اتفضل قولها - نادية مصطفى /اشعار/ عماد حسن

اتفضل قولها انتى .. قول الحب انتهى

انا عمري مستنتهى .. ولا اتخيلتها

استنى لما امشي .. متقولهليش في وجهي

مش عارفه لو تقولها .. هأعمل ايه بعدها

هأعمل ايه بعدها ..

انا مش حأسيب دموعي .. تشوفها عينيك في خدي

حخبيها بايديه .. وابعد وانهار لوحدي

مدام بيهون عليك .. تنهي الحب بايديك

حأكتب واقول عينيك .. مبئتش فارقه عندي

استنى لما امشي .. متقولهليش في وجهي

مش عارفه لو تقولها .. هأعمل ايه بعدها

القسوه مش في قلبي .. هأعلم قلبي يقسى

واتعلم برضوا زيك .. ازاي ابعد وانسى

مدام بيهون عليك .. تنهي الحب بايديك

حأكتب واقول عينيك .. مبئتش فارقه عندي

واستنى لما امشي .. متقولهليش في وجهي

مش عارفه لو تقولها .. هأعمل ايه بعدها

هأعمل ايه بعدها ..

غناء: نادية مصطفى - البوم "شدونى عنيك" 1998

لو ملكت الكون - عماد حسن

لو ملكت الكون بحاله .. من دهب بحره ورماله

لو ملكت الشمس حتى .. الحياه من غيرك انتى

يبقى شي صعب احتماله ..

قلبي لما اختار .. لما اختار يحبك

حب كل الناس .. كل الناس بحبك

اصل انا في الحب قلبي .. حر يعمل ما بداله

حر يعمل ما بداله ..

قلبي حب وداب .. حب وداب وغنى

لما اعيش وياك .. اعيش وياك في جنه

قالوا حبك بان عليا .. يا حبيبي طيب وماله

غناء: نادية مصطفى - البوم "شدونى عنيك" 1998

غنيلى - عماد حسن

غنيلى غنيلى غنى على الواحده غنيلى غنى
كل القلوب هامت ياسلام كل العيون نامت ياسلام
وانا وحدى طال ليلى
غنيلى غنيلى غنى على الواحده غنيلى غنى
انا اللى علمنى غناكى اسهر وافرح وياكى
دوبنى دوب سحر عينيكى وبقيت يادوب ملك ايديكى
غنيت لقلبك غنيلى
غنيلى غنيلى غنى على الواحده غنيلى غنى
كل القلوب هامت ياسلام كل العيون نامت ياسلام
وانا وحدى طال ليلى
غنيلى غنيلى غنى على الواحده غنيلى غنى
غنيتى قلبك غنالى خلى الليالى تصفالى
منك انا وانتى غنايا يحلا الغنى وانتى معايا
غنيت عشانك مواويلى
غنيلى غنيلى غنى على الواحده غنيلى غنى
كل القلوب هامت ياسلام كل العيون نامت ياسلام
وانا وحدى طال ليلى
غنيلى غنيلى غنى على الواحده غنيلى غنى
كل القلوب هامت ياسلام
غنيلى غنيلى غنى على الواحده غنيلى غنى
كل العيون نامت ياسلام وانا وحدى طال ليلى
غنيلى غنيلى غنى على الواحده غنيلى غنى

 

غناء: محمد الحلو - البوم "الاولة" 1991 

 

