أديكى
ما بقتش أقول الله يحنن لناس تسمينى بخيله
والبخل فى الحب يجنن
صدقة وترضينى قليله
على ما أوسم وخلاص خدها
ياخد عدوينك
ناديه ولسه بعنقودها
يروح محبينك
الله يزيد حسنك أيمه
زينه الجناين والبساتين
ولا يخلهملك ياكريمه من ورد ابدا ولا ياسمين
ولا فل تعيش الهام
أدينى أدينى ميعاد
أدينى معاد لله
فوت بكره خمسه تمام
من قدم شىء بيده
يلاقه وكله على الله
كله كله على الله
يجعلها عمار بيوت الاحباب
وانا بستمرار حولين حولين الباب

 

غناء: محمد فوزى وليلى مراد - فيلم "ورد الغرام" 1951

عليك صلاة الله - بديع خيرى

عليك صلاة الله وسلامه .. شفاعة يا جد الحسنين

ده محملك رجعت أيامه .. هنية واتمليت للعين

كرامة لله يا قاصد مكة ونيتك بالكعبة تطوف

تبوسلي فيها تراب السكة أمانة من مؤمن ملهوف

سالت دموعه وطال دعاه .. في يوم خشوعه ينول مناه

دي قبلتك يا نبي قدامه .. عليك صلاة الله وسلامه

وإمتى عيني تشوف منظركم يا ماذنتين فوق الحرمين

واطول مقام الحجاج اتباركم وشربوا من زمزم بقين

وفي المدينة نالوا القبول .. بنور نبينا طه الرسول

يا بخت زواره بإكرامه .. عليك صلاة الله وسلامه

يا ما أسعد اللي يقف ويكبر على منى وعرفات لله

ويحذف الجمرات ويعبر سايب له متمني هداه

غفر ذنوبه مدى الحياة .. وعاش ينوبه سواه بتقاه

في جاه نبي الهدى ومقامه .. عليك صلاة الله وسلامه

غناء: اسمهان - اسطوانات بيضافون 1938

ضيعت مستقبل حياتى - بديع خيرى

ضيعت مستقبل حياتي فى هواك

وازداد عــلي اللوم وكتر البغددة

حتى الــعوازل قصدهم دايما جفاك

وأنا ضعيف ما أقدرش أحمل كل ده

إن كان جفاك يرضي علاك وأنا فى حماك

عفو الحبيب ما يكونش أحسن من كده

علمتني يا نور عيوني الامتثال

واحتار دليلي بين تيهك والجوى

كنت أفتكر حبك يزودني كمال

خيبت ظنّي والهوا ما جاش سوا

تبقى ســـــــبب كل التعب وتزيد غضب؟

داللي انكتب فوق الجبين مالوش دوا

1- غناء: سيد درويش - عام 1919

2- غناء: زكريا احمد - البوم "من الحان سيد درويش" 1981

ليا عشم وياك يا جميل - بديع خيرى

ليا عشم وياك يا جميل

ان بحت بالسر تصونه

مكتوب عليا احب واميل

وحبيبى وحشانى عيونه

يا هلترى يرضيك من بعد ما جيتك

اخدك نصير وسند ليا

تخلف رجايا فيك

انا ياللى حبيتك من كتر ماتحبك هي

اشرح لها حالى واوصف لها حبى

حلفها بالغالى ترحم ضنا قلبى

يمكن تواسينى في كويتى ونوحى

هي ضيا عينى هي منى روحى

ليا عشم وياك يا جميل

ان بحت بالسر تصونه

مكتوب عليا احب واميل

وحبيبى وحشانى عيونه

شاهدت حسن كتير وقليل فى دنيتى الوان

مالقيتش زى جمالها مثيل ولا حتى فى الغزلان

والشوق محيرنى والليل عليا طويل

وانا ايه يصبرنى غير شكوتى لزميل

يسمع ويتالم ميهونش وجدى عليه

ساكت ويتكلم لكن بطرف عينيه

ليا عشم وياك يا جميل

ان بحت بالسر تصونه

مكتوب عليا احب واميل

وحبيبى وحشانى عيونه

غناء: محمد فوزى - فيلم "ورد الغرام" 1951