البحث

‏إظهار الرسائل ذات التسميات احمد شفيق كامل. إظهار كافة الرسائل
‏إظهار الرسائل ذات التسميات احمد شفيق كامل. إظهار كافة الرسائل

شبابك انت - احمد شفيق كامل

شبابك انت وعيونك انت ومن عيوني
مش قادر أعرف لحد إمتى حيحيروني
ياللى شبابك شغل شبابي ده انت منايا
هو جمالك ولا دلالك سبب هوايا
ولا فى كلامك ولا ابتسامك فرحي وهنايا
يا نور عيوني ارحم عيوني من الشجون
وكل عاشق خلق حبيبه على هواه
ما كانش أملي يكون نصيبي من الحياة
غير إنك انت تكون حبيبي وأعيش معاه
يا نور عيوني ارحم عيوني من الشجون
شبابك انت وعيونك انت ومن عيوني
مش قادر أعرف لحد إمتى حيحيروني

غناء: سعد عبد الوهاب - فيلم "امانى العمر" 1955

عيش معايا - احمد شفيق كامل

يا حياة عمري بقالي عمر.. يوم ما جمعني بيك
عمر غالي يغلى اكتر.. يوم ما يقدر يفتديك
عيش معايا يا حبيبي عيش معايا.. إنت والحب وهنايا
مهما عشنا يا حبيبي.. عمر واحد مش كفاية
يا حبيبي مين أنا… انا مين.. ولا انت مين ولا احنا فين؟
إحنا أهه بنحب روح.. للحب يا روح الروح للشوق للحنين
عيش معايا بعيد عن الدنيا.. عيش معايا بعيد عن كل عين
ده الهوى والحب والاشواق.. علشانا مخلوقين
عايزة اعيش ويالك.. سنين موصولة طويلة
عايزة اكون فرحة تلاقيها.. في دنيا افراحها قليلة
تنسى زيي كل شيء.. إلا الهوى وناره الجميلة
عيش معايا يا حبيبي عيش معايا.. إنت والحب وهنايا
مهما عشنا يا حبيبي.. عمر واحد مش كفاية
يا ابتسامة عمر.. عاش العمر يحلم بابتسامة
يا ما صورلي الامل في هواك.. نعيم في الحب ياما
الحب خلقني يا روح قلبي.. وياك من تاني
الحب معاك.. بجناح وردي ع السما مشاني
روحي تعالى.. مفيش أماني محالة … تعالى
ده كل يوم له فرحة.. وكل يوم له حالة… تعالى
عطشان لعينيك يا حبيب قلبي.. عطشان لعينيك
اشرب والا أشبع.. من ليلهم ولا من لياليك
عيش معايا يا حبيبي عيش معايا.. إنت والحب وهنايا
مهما عشنا يا حبيبي.. عمر واحد مش كفاية

غناء: نجاة الصغيرة - حفل النادى الاهلى - اسطوانات صوت الفن 1975

نشيد الجلاء - احمد شفيق كامل

قولوا لمصر تغني معايا فى عيد تحريرها
تم النصر و صبحت حرة بإيد أحرارها
و بعزة أبطالها تحيا و يحيا رجالها
غناء : محمد عبد الوهاب
يا اللي بنيت الهرم الرابع و بنيت جيل
هرمك نهضة وجيش ومصانع تحمى النيل
رمز كفاحنا ، سر نجاحنا ، نفدي وراك مصر بأرواحنا
و بعزة أبطالها تحيا و يحيا رجالها
غناء : عبد العزيز محمود
كان اليوم ده أمل من إمتى بنتمناه
حلم و عشنا سنين على نوره بنستناه
صبح الحلم حقيقة وعلم
ولا محتل دخيل ولا ظُلم
وبعزة أبطالها تحيا و يحيا رجالها
غناء : شاديه
كان اليوم ده أمل من إمتى بنتمناه
حلم وعشنا سنين على نوره بنستناه
صبح الحلم حقيقة وعلم
ولا محتل دخيل ولا ظُلم
وبعزة أبطالها تحيا ويحيا رجالها
غناء : محمد عبدالمطلب
قولوا لعرابي أخدنا بتارك م اللي خانوك
خرج الغاصب اللي شرانا من اللي باعوك
واللي باقي لنا نخلص تارنا فى فلسطين وديار عروبتنا
وبعزة أبطالها تحيا و يحيا رجالها
غناء : سعد عبد الوهاب
من باندونج صارحنا الدنيا بصوت جبار
مش للغرب ومش للشرق لكن أحرار
جهادنا جهاد عرب أمجاد
من مراكش إلى بغداد
وبعزة ابطالها تحيا و يحيا رجالها
غناء : فايده كامل
من باندونج صارحنا الدنيا بصوت جبار
مش للغرب ومش للشرق لكن أحرار
جهادنا جهاد عرب أمجاد
من مراكش إلى بغداد
وبعزة أبطالها تحيا ويحيا رجالها
غناء : عبد الغنى السيد
الاستعمار اللى إحنا قاسينا منه سنين
وبأعوانه إتحكم فينا دنيا ودين
زالوا وزال واتبدل الحال
وإتحررنا بإيد ابطال
وبعزة أبطالها تحيا ويحيا رجالها
غناء : عبد الوهاب
قولوا لعرابي أخدنا بتارك م اللي خانوك
خرج الغاصب اللي شرانا من اللي باعوك
واللي باقي لنا نخلص تارنا فى فلسطين وديار عروبتنا
وبعزة أبطالها تحيا ويحيا رجالها