خاصمت الشوارع - عماد حسن

خاصمت الشوارع خاصمت البيوت

وكل الحاجات اللي كانت تفوت علينا سوا

طويلة السكة وانتى بعيد

بدور في الزحام على ايد

تموت البسمة ف عيوني

حاجات أكتر ف قلبي تموت

خاصمت الشوارع والبيوت

عشان كان المطر صاحبك

بيجي معاكي ويصاحبك

حزينة الأرض من بعدك

ومن يومها المطر ف سكوت

خاصمت الشوارع والبيوت

يا واخدة نهري وياكي

انا عطشان بناديكي

بيبدأ نيلي من قلبك

ومن قلبك لقلبي يفوت

خاصمت الشوارع والبيوت

غناء: مدحت صالح - البوم "كوكب تانى" 1989

غنواتك الخضرا - عماد حسن

ما بين قلبي وبين قلبك ستارة وسور

و100 بوابة مقفولة وبينا بحور

وأنا قلبي كما العصفور

ما يعرفش من الكلمات سوى غنواتك الخضرا

ولما راح يغنيها رجع مكسور

أعدي بابك المقفول آلاقي بابك التاني

أعدي التاني آلقاني بواجه بعده سجاني بسيف مكسور

صحيح قلبي كما العصفور

عنيد حالف يشوف النور

لكنه ف يوم ما كان خايف

وبجناحة الضعيف حالف يهد السور

غناء: مدحت صالح - البوم "ح اتكلم" 1987

يا عينى - عماد حسن

يا عيني شلتك في عيني

وقلبي غنى لهواك

و روحي لما تناديني

في لحظة بتكون معاك

يا عيني انت الوحيد

معايا او من بعيد

لا قلبي بيحب غيرك

ولا عمري بعشق سواك

حبيبي صوتك قريب

ومالي غيرك حبيب

بتلمس القلب لمسة

وياما في القلب لسه

وياما تهت في غناك

انا ياما تهت في غناك

انا عايشة عمري لهواك

و بلقى روحي في لقاك

عشانك اسهر ليالي

يا غالي في القلب غالي

انا روحي تسمع نداك

غناء: اصالة - البوم مشتاقة 2002

عيشنى ثوانى - عماد حسن / عوض بدوى

عيشني ثواني

وياك من ثاني

وانا اكمل بيهم

عمري وزماني

انا ليك مشتاقة

امتى حنتلاقى

محتاجة وجودك

وعينيك وحشاني

عيشني ثواني

يا حكاية عمري بحاله

اوهب لك عمر وماله

من اول يوم في لقانا

وانا قلبي تغير حاله

انا ليك مشتاقة

امتى حنتلاقى

محتاجة وجودك

وعينيك وحشاني

عيشني ثواني

يا سنين بالشوق وخذاني

حب واحلام واماني

نحضن بهوانا الدنيا

يبدا عمرنا من ثاني

انا ليك مشتاقة

امتى حنتلاقى

محتاجة وجودك

وعينيك وحشاني

غناء: اصالة - البوم مشتاقة 2002

لما جت عينك فى عينى - عماد حسن

لما جت عينك في عيني وابتدى بينهم كلام

قلتلك مليون بحبك قلتها من غير كلام

طب ماقلتش أي حاجه وأنت سامع كل حاجه

من يوميها يا حبيبي رمشي مش عايز ينام

العيون قالت معاني عن هوايا وعن حناني

بس تاهت من لساني كلها في لحظة هيام

قولي ليه أنده بصوتي مانت سامعني بسكاتي

والكلام باين في عيني يحكي ع الشوق والغرام

اسكت بقى كفايا كلام عن حبنا

اسكت بقى ضاع قد ايه من عمرنا

غناء: اصالة - البوم قلبى بيرتاحلك 1998

لثانى مرة - عماد حسن

حبيتك رجعتلها نسيت قلبي ورحتلها

اناديلك اعديلك وكل حياتي اديلك واغنيلك تغنيلها

اسيب الدنيا وارجعلك رجعتلها

لثاني مرة تعملها ندمت وجيت باعذارك

وفي عينك الهوان والذل غفرلك قلبي واختارك

وبعت عشانك انت الكل

بترجع ليه وتجرحني

خلاص ابعد وريحني مفيش لينا طريق نمشيه ولا احلام نكملها تعبت

وتاني مش هاسمح لاحلامي تضيع مني كفاية مرتين تجرح

واسمحك بردو وتخوني بترجع ليه وتجرحني

غناء: اصالة - البوم قلبى بيرتاحلك 1998

ارجع لها - عماد حسن

ارجع لها انا مش هحبك قدها

وازاي هامن يوم لقلبك

ما انت برده خنتها ارجع لها

كان لازم افهم من زمان

قلبك اناني ملوش امان

ولا عمر قلبي يكون سعيد

لو تشتريني بدمعها ارجع لها

انا خايفه من قلبك كثير

يسقيني من نفس المصير

سهل اللي باع في حياته مره

يبيع كتير من بعدها

ارجع لها لو روحي فيك