غناء: مجموعة فنانين - حفل نادى الضباط بمناسبة الجلاء 1956

انا اللى تنسانى - احمد شفيق كامل

أنا إللي تنساني أنا وأنا إللي تسلاني أنا
ده أنا إللي مشغول بك وأحب نار حبك
ياقلبك الجاني
أنا إللي يتنسي حبي وتبقى إنتا إللي ناسيني
أنا إللي ينجرح قلبي بهجرك وإنتا نورعيني
أنا الحب إللي راح تندم عليه لو راح ربيع عمره
دانا القلب إللي راح تحلم بعطفه لو يغيب فجره
وتنسى إزاي وتقسى إزاي وتظلم مين وتحرم مين
أنا إللي تنساني
أنا إللي تنطفي شموعي في ليل حبك بهجر سنين
أنا إللي يرخصه دموعي على إيديك دول أعز ايدين
أنا الدمع إللي عاش غالي ويغلى لما يرخصلك
أنا الشمع إللي بيحلالي لهيبي بس أنورلك
وتنسى إزاي وتقسى إزاي وتظلم مين وتحرم مين
أنا إللي تنساني
أنا إللي ينظلم عمري وتخسر في الهوى جروحي
وتبقى إنتا نديم فكري يانايم عن عذاب روحي
دانا العمر إللي يتمنى يطول بالهنا عمرك
وانا الفكر إللي ماتهنى ولا ريحتو في هجرك
وتنسى إزاي وتقسى إزاي وتظلم مين وتحرم مين

غناء: فايزة احمد - عام 1956

ذكريات - احمد شفيق كامل

ذكريات
رجعتني الذكريات للي فات من حكاية لحكايات
فكرتني وافتكرت، وبخيالي هناك بعدت واتاخذت
فكرتني بالطفولة، واللي كان وقت الطفولة
وافتكرت سنين بعيدة، بعيدة مش سعيدة
واحنا في مصر الجديدة (ده كان زمان)
الجيران من كل جانب، كانوا أكثرهم أجانب
إنجليز حالهم يغيظ
والعجايب، كنت حاسس إني أنا وأهلي الأجانب
ذكريات، ذكريات
حتى أسماء الشوارع والمصانع كلها قدام عينيّ أجنبية
ذكريات، ذكريات
كنت تلميذ في ابتدائي وأصدقائي، يوم كده جوه في شارع جنب بيتنا
نطير طيارتنا اللي صانعينها بإيدينا إلتقينا
شلة من أولاد هناك إنجليز من سننا
بيطيروا هما كمان طيارتهم زينا، طيارتهم زينا
طيارتنا وطيارتهم مرت النسمة خذتهم شبكتهم عقدتهم وقعتهم
الأولاد الخواجات بالضرب هات فينا
ضربناهم برجلينا وإيدينا وانتهينا
في البوليس راحوا اشتكونا وجرجرونا وبهدلونا
إلتقينا في قسمنا اللي إسمه عربي
الشويش راجل أوروبي، إنجليزي وشه أحمر قال
Egyptians how dare you beat them?
Don't you know them?
دول حماية
إبتدى قلبي الصغير يدور عن جواب لسؤال يحير
إحنا مين في بلدنا ولاّ فين، فين؟
إلتقيت رد السؤال الإحتلال
الإحتلال ظلم وضلال
والذكريات للي فات رجعتني، رجعتني وفكرتني، وفكرتني الذكريات
الذكريات، الذكريات
أنا شفت العلم البريطاني، بيدنس نسمة أوطاني
منظر حسرني وبكاني، وخلاني كرهت أشوف ثاني
وفي علمي دريت دمع هواني
إزاي أوطاني الجبارة، محكومة بقصر وبسفارة
ولكل دخيل فيها إدارة، وجيوش محتلة ومخمورة
تنهب في بلدنا المأسورة
إزاي
وازاي في اللد وفي الرملة، كانت العملة مأساة كاملة
إستشهد أخويا في أراضيها بين روابيها
وحبيبته، خطيبته منساش لوعتها وكلامها لصورته
إزاي يا حبيبي إزاي غشوك، إزاي بسلاحك بإيديك قتلوك، قتلوك
إزاي
أسلحة فسدانة وخسرانة غشنا حكمنا ودسوها
ليه تاجروا فيها وقتلونا بيها ليه
وفي ليلة رهيبة والريح بتصفر وتزوم
ولا باينة نجوم القاهرة الساحرة الساهرة
إزاي بقت في لحظات كلها دخان ولهب ونيران
وصراخ وعذاب وخراب ودمار بتاكلها النار
القاهرة الساحرة، القاهرة الساحرة
إزاي
النيران صبحت رماد، واللهب في قلوبنا قاد رغم السكون
كان الغضب، الغضب بركان بيغلي، بيغلي في العيون كل العيون
وصحيت على ثورة بترج الدنيا، وصحيت على ثورة بترج الدنيا
ولقيت أوطاني حكمها في إيديّ وجمال قدامي بينادي عليّ
قوم إرفع راسك (قوم وإشبع حرية)
كنت في صمتك مرغم، كنت في حبك مكره
والله زمان يا سلاحي (الله أكبر)
إشتقت لك في كفاحي (الله أكبر)
إنطق وقول أنا صاحي (الله أكبر)
بعد طول الذكريات واللي فات من حكاية لحكايات
بصيت لطفولة أولادي، وبقيت أتصور أحفادي
بتغني وبتنادي بكرامة وسلامة
هنا وطن الحرية هنا حصن القومية، القومية العربية
أحرار في بلدنا في دنيتنا، ولا فيش في سمانا إلا رايتنا
أحرار ونحب الحرية، لبلدنا ولكل الدنيا ولكل الأمة العربية
يا بلادي

غناء: عبد الحليم حافظ - عيد الثورة الثامن 1960

مطالب شعب - احمد شفيق كامل

هندسة جمال و حنغنيها وحنطلع فوق السما بيها
حبيبتنا بلدنا اللي يشوفها رجعت لاصاحبها و اهليها
بلد الأحرار كلها ثوار ولا ينذل شعبها فيها
طريق الثورة طريق النصر...عاش الجيش و تعيشي يا مصر
من يوم ما ابتدأت ثورتنا ما عرفنا غير عودتنا
ويوماتي النصر مع كل خطوينا
بلد الأحرار كلها ثوار ولا ينذل شعبها فيها...ولا كلمة
يا اللي العروبة محوشاك لآماني كبيرة
يا اللي القدر باعت معاك أمجاد كتيرة
النهاردة و إحنا عايشين في انتظار ده
من النهاردة كل عامل له نصيب في مصنعه
من النهاردة كل فلاح لهو قيراطه بيزرعه
من النهاردة وخير بلدنا للشعب كله باجمعه
بالعمل بالدم حنصون انتصارنا
كل واحد فينا ناصر يحمي ديارنا
باسم الشعب يا بطل الشعب
باسم الشعب العربي العربي بحاله
باسم كفاحه و باسم آماله
باسم الشعب اللي انت حبيبه..وحبه في قلبك
باسم تاريخنا ومستقبلنا جاي اطلبك
عايزين يا جمال عايزين يا أمل ملايين
بسم ... بسم حقوقه في فلسطين
باسم دمانا بالشهداء بالفدائيين
عايزين عايزين يا جمال عايزين
عايزيين عايزين يا امل ملايين
عايزين عايزين يا امل ملايين العودة العودة لاراضينا
نرجع وياك للقدس هناك ولحيفا ويافا تعود لينا
قدها وقدود يا بطل موعود
يا حبيب الشعب يا ناصر
باسم فجر النصر فوق ارض الجزاير
باسم اعظم مجد صنعه شعب ثاير
عايزين عايزين يا جمال عايزين
عايزيين عايزين يا امل ملايين
عايزين عايزين يا امل ملايين إنت اللي توحد كلمتهم
والأخ الأكبر مين غيره بالحب يجمع قوتهم
قدها وقدود يا بطل موعود
يا حبيب الشعب يا ناصر
باسم تاريخنا وقوميتنا وانتصاراتنا على الرجعية
باسم حيادنا باسم الحاضر باسم أمل اجيلنا الجاية
عايزين عايزين يا جمال عايزين
عايزيين عايزين يا امل ملايين
عايزين عايزين يا امل ملايين الوحدة الكبرى نعيش فيها
وحدة اشتراكية عربية بكفاية وعدل نقويها
الوحدة كانت قبل سوريا وقبل مصر
الوحدة باقية بعد سوريا وبعد مصر
لا انتهازية ولا رجعية
شعب واحد امل واحد
الوحدة فكرة الوحدة بيت وايمان بيملى كل قلب
الوحدة مش حكام ورجعية وخيانة
الوحدة شعب الوحدة شعب
قدها وقدود يا بطل موعود
يا حبيب الشعب يا ناصر
باسم امل افريقيا وأسيا في الحرية
باسم شعوب بان دونك الثايرة على التبعية
باسم حيادنا باسم سلام ما يحبش حرب
باسم جهادنا باسم الخير يا جمال والحب
عايزين عايزين يا جمال عايزين
عايزيين عايزين يا امل ملايين
عايزين عايزين يا امل ملايين يا ضمير الخير في البشرية
تبقى انت الثورة في الدنيا ضد الطغيان والعبودية
قدها وقدود يا بطل موعود
يا حبيب الشعب يا ناصر
يا واخدنا لنور الحرية لطريق امجادنا القومية
يا قايدها لهيب من اعصابك من قلبك من دم شبابك
زودنا الحمل على كتافك وطلبنا
وتعيش ونطالبك يا ناصر