وحياتي كانت بين ايديك

اكبر كتير لو كنت هاخدك منها

غناء: اصالة - البوم ارجع لها 1995

كتبتك - عماد حسن

كتبتك غنوة على بابي

رسمتك وردة في كتابي

لا عايزة اصحاب ولا احباب

عيونك كل احبابي

عيونك في الهوا اسمي

وقلبك فرحتي وحلمي

وسالوا عن سبب حبي

رسمتك فارس الاحلام

وفرحك نور الايام

وبشتاق حتى في وجودك

ودوب من شوقي في غيابي

غناء: اصالة - البوم ارجع لها 1995

شئ يرجعلك - عماد حسن

شئ يرجعلك

جاي تقولي انك راحل

علشان نرجع يوم نتقابل

طيب ارحل زي ما ترحل

وابعد قد ماتوصل

قلبي خلاص ما بقاش يسمعلك

شئ يرجعلك

وانا دلوقت هقدر على البعد

واتعلمت ان الدنيا

فيها الشوك حوالين الورد

ابعد لكن لما تعود

هيكون قلبي مش موجود

قد ما تقسى هبعد وانسى

اصل الحيرة دي ليها حدود

شئ يرجعلك

غناء: اصالة - البوم ارجع لها 1995

مجروح صوت الساعات - عماد حسن

مجروح صـوت الساعـات جـارح صـوت السكـات

يسرق عمري اللـي جـاي يسرق عمـري اللـي فـات

تعـدي الـدقـة والثانـيـة تضيـع ثانيـة ورا ثانـيـة

وتدبل وردتـي فـي إيـديك إني لوحـدي فـي الدنيـا

مجروح صوت الساعات

معاك أنا كنت عايشة في عيد سعيدة عمـري كلـه سعيـد

ونسهـر تسهـر الحواديـت ولا بيعرف غنـايَ آهـات

يـا حبيـبـي دق الـبـاب دقـات السـاعـة عــذاب

أنا لمـا حشوفـك حانسـى وحيـاتـك أي عـــذاب

غناء: اصالة - البوم اغضب 1994

بتحدى عيونك - عماد حسن

بتحدى عيونك

بتحـدى عيونـك تغلبـنـي في بحـور الحـب تدوبنـي

دا أنـا قـد الحـب وأيامـه ولا عمري غرقت في أوهامه

لو عاشق مجنون يـا حبيبـي أنــا قـــد جـنـونـك

أنـا قـد عيونـك وأتحـدى ولا أخاف من طيفك لو عدى

لكـن لـو قلبـك يهـوانـي بعـيـونـي حـصـونـك

ما تسيبش عيونـك تندهلـي اسمحلي أحبك علـى مهلـي

غناء: اصالة - البوم اغضب 1994

متسالنيش - عماد حسن

ما تسألنيش عـن الأحـزان وعـن حبنـا اللـي كـان

خلاص كل اللي بينّا خلاص وأحلامنـا بقـت دخــان

برغم إنو ملـوش صاحـب زمان كان الزمان صاحـب

ولا يخاصـم ولا يعـاتـب ولا يقفـل لنّـا البيـبـان

سـراب عشنـاه وضيعنـا بريـق كـذاب بيخدعـنـا

وفين نلقـى اللـي يسمعنـا ملوش في الدنيا دي عنوان

حزين يا قلبنـا المكسـور بتشكي من زمـن مغـرور

يعشمنـا كتيـر بالـنـور ويحبسنا ما بيـن جـدران

غناء: اصالة - البوم اغضب 1994

لو الف بحبك - عماد حسن

لــو ألــف احـبــك لـــــو أكــتـــر

أنا برضوا بحبـك بالأكتـر والعالم كله يهـون عنـدي

ماهو قلبك عالم على قـدي لكن أبعد عنك مش حأقـدر

سهرنـي وسهـر مواويلـي وأقعد حارس على باب ليلي

لو قمر الليل خاصم عينـي أنت قمر عمري اللي منور

إزاي أنساك وأنت ساكنـي مرسوم في القلب وفي النني

لو خايف حاجـة تغيرنـي أنا عمري في حبك ما اتغير

غناء: اصالة - البوم اغضب 1994

كدبة كبيرة - عماد حسن

كذبة كبيرة انت

خدعة كبيرة انت

لا هصدق حد ثاني ولا صدق روحي حتى

لا هصدق حد ثاني ولا صدق روحي حتى

وقعت كل الرطوش

بان الي ما شفتهوش

وكأنك حد ثاني انسان ماعرفتهوش

كذبة كبيرة انت

خدعة كبيرة انت

كذبة وصدقها قلبي وادالك كل حبي

وفقت مالقتش حد جنبي

كذبة كبيرة انت

خدعة كبيرة انت

جواك الغدر ساكن لاكن ماكنش باين

دي الأيام اكدتلي انك غدار وخاين

كذبة كبيرة انت

خدعة كبيرة انت

كذبة كبيرة انت

خدعة كبيرة انت

لا هصدق حد ثاني ولا صدق روحي حتى

لا هصدق حد ثاني ولا صدق روحي حتى

وقعت كل الرطوش

بان الي ما شفتهوش

وكأنك حد ثاني انسان ماعرفتهوش

كذبة كبيرة انت

خدعة كبيرة انت

غناء: عفاف راضى - البوم "اخر قرار" 1999