غناء: عبد الحليم حافظ - الذكرى العاشرة للثورة 1962

حكاية شعب / السد العالى - عبد الحليم حافظ /اشعار/ احمد شفيق كامل

قولنا حانبني وآدي احنا بنينا السد العالي
يا استعمار بنيناه بإيدينا السد العالي
من أموالنا بإيد عمالنا
هي الكلمة وآدي احنا بانينا
إخواني (إيه) تسمحوا لي بكلمة
الحكاية مش حكاية السد، حكاية الكفاح اللي ورا السد
حكايتنا احنا حكاية شعب للزحف المقدس قام وثار
شعب زاحف خطوته تولع شرار
شعب كافح وانكتب له الإنتصار
تسمعوا الحكاية (بس قولها من البداية)
هي حكاية حرب وتار بينا وبين الإستعمار
فاكرين لما الشعب اتغرب جوة في بلده (آه فاكرين)
والمحتل الغادر ينعم فيها لوحده (مش ناسيين)
والمشانق للي رايح واللي جاي
ودم أحرارنا اللي راحوا في دنشواي (آه فاكرين)
من هنا كانت البداية وابتدا الشعب الحكاية
كان كفاحنا بنار جراحنا يكتبه دم الضحايا
وانتصرنا، انتصرنا، انتصرنا
انتصرنا يوم ما هب الجيش وثار
يوم ما أشعلناها ثورة نور ونار
يوم ما أخرجنا الفساد، يوم ما حررنا البلاد
يوم ما حققنا الجلاء
وانتصرنا، انتصرنا، انتصرنا
رجعت الأرض الحبيبة الطيبة لإيدين صحابها
إلتقينا العز فيها والكنوز تايهة في ترابها
قلنا نلحق نبني مستقبلها ونرجع شبابها (نعمل إيه)
كان طبيعي نبص للنيل اللي أرواحنا في إيديه
ميته في البحر ضايعة والصحارى في شوق إليه
قلنا نبني سد عالي
بص الإستعمار صعب حالنا عليه
ليه نرجع مجدنا ونعيده ليه (يعمل إيه)
راح على البنك اللي بيساعد ويدي
قال له حاسب قالنا مالكمش عندي (قولنا إيه)
كانت الصرخة القوية في الميدان في اسكندرية
صرخة أطلقها جمال، صرخة أطلقها جمال
واحنا أمنا القنال، واحنا أمنا القنال، واحنا أمنا القنال
ضربة كانت من معلم (خلى الإستعمار يسلم)
والحصار الإقتصادي (برضو ما ذلش بلادي)
جاب سلاحه وطياراته غواصاته دباباته
واعتدى علشان نسلم
هو مين لا ده بعده هو اللي اتلقى وعده
كنا نار أكلت جيوشهم نار تقول هل من مزيد
إنتصرنا ولسه عارهم ذكرى في تراب بورسعيد
والعروبة في كل دار وقفت معانا
والشعوب الحرة جات على اللي عادانا
وانتصرنا، انتصرنا، انتصرنا
آدي حكاية الشعب، شعب للزحف المقدس قام وثار
شعب زاحف خطوته تولع شرار
شعب حقق له جمال الإنتصار

حكاية شعب / السد العالى
غناء: عبد الحليم حافظ
اشعار: احمد شفيق كامل
الحان: كمال الطويل
توزيع موسيقى: على اسماعيل
الاصدار فى: اسطوانات كايروفون
السنة: 1960
التصنيف: وطنى

الحفلات:
  • حفل اضواء المدينة بأسوان للاحتفال بوضع حجر اساس بناء السد العالي 1960
  • حفل دمشق عام 1960
  • حفل أسوان عام 1963

على فين وخدانى عينيك - احمد شفيق كامل

على فين وخداني عينيك
يا ساقينى الشوق بإيديك
دا انا قبلك ياما قسيت من ناس
والشوق والدنيا تبقى انت وهما عليا
دخلت عمرى منين وعشت أيامي
واتبع خطاك على فين يا كل احلامي
انا جاي منين، انا رايح فين ويا نصيبي
معرفش انا مين ولا فين رايحين قول يا حبيبي
فرحة لقاك أعياد وليه ما بفرحشي
قالوا القمر لو زاد ينقص ولا يبانشي
ويا ترى يا جميل لو قلبي يميل ويا نصيبي
هفرح وياه بليالي هواه، قول يا حبيبي

غناء: سعد عبد الوهاب - فيلم "علمونى الحب" 1957

خلى السلاح صاحى - احمد شفيق كامل

خلى السلاح صاحى صاحى صاحى
لو نامت الدنيا صاحى مع سلاحى
سلاحى فى ايديا نهار وليل صاحى
ينادي يا ثوار عدونا غدار
خلى السلاح السلاح صاحى صاحى

 غناء عبد الحليم حافظ - عام 1973

اوبريت الوطن الاكبر - احمد شفيق كامل

يوم ورا يوم أمجاده بتكبر
وانتصارته مالية حياته
وطني بيكبر وبيتحرر
وطني وطني
[عبد الحليم حافظ]
وطني يا مالى بحبك قلبى
وطني يا وطن الشعب العربى
يالى ناديت بالوحدة الكبرى
بعد ما شفت جمال الثورة
انتا كبير كبير كبير و اكتر بكتير
من الوجود كله من الخلود كله
يا وطنى
[صباح]
حلو يا مجد يا مالى قلوبنا
حلو يا نصر يا كاسى رايتنا
حلوة يا وحدة يا جامعة شعوبنا
حلوة يا أحلى نغم في حياتنا
يا نغم سارى بين المحيطين
بين مراكش والبحرين
في اليمن ودمشق وجدة
نفس الغنوة لأجمل وحدة
وحدة كل الشعب العربى
[فايدة كامل]
قوميتنا اللى بنحميها
اللى حياتنا شموع حواليها
جنة بتضحك للى يسالم
وجحيم ثاير على أعادينا
شوفوا بيروت بعد العدوان
الإستعمار فين والطغيان
كبر الشعب وقوته سادت
وبورسعيد حكايتها اتعادت
عاش وانتصر الشعب العربى
[شادية]
وطني يا أغلى وطن في الدنيا
وطني يا قلعة للحرية
أنتا البانى مع البانيين
وأنتا الهادم للعبودية
الصوت صوتك حر وعربى
مش صدا شرقى ولا صدى غربى
ياللى ترابك كحل لعينى
يالى هواك عطرة بيحينى
انتا حبيبى يا وطني العربى
[وردة]
وطني يا ثورة على استعمارهم
إملا جزايرك نار دمرهم
لو نستشهد كلنا فيك
صخر جبالنا راح يحارربهم
الاستعمار على ايدنا نهايته
راح من الدنيا زمانه ووقته
لا الجزاير ولا في عمان
تهدا الثورة على الطغيان
الا بنبض الشعب العربى
[نجاة الصغيرة]
وطني يا جنة الناس حسدنها
على أمجادها وعلى مفاتنها
يالى قنالك رجعت ملكك
وأنتا الخير الدنيا صاينها
على السد وخد من خيره
صنع وازرع وابنى في نوره
ياللى علاك في قلوبنا عبادة
يا وطن كل حياته سيادة
وطن العزة يا وطنى العربى
[عبد الحليم حافظ]
وطني يا زاحف لإنتصاراتك
ياللى حياة المجد حياتك
في فلسطين وجنوبنا الساهر
هنكملك حرياتك
أحنا وطن يحمى ولا يهدد
أحنا وطن بيصون ما يبدد
وطن المجد يا وطني العربى

غناء: عبد الحليم حافظ وصباح وفايدة كامل ووردة وشادية ونجاة الصغيرة - عام 1